منتديات نبع الفرات

تمت ارشفة منتديات نبع الفرات

المشاركات من الموضوع وين الكاك!حسين الساعدي وعاشقة بغداد-ررروعه

  1. بواسطة احمد الملك

    اروع المطاردات المباشره
    بين
    الشاعر المبدع حسين الساعدي
    وعاشقة بغداد
    بوقت دام ساعة من الابداع المباشر

    وووووين اااالكاك

    [صورة][صورة][صورة]



    --------------------------------


    عاشقة بغداد

    وين الكاك؟
    اذا وقتي سمح وتعنه لهنانه
    اشوف الناس بس ما شوفك اويانه
    ترضاني أرد ابروح حزنانه!!!
    يبو مَلكه الحلو متعطشه الملكاك
    وين الكاك!![صورة]
    -------



    حسين الساعدي


    أظن حضي التقي وياك ما يرضه
    تجي لهناه وروحن قبلك ابلحضه
    مو كالوا ابنادم كلمن وحضه!
    شسوي الحضي هاذا الما جمعني اوياك!
    وين الكاك!



    --------------

    عاشقة بغداد

    يسمونك ابعامر وانته مو عامر!
    مكسور ابغربتك تكسر الخاطر
    بس اتحدى مثلك لو يجي شاعر
    يل ابكل منتدى اشعارك تضوي اهناك
    وين الكاك[صورة]

    --------

    حسين الساعدي


    طيفك جان سلوى ابغربتي وياي
    شسولفلك حبيبي وأنتَ تدري ابهاي
    اكطعت طيفك عليه وظَلمت دنياي
    حتى اطيوفك انكطعت على اليهواك!
    وين الكاك


    -------------

    عاشقة بغداد

    جبت طيفي واجيتك والهوى اتبسم
    ولكيتك ويه غيري جنت تتحلم!
    وردينه ابحزن بس الله بيه يعلم!!
    أنه وطيفي بجينه اشكد على فركاك
    وين الكاك![صورة]


    ----------------

    حسين الساعدي

    قَسم بطيوفك أنتَ اوياي متوهم
    صحيح اَحلم جنت والليل جان أظلم
    بس بعيونك الحلوات جنت أرسم
    ما شفت الاصباغ امطشرات اهناك!!!
    وين الكاك!!

    [صورة]

    -------------

    عاشقة بغداد

    صدك شفنه الاصباغ الشاعر إورسام
    صَدكتك حَبيبي وبعد ما تلام
    باجر أنه وطيفي نجي اوياك اِنام
    العمر نكضيه حلم وبغربتك وياك

    وين الكاك!


    -----------

    حسين الساعدي

    هلا بيكم تعالوا يا هلا بيكم
    ما بين الحلم بعيوني اخليكم
    اغلى اثنين أفرح من الاكيكم
    أنتَ و طيف عمري اشكد حلو ملكاك
    وين الكاك!

    [صورة]
    حسين الساعدي
  2. بواسطة أمہأرجہيہ

    كلام حلو يسلمووووو
  3. بواسطة احمد الملك

    اني خادم للطيبين