منتديات نبع الفرات

تمت ارشفة منتديات نبع الفرات

المشاركات من الموضوع شلون حالك يالعصيت الله وتموت؟؟

  1. بواسطة نسيم العراق

    [صورة]

    شلون حالك يالعصيت الله وتموت



    شلون حالك يالعصيت الله وتموت **** شلون حالك من يوسدونك حجر





    شلون حالك من يهيلون التراب **** فوگ راسك وانطمس حته النضر



    شتعتذر يم الله يالعاصي شتگول ***** رغم انفك من تروح أعلى إلگبر



    ما يفيدك مال لا جاه وبنين ************** ولا عذر ينفع بعد من تعتذر



    لا ولد يمك يبات ولا صديق ************* والگبر اظلم يضل مد البصر



    ماكو خير ولا ثواب يطب عليك ****** لأن عمرك عاصي گضيته بسكر



    تنام عاصي بوكت فرض الصلاة ******** بلا خجل من ربك وعندك فكر



    ناسي دينك ناسي نفسك ناسي يوم ******* بيه تسافر ما ترد من السفر



    تمشي أيام وشهور وبالسنين ***** تمشي وعره دروب أسهلها الخطر



    شلون حالك من تدور عالدليل *********** بهول ما بين العوالم من تمر



    وساعة التعرف دليلك من يجيك *********** شايل أعمالك يناديك بزجر



    ويا صعوبة موقفك لمن نكير ************ منك يريد الجواب شما أمر



    وين گضيت العمر أول سؤال ******** شراح تحچي شلون گضيت العمر



    غافل وسكران ما تدري اشوراك********** لو چنت عمدا تجاهر بالكفر



    شتحچي لو منكر يگلك يا فلان*********** تصور بنفسك حقيقة هالا مر



    المن تعاين بعد المن تروح ********** تنطي وجهك وين لا وين المفر



    غربه وحشه وخوف وأهوال وحساب***** من تطيح بهاوية وادي سقر



    توب لا تغفل يخايب لا تنام ************ وأصحه ليلك بلچي ذنبك ينغفر



    الچان گبلك وين صار بيا مكان***** وشوف ربعك صاروا دروس وعبر



    ------------------------------------------------



    الشاعر ابو حسن الحسيني

    منقوووول
  2. بواسطة غريب الروح

    الله اكبر
    ابكيتني ...والله
    شكرا لأيقاضنا من نومة الغافلين
    تقييم
  3. بواسطة نسيم العراق

    سلامتك أبومحمد..شكرا للمرور والتقييم