منتديات نبع الفرات

تمت ارشفة منتديات نبع الفرات

المشاركات من الموضوع البوم صورك بايدي حركتة

  1. بواسطة احمد الملك

    ما مرتاح طبعاً والحچي مايفيد
    وبعد ماظل صبر كافي الصبرته
    بالحب تختلف ماأختلف وياك
    بس عوض گلب مني الاخذته
    مليت أنتظر باچر تجي وما جاي
    عگب باچر أجه وما جيت أنتَ؟
    واسهر و السهر ريشه أبمهب الريح
    وأحس حتى الگمر عاتبني سكته
    وگلي اشحصلت من عمري ذاك الفات
    أذا نص العمر لجلك سهرته
    واذا بيه الذنب فهمني خل ارتاح
    وأذا بيك الذنب رغماً قبلته
    يحسدونه شكثر حسبونه عالعشاگ
    ويگلولي شكثر من عدنه بگته
    وگتلهم چذب بس بالأسم محبوب
    ومتندم على يوم العرفَته
    لأن طبع اليحب معروف عند الناس
    صافن والحچي كله ابصفنته
    وانته لا تحن لا مثلي هم تشتاگ
    وقانون العشگ وحدك عزفته
    موهيچ اليحب گلب اليحب ولهان
    ولا گلب اليحبهم هيچ دگته
    كل ساعه أحترگ طافيني دمع العين
    وترجع حضرتك ثاني وشعلته
    ومثل عالم صرت بس تخترع الاعذار
    ولعلمك نعم هسه افتهمته
    بستانك حزن منه جنيت أهموم
    ماجاني الفرح لايوم ضگته
    كافي بطلت رجعلي گلبي النوب
    مااريد العشگ ماعندي بخته
    وباچر لا تجي ودّگ على الباب
    مفتاحك لأن اصلاً كسرته
    وتتندم علي تحلم تردلي بيوم
    وخط رجعه چذب سولفهه نكته
    وأزيدك بالشعر بيتين مو بس بيت
    البومك للصور بيدي حرگته
    ورسمك لو طفل والعين أمه اتصير
    من عيني بعدصدگ فطمته !
    وخسران أعترف والحب تجاره صار
    وبايع مشتري كل شي خسرته
    بسابقه القلم وأنته الورق جوّاي
    وبكيفي ألاريد هو الشطبته
  2. بواسطة مـيـــلاد

    ​شكرا اخي احمد بالتوفيق انشاء الله
  3. بواسطة احمد الملك

    [صورة]