منتديات نبع الفرات

تمت ارشفة منتديات نبع الفرات

المشاركات من الموضوع شعر : الصدر من البيت الاول

  1. بواسطة محمد العقابي

    الصدر من البيت الاول من هوسة للشاعر سيد سعيد الصافي ...للامانه الشعريه.

    ثابت ثم ثابت ثم حي الدين على نهج الحسين بشغف ماشين

    يكلولي النواصب انتو كفار مو بس كفر انتم هم مجانين

    تعبدون القبور وتاركين الله وتسجدون لصنم مصنوع من طين

    اتخسه يالناصبي ربي الجليل الله وهاي الطينه سال عليها دمين

    دم حسين اتجسد بشخص الدين ودم الدين اتجسد بشخص حسين


    ـــــــــــــــــــــــــــــــــــــــــــــــــــــــــــــــ

    بحور امودتك يحسين ماجن

    وجن ليل الولاء وغيره ماجن

    عابس لوله حبك چان ماجن

    مثل عابس غرامك صار بيه
    ــــــــــــــــــــــــــ
    نبين للشغل فكره ×× بحبنه لوالد العتره
    يروح يزور ×× يشوف النور
    هناك بكربله سرّه
    ـــــــــــــــــــــــــــــ
    يهل تنشدنه عن سر حبنه لارض الطف
    وعن سيل المدامع عالوجنه شو ما جف
    قسَم بالقدر ليلة أنزل المصحف
    إلهك عالرسول المصطفى الأشرف
    لون ترجع ضريبة حُبها كطع الجف
    مُهج ننطي وأبد ما لحظه نتأسف
    مُهج وارواح ×× نحط عالراح
    هديه لضنوة الزهره
    ــــــــــــــــــــــــــــــــــ
    يهل تنشدنه ذيجه كربله اكصدها
    السحر كله انطوه بهيبة مراقدها
    تعيش بواقع اسطوره وتشاهدها
    رفاة اشرف جسد للدنيا خلّدها
    الكلب حَبهه وهِواهه وانرهن عدها
    روح اكصد فيافي الحضره وانشدها
    تصد وتشوف ×× إلوف تطوف
    كرم جفينه تنتظره
    ـــــــــــــــــــــــــــــ
    لو ما كربله جا ما سمعنه آذان
    ولا رتّل مرتل آية القرآن
    جا صغنه العِجل واختلفت الأوزان
    وجا عاود ثمود وعاود الطوفان
    لجن جسم الحسين الظل على التربان
    كشف وجه الخديعه وأصبح القربان
    بوفه وإقدام ×× فدى الأسلام
    وعِلن ضد الكفر ثوره
    ــــــــــــــــــــــــــــــــــ
    لو ما كربله جا ما صُبح أسفر
    وجا ما عالبسيطه تأسس الأزهر
    جا لا كعبه ظلت لا بشر كبّر
    لا نعرف صفا ولا مروه لا مشعر
    جا صرنه عبيد بدولة القيصر
    وجان افلح يزيد وأردم الكوثر
    ومحى القرآن ×× بِِدِمه الطغيان
    ومثل ما أهتك الحَرَّه
    ـــــــــــــــــــــــــــــــ
    طب طف كربله وشاهد منايرها
    وخل روحك تطوف بكل مشاعرها
    وانظر شنهي من هاجس يخامرها
    دَفَنها دموعك تظل بمحاجرها
    قِبله الطف غدت تشهد مآثرها
    ترويلك كببها اروع مفاخرها
    عن الجفين ×× وصمود حسين
    ومآثر زينب الحُرَّه
    ـــــــــــــــــــــــــــــ
    لو ما كربله ولو ما أبو اليمه
    فوك ترابهه سال ونزف دمّه
    جا لا دِين ظل ولا عِلا إسمه
    لا ظلت شريعه ولا بقت ذمّه
    لجن صرح الخلود اللي هوى جسمه
    صُبَح قِبله ومنار ومهبط الرحمه
    ملاذ النه ×× إذن جنّه
    هدتهه كربله القُدره
  2. بواسطة Alforati

    روووعه هالكلمات استاذنا الفاضل
    شكرا لك ولروعة نقلك المميز
  3. بواسطة ღ جورية العراق ღ

    كلمات جميله جداً
    سلمت يداك اخي العزيز وسلم ذوقك
    تحياتي
  4. بواسطة نغم حسين

    عاشت ايدك على الاختيار الرائع يسلمووووووو
  5. بواسطة احمد الملك

    [صورة]