منتديات نبع الفرات

تمت ارشفة منتديات نبع الفرات

المشاركات من الموضوع من كل بيت صرخة

  1. بواسطة Alforati

    مو طير طاير بالسمه ولا نجمه فضيه
    هاي الارواح الطايره كلها عراقيه
    بغداد من دون المدن كل يوم مذبوحه
    كل يوم عدنه مجزره واجساد مطروحه
    الموت يمشي بالدرب وينه اليضم روحه
    ذيب وتبعهم بالأثر والناس مجروحه
    الدم بالشوارع من جره البيبان مفتوحه
    ياهو بقميص ابيض يمر والنزف ميلوحه
    .

    ................................................



    عمت عين المنايا وعين الگبور
    تختار العزيز وتاخذ الزين
    راحت لابو الغيرة ورفعت الراس
    وطفت للعزيز الشمعه ودرة العين
    انت صح طحت بس طحت خيال
    ودمك بألف رگبة وشاربك دين
    شگل لامك واخوتك ما يسكتون
    وتگل للخال چا خوية الولد وين
    بعد ما اشوف طولك من يمرون
    وبعد راح العزيز المن تضحكين
    يا عين



    [صورة]





    .......................................................................


    (خذاك الموت) يمه وأنت اظن تعبان
    سوده بوجهي يمه اشلون فاركتك
    رايح (تشتغل) والعوز شد وياك
    (المساطب) من كعدتك حيل عاشكتك
    ادعيلك ييمه وهل دموع اتسيل
    بيد الله ييمه بليله سلمتك
    (أنخي الزهره) يمه ترجعك لهل بيت
    من ابنهه احسين والعباس ناذرتك
    (أنفجار) الناس صاحت صحت يمه هلا
    أنفجر كلبي ييمه الصبح ماشفتك
    جابولي (نعش بي راس بي جفين)
    مكطع يمه هيج الناس شايلتك!


    [صورة]



    ...........................................................................


    وي محمد انته تتغده.؟ وانة اموت ؟
    والله حاير بيك شحجيلك شكول ؟
    من يشوف اطفال دمهه اعله الرصيف
    انته كلي شلون يتغده الرسول ؟!!


    [صورة]






    [صورة]