منتديات نبع الفرات

تمت ارشفة منتديات نبع الفرات

المشاركات من الموضوع قصيدة لاذت ورا الباب للحاج باسم الكربلائي مونتاج وصوت ومكتوبة

  1. بواسطة Alforati

    السلام عليكم


    اللهم صل على محمد وال محمد


    لاذت ورا الباب يمريم



    للملا باسم الكربلائي
    للشاعر السيد سعيد الصافي الرميثي

    [صورة]

    مونتاج لاذت وره الباب - الملا باسم الكربلائي
    المونتاج للسيد عبد العزيز الحسيني


    بالفيديو

    [فيديو]



    + آلقصيده صوت بجوده عآليه mp3


    لآذت ورآ آلبآب





    + القصيده مكتوبه





    للملا باسم الكربلائي
    للشاعر السيد سعيد الصافي الرميثي



    لاذت ورا الباب يمريم فاطــمة الزهرة


    روح الله مذبوح وكع من شدة العصرة



    منهم كل الأسبـــــاب


    نـاس الكالوا أصحاب


    ........


    يمــريم من عطش غصن النبوة


    شرب من دمعة البضعة وتروى


    قبـــل آدم قبــــل تكــــوين حوا


    رسول المـرحمة بأخلاقه ضوا



    بالذروة مخلوق محمد من قبل عيسى


    ما يحصل إشكال إذا بالمحسن نقيسه



    جهلوا علم الأصلاب ناس الكالوا أصحاب


    .....


    أثر من قدرة الباري العظيمة


    تنقل بين الأصــلاب الكريمة


    يمريم يا ألف وسفه وهضيمة


    دفع باب المجد جف الجريمــة



    نعذرهـــــم نقول لو انهــم ما يعرفوها


    بت أشرف الناس عجـــيبة ما يحشموها



    لمن دفعوا الباب ناس الكالوا أصحاب


    .......


    يــــمريم فاطمة اليسمع خبــرها


    يجلها وينــحني لـــــهيبة قـدرها


    ورا الباب التجـت رادت سترها


    و اجا الظالم ع الحايط عصرها



    من طاحت تصيح يـحيدر ياعلي الحق لي


    ضلعي يا كـــرار تصوب وفقـــدت طفلي



    كلبي ياعلي إنصاب ناس الكالوا أصحاب


    ......


    إلج مـــن فتحت النخلـــة قلبها


    عليج انهال يـــــــمريم رطبها


    لجن وي فاطمة تحول حطبها


    مصيبة ونار ظل يسعر لهـبها



    زينب يقولون زغيرة ولاذت بأمها


    ماتدري بالنار لهبـــها يوصل خيمها



    شعلوا نار المصاب ناس الكالوا أصحاب


    ....


    جذع للنخــــــلة من ينـهز طبعها


    ثــــــمر تمطر على الرايد نفـعها


    لجن باب الوديعة انــــهز جذعها


    عـصرها بلا رحم صوب ضلعها



    والحاقد ردود إجـــــاها برمحه يطعنها


    من بعد المصاب فجعها الغالي محسنها



    ليش انقلبوا أذياب ناس الكالوا أصحاب


    ....


    يـــــمريم لو تقوليـــن الزجية


    وديعة حيدرة حامـــي الحمية


    أبو القاســــم رسول الله ونبيه


    جتف عقد الوله بحبل الوصيه



    معقوله موجود علي و ما واحد يهابه


    بس هم يــــدرون تبلم سيفه بكــــرابه



    ضمنوا هذا الحساب ناس الكالوا أصحاب


    ......


    فجـــــــايعـنا بسبب أول فجيــــعة


    ورثنا الحـــزن كله من الوديــــعة


    ابنها انكسر ظهره اعــلى الشريعة


    على جفوفه انذبح ضامي رضـيعه



    دارت على حسين نفسها الدارت اعلى أمه


    على الغبرة خلوه ذبيــــــح وســــابح بدمـه



    سنوا نهج الإرهاب ناس الكالوا أصحاب


    .....



    اتقدم بالشكر لكاتبة القصيدة
    ريحانة ابوها


    دعواتكم
  2. بواسطة احمد ابو سجاد

    شكرا لك حبيبي الفراتي على هذه القصيده الجميله
    بصوت الحنجره الذهبيه واسد المنابر
    باسم الكربلائي
  3. بواسطة Alforati

    وفقكم الله اخي ابو سجاد
    ولاحرمنا من تواجدكم الرائع