منتديات نبع الفرات

تمت ارشفة منتديات نبع الفرات

المشاركات من الموضوع تحلم بالچذب / قصيدة

  1. بواسطة صقر الجنوب

    تحلم بالچذب يل چنت احلم بيك
    اوتصفن مو عليّ من چنت تصفن
    على اجفوفي اشكد كتبت اهواك
    شجاك استعجلت وادموعك صبن
    يل گلگ وفه ويل وفاك اتلول
    واتلولك غدر وياي شو كبرن
    صاحب صاحبي كمت انه اسميك
    واهمومي صفن وياي يتعشن

    انه الگتلگ هلا بك ودعيتك
    وترانه اليوم اصيحن ودعيتك
    ابنص ابگلبي امانه ودعيتك
    تماشيني اوتحب غيري عليه

    داريتگ طفل ومن كلشي اخاف اعليك
    امداراتي الگ اشجابن اشودن
    خليتك شمس اشحولاك اغيوم
    واغيوم العمر شو لسه ما ندن
    حله غيري ابعينك وانه الك ضحيت
    واسنينك ابد وياي ما ضحن
    الله وياك اگلگ ومحالل وماهوب
    وايام المشن ما رايد ايردن

    بقلمي 2013
    صقر الجنوب
  2. بواسطة Alforati

    رااائع جدا انت مبدع ياصقر الجنوب ونورت المنتدى
  3. بواسطة صقر الجنوب

    النور نورك .. واسعدني وجودك اخي الفراتي .