منتديات نبع الفرات

تمت ارشفة منتديات نبع الفرات

المشاركات من الموضوع لا تجينا . لعريان السيد خلف

  1. بواسطة أبـ ْـو سمـ ْـرة

    لا تجينا..!
    چان گـِلت ابوجه الأبيض ... غير معشركم لگينه..
    وجينا مشتاگين ... وبلهفه..
    وتسد بابك علينه...!
    وجينا يدفعنا الهوى.... ودمعاتنا اتگطـِّر بدينه...
    وچنت أظن عـدَّك وفى..
    وروحينا من فرد طينه..
    أعتب اعلى الروح...
    چي لنها اعلى شوفتكم حنينه..
    وأعتب اعلى الشوگ ...
    والعشره وسوالفها الحزينه..
    عَـلـَّمتني...
    إشلون يتبرَّه الخَوي...
    وحمل اليگع محَّد يعينه..
    عفيه صحبة هلوكت ..
    بيها اليجافي ... إشوكح عينه...!

    [صورة]* *** *[صورة]

    اولا تجينا...!
    اوما اجيكم ... وليدگ بابك بعد تنشل يمينه..!
    اوجينا ... مدري الچدم زل بينا اعلى دربك...
    لو عمينه ....
    وجيت أرد روحي....
    البگت سنتين بديارك رهينه..
    ... او چنـّي ضيف..!
    اوعادت الينضاف للخطـّار يرخص ماي عينه..


    [صورة]* *** *[صورة]
    وإنته لا چنـَّك رُبيتْ ابماينا اوشارب حَنانـَه
    وحتى ضيـَّعت العرف...
    يوم الوكت بيدك رُمانَه
    ويا عفا اگلوب التشيل الضيـَّم ... وشنحمل عفانه
    اوحتى اعز الناس .. من طحنا ابهضم جاروا علينا..
    ومن وصلنا البابهم ...گالوا اشجابك..! لا تجينا
    وعفيه عشرة هلوكت بيها اليجافي اشوكح عينه..!

    تحياتي
    [صورة]* *** *[صورة]


    منقووول
  2. بواسطة MiSs MeMo

    عاشت الايادي
    شكرا كثيرا لك ع الشعر الحلو
    تحيتي
  3. بواسطة أبـ ْـو سمـ ْـرة

    نورتي الموضوع بالمرور الطيب
  4. بواسطة priɴce-αlirαq

    [صورة]

    [صورة]
  5. بواسطة أبـ ْـو سمـ ْـرة

    شكرا الك نورت الموضوع بمرورك العطر :rose: