منتديات نبع الفرات

تمت ارشفة منتديات نبع الفرات

المشاركات من الموضوع مُتباركين بمولد وليد الكعبة أمير المؤمنين علي عليه السلام

  1. بواسطة Alforati

    بسم الله الرحمن الرحيم
    اللهم صلِ على محمد وآل محمد الغر الميامين
    السلام عليكم ورحمة الله وبركاته
    مُتباركين بمولد وليد الكعبة أمير المؤمنين علي عليه السلام
    وثبتنا الله واياكم على ولايته إن شاء الله
    تصميمي المتواضع : ملاحظة : صممته قبل سنة كان بسيط ضفت عليه تأثير وحبيت انشره هنا لذا اذا رأيتموه في المنتديات فهو لي :/)

    :•: يا وليد الكعبة :•:

    اليوم يم راسك اريد ابچي وأون
    وهاي دمعاتي اجت گبلي تطوف
    وياهو غيرك يجلي عن روحي الحزن
    يا عليّ الرجفت كل السيوف
    :•: :•:
    يا وليد الكعبة يا خير الاخيار
    يا شفيع الناس في يوم الحشر
    يا بطل ياحيد يا حامي الجوار
    يلي سيفك بالوغى يطبر طبر
    ( علي ) من والاك متمس جسمه نار
    ثلج كله ايصير لو ردت الجمر
    انت مولانا ونعم يابو الحسن .. يا( علي ) البيك تتنخه الالوف
    اليوم كل اهمومنا يمك اجن .. وضلت ابشباچك امعلگه الجفوف
    :•: :•:
    يا ( علي ) لولاك يونس مانجى
    هو وسط الحوت يندب يا ( علي )
    يا ابا الحسنين شباك الرجا
    ايلوذ بيك العنده شده ومبتلي
    يا عدل يمعدل انت المعوجه
    يا ولي الله يا نعم الولي
    اگلوبنه ابحبك تراهن قصرن .. اشنحچي متوصلنه الك كل الحروف
    العيون اللي عليكم مابچن .. كون تعمه وتبقى تتحسر تشوف
    :•: :•:
    يا ( علي ) انت غداً راعي اللواء
    وانت تشفع بالحشر للمؤمنين
    يلي اسمك منكتب بأعلى السماء
    يا وزير المصطفى الهادي الامين
    يا ( علي ) لو انت في طف كربلاء
    چان مامر العطش بأهل الحسين
    وچان نسوان الزلم ماينسبن .. وماتدگ بالشام دگات الدفوف
    يا ( علي ) الصعبات گامن ينتخن .. وهن يدرن بيك كرار الالوف
    :•: :•:
    يا قسيم الجنه والنار الجحيم
    بيك بعد الله ومحمد نستجير
    يلي ماشي اعله الصراط المستقيم
    والمشه وياك يلگه احسن مصير
    بالكرم يا ( علي ) من طبعك كريم
    يا أبو الايتام يمطعم الفقير
    على حب مسكين قدمت الصحن .. وفتحت گلبك تلم كل الضيوف
    وانت حلال المشاكل والمحن .. يا وسيع البال يل گلبك عطوف



    [صورة]
  2. بواسطة احمد ابو سجاد

    [صورة]
    السلام عليكم ورحمة الله وبركاته
    مبارك عليكم هذه الولادة الميمونه
    اعادها الله على جميع المسلمين بالخير والبركة
    [صورة]