منتديات نبع الفرات

تمت ارشفة منتديات نبع الفرات

المشاركات من الموضوع قصيدة بحق الامام علي عليه السلام للشاعر المبدع عبـــاس العبـــــــــادي/ سوق الشيوخ

  1. بواسطة مهدي حسب

    قصيدة بحق الامام علي عليه السلام للشاعر المبدع عبـــاس العبـــــــــادي/ سوق الشيوخ
    علي بطبكات جفنك للمدامع باب
    يشبه كلبك المايوم سديته.....
    على ساحل جفوفك لليتامى بيوت
    وجفنك حارس بكل باب خليته.....
    لأن ماضل يتيم بعصرك بلا ثوب
    جبت بيدك يتيم لثوبك انطيته.....
    على روحك نمت...وأيتامك على فراش
    وعلي يمك غفه...وبالسهر غطيته...
    وبدموع الارامل شفت موجة جوع...
    جبت مركب خبز بالدمع رسيته....
    صنت ماي الكرامه بكصة المحتاج
    خفته يجدي رحت لجفه جديته....
    وزفيت الخبز ...لشفاف كل جوعان....
    ولحلك المنيه الجوع زفيته....
    بيتك بيت فقرة وجان كلبك باب...
    لكن باب اكبر من حجم بيته...
    شافك منقطع....محبسك عنده عيون...
    غمز للسائل وشاورك...وانطيته
    ونمت بفراش اخوك....وفز خيالك بيك...
    سلحته....وحرس وي طه مشيته...
    وسيفك بالحرب....أذن اذان الموت
    وضيته جثث...وارواح قريته...
    أجه خيبر لجفك دك عليها الباب...
    خافك توجعه لو رحت دكيته....
    وسويت ببدر بالروس شحة روس...
    وثوب ارواحهم عالسيف شريته...
    معاضد روسهم....بزنود ذو الفقار...
    وجفك دمهم بكل حرب حنيته...
    رماد ارواحهم...وشفاف سيفك ريح
    طشرته...وعلى كبر الكاع ذريته
    ذو الفقار رحه وروسهم محصول....
    عبيت الزلم والسيف بريته....
    علي....ويوم ابن ود هل من منازل صاح
    هبت جفك السيف وكوه كضيته....
    لكمة العامري....والسيف ميت جوع
    كضيته لحم....وعظام ذبيته
    نسه سيفك كرابه بكثر خطف الروس....
    مدري انته بكثر ماشلته نسيته....
    مدري انته بكثر ماشلته نسيته....
  2. بواسطة مـيـــلاد

    شكراااااااااا اخي مهدي قصيده رائعه
  3. بواسطة مهدي حسب

    شكرا على التواجد الرائع
  4. بواسطة Alforati

    والله ابداع
    عاشت ايدك سيدنا
    ومشكور عالنقل يامبدع
  5. بواسطة احمد ابو سجاد

    موفقين على طرحكم هذا
    والله يحشركم مع محمد وال محمد
    تقبلو مروري
  6. بواسطة مهدي حسب

    شكرا على تواجدكم الرائع
  7. بواسطة الطاف المنعم

    السلام على امير المؤمنين
    احسنتم اخي ابو منتظر وفقك الله
  8. بواسطة نسيم العراق

    السلام عليك ياابا الحسن ع

    قصيدة روووعه أبو منتظر
  9. بواسطة Fantasy

    السلام على سيدنا علي

    مشكووووور خيووو رووووووووعة
  10. بواسطة آهات ملائكية

    سلام الله عليك يا امير المؤمنين
    عاشت ايدك خيووو طرح رائع٠
  11. بواسطة مهدي حسب

    شكرا على المرور الكريم
  12. بواسطة حسين علي

    شكرا ع طرح الرائع
  13. بواسطة المحامي احمد التميمي

    بوركت جهودك اخي العزيز
  14. بواسطة المحامي احمد التميمي

    روعة ...عاشت ايدك
  15. بواسطة مهدي حسب

    شكرا على التواجد اعزائي