منتديات نبع الفرات

تمت ارشفة منتديات نبع الفرات

المشاركات من الموضوع ننتضرك تجينه يمهدينه

  1. بواسطة نسيم العراق

    [صورة]


    يضل اسود لبسنه بكل زمان
    وننتضرك يمهدينه بكل مكان يوميه
    وتضل دمعتنه علطرف العين مخفيه
    وكل بيت الكم بعاشور يصيرن حسينيه
    ونضل نلطم علصدور اصغار وكبار
    إلحد ما تاخذ بثار الحسين وثار كل ام شيعيه
    وتضل مراجعنه تلبس چفن للموت متحضره
    وتضل الحضررة والزوار رغم انف ابن تيميه
    وخللي تسمع العالم وتعرف الاديان
    منهو بگد شيعة علي اتحمّل اذيّه
    لكن هيّة حسرة وحگ راس الحسين
    تغلي بصدورنه وما تنطفي اشويّه
    نشوف مقام اختك الحوراء زينب
    متحوط بهذوله الكفار الوهابيه

    يا صاحبي اصبر . تره ما تگدر وحدك تحل القضيه
    لان حلالهة ينتضر اذن رب البريّه
    يوم اليجي يرعد رعد إمجيّه
    والخوف يمشي شهر گدامه وحواليّه
    ودولة الحق بأذن الله مقدّرة ومقضيه
    بس انته اصبر يا صاحبي اشوي عليّه

    ننتضرك تچينه وبيدك تداوينه
    وبوجهك نشوف وچه الأئمه ونبينه
    ننتضرك وسط الضلم والجور
    ملّه تكفّرنه وملّه تعادينه
    ننتضرك والحلگ مر والدين چمرة نار
    لا وطن آمن بعد - ولا وطن بعد يأوينه
    وعگب ذيچه المضايف والكرم والخير
    تاليهة شيعتك ابكل بلد متفرگه يمهدينه
    إلمثل هذا واكثر بعد ننتضرك تچينه
    إلخاطر محمد جدّك لا تگطعن بينه
    وتدري انته الكريم صعبه عليه ايعوز
    ياكل بلحمه يضل وما يمد ايدينه
    ننتضرك يا امل كل مضلوم
    ويا اقدس فجر بنور الله يضوّينه
    جبريل يبايعك وميكال واسرافيل
    وشيعة علي اصحابك بعد منهو اليلاوينه
    عالعرش مكتوب اسمك وبشر كل نبي بيك
    ويكفينه فخر عاصمتك بأراضينه
    بالكوفة يم النجف بيتك بصف علي
    وبصفك يصير كل محب يمهدينه
    افتخر يا عراق عندك ست أئمّة اطهار
    والسابع المهدي حجّة الله ووالينه
  2. بواسطة Alforati

    الله
    اكثر من رائع
    شكرا لك ابو بشير مبدع دومك
  3. بواسطة Fantasy

    اممممممممممم يبووووووووو

    حلووووووة كتير
  4. بواسطة امير الحب

    يسلموووووووووووووووووووو
  5. بواسطة احمد ابو سجاد

    عاشت ايدك حب دائما مبدع بمواضيعك الراقيه
  6. بواسطة نسيم العراق

    عفوا أخي العزيز الفراتي مرورك الأروع
  7. بواسطة نسيم العراق

    مرورك أسعدني..شكرا لك
  8. بواسطة نسيم العراق

    أهلا بك أمير الورد منور
  9. بواسطة نسيم العراق

    مرحبا بك أبو سجاد الورد نورت الموضوع
  10. بواسطة مـيـــلاد

    رائع جدا بالتوفيق يارب
    شكرا اخي نسيم المبدع
  11. بواسطة قاسم الكربلائي

    عاشت الايادي ابو بشير