منتديات نبع الفرات

تمت ارشفة منتديات نبع الفرات

المشاركات من الموضوع انطيني ايدك

  1. بواسطة احمد الغالبي

    انطيني ايدك

    انطيني ايدك بعدني لهسه مشتاك
    بلكت من الزمك روحي ترتاح
    انا من تعوفني انذل مثل طير
    يريد يطير لاكن فاكد جناح
    تجي والساعه تاكل موعد وياك
    واحس ميل الثواني جنه تمساح
    ... انا سنيني العشتهن ذني الوياك
    اللي بدونك عليه يمرن شباح
    ضكت عمري الوياك وركزت بيه
    وبجيت وكمت احس بطيبت الراح
    من تكلي رايح يصمت الليل
    وعليك بين روحي تسمع صياح
    انا احبك بكد ما خايف تروح
    اذا لاسامح الله تبعد شراح
    اسوي واني وحدي من يمر يوم
    الدمع بخدودي احسه ينبت رماح
    جفي لاتهده اني اوصيك
    كلش لاتهده الا اذا طاح