منتديات نبع الفرات

تمت ارشفة منتديات نبع الفرات

المشاركات من الموضوع قبر زينب عليها السلام

  1. بواسطة الشاعر ابو لقاء البهادلي

    القصيدة صدرها نصاري والعجز تجليبه




    اريد احجي بحزن والنار بحشاي * واريد الصوت احبابي يسمعونه


    راح اكتب شعر والمفرده ادموع * بلجي اوياي باللوعــــــات يقرونه


    اكتب عالزمان الراح والجاي * وكلامي اللي اكوله الكــــــل يعرفونه


    قبر زينب يخوتي ابين عدوان * ومثل حسين هم قــــــل الينصرونه


    فتاوي اهل الرذيله امحضره اليوم * الجره بسامره نيتـــــهم يعيدونه


    قبل زينب تحشم بالكفلهه * انتفض عباس نار الغيره بعيــــــــــــونه


    وهسه المن تنادي والمن اتصيح * تخاف اعله الضريح من اليعادونه


    عليه ردت اميه امبدله الثوب * بأسم الدين ثـــــــوب الدم يلبـــسونه


    وجمعو كل نذل مجرم وذباح * يردون القــــــبر زينــــــــب يفجرونه


    حسافه ابعيد عنه ودربه مسدود * ونواصب هالوكت همه اليحطونه


    كل ارواحنه يازينب اوياج * نفديهه الضريـــحج لو يخــــــــــــــلونه


    يزينب هالدرب لو مره فتحوه * تهب الشــــــيعه يم قبرج يحرسونه


    وهاذي ارواحنه تصبحلج السور* لو هذا الدرب مره يفتــــــحونه


    ونسوي اصدورنه درع ويطك نار*ونرعبهه النواصب من يشوفونه


    وانصار الكفيل اليوم يحموج * لو مر ناصبي يمــــــــــج يسحكونه


    لجل قبرج يضحون الدمايه * وبالغيره العمر لجلــــــــــــج يضحونه


    وظلينه بأمل والمهدي ننخاه * بدمعــــــات الحزن كلهم ينـــدبونه
  2. بواسطة Alforati

    يزينب هالدرب لو مره فتحوه * تهب الشــــــيعه يم قبرج يحرسونه
  3. بواسطة الشاعر ابو لقاء البهادلي

    مرور كريم من كرماء
  4. بواسطة احمد ابو سجاد

    اللهم صل على محمد وآل محمد وعجل فرجهم ياكريم

    شكراً لك على طرحك الرائع

    جزاك الله خيراً في ميزان اعمالك

    تحيااتي
  5. بواسطة الشاعر ابو لقاء البهادلي

    الاخ ابو سجاد مروك يشرفني ويسعدني
  6. بواسطة أمہأرجہيہ

    يوركت كلام رائع
  7. بواسطة الشاعر ابو لقاء البهادلي

    مرورك اروع ياقيثارة الحب