منتديات نبع الفرات

تمت ارشفة منتديات نبع الفرات

المشاركات من الموضوع (( حــــلم)) للشاعر عباس العبادي

  1. بواسطة مهدي حسب

    غفيت وبالجفن شچّت اجيوش وخيل..
    حلم طشّر احلامي المنتچي اعليها.

    شچّت والملامح تغرف امن الريح..
    ونشغ دخّانها وافترّت ارحيها.

    ومالت والحرب كلما ايصول اتميل..
    وعدل سكّانها وارتجّوا البيها.

    وطفح صوت الخدر طفحة المهره ابريح.. مترب، من يمر بالنار يچويها.

    وگّف مهرتك راگ الإخيام انشال..
    من كثر الهوه الغرفنّه رجليها.

    وگف وگفة الدين ابعين ابو الحسنين..
    عفرنى، البالعرين اتريد يحميها.

    رد، والنهر يشتر بالزلم والخيل..
    وكض امتونها و دنّك ايحاچيها.

    ها زينب احمولچ ثگلن وتبچين..
    خفّن وآنه اخوچ، الدمعه امسحيها.

    شنو احمول الحرب تثگل وأنا العباس..
    ساعه ويوصلچ للخيم طاريها.

    گامت والضوه الخضّر ابصفها ايطول..
    صار ابطولها، و جلل معانيها.

    گالتله الحرب مشعل وصدرك نيل..
    يعله اعنانها وصدرك ايطفيها.

    إحچيلي بروحتي اويه الموش خوش ازلام..
    جلّت غيرتك عن ذچر اساميها.

    دنّگ، والدرع گطّع ازراره الغيض..
    و شبگها و صاح لا و عيونچ افنيها.

    جر سيفه و بهل جفني وتبدّه الطيف..
    صور شربت ارسومي الما إمراويها.

    عباس العبادي
    سوق الشيوخ.
  2. بواسطة امير الحب

    [صورة]
  3. بواسطة أمہأرجہيہ

    رؤؤؤؤؤؤؤؤؤعه سلمت يمناك
  4. بواسطة مهدي حسب

    شكرا على التواجد الرائع