منتديات نبع الفرات

تمت ارشفة منتديات نبع الفرات

المشاركات من الموضوع عدمن الكاه الجواب

  1. بواسطة الشاعر ابو لقاء البهادلي

    بسم الله الرحمن الرحيم

    اللهم صل على محمد وال محمد

    اللهم عجل لوليك الفــــــــــــــــرج

    القصيده التاليه من القصائد المفتوحه وهي بعنوان


    عدمن الكاه الجواب

    ليش مجروح الوطن ** وليش تنهش بيه وتحوم الذياب

    عدمن الكاه الجواب ** ويامن احجي منهو يتحمل عتاب

    بالوطن نزرع املنه ** وللعقيده انضحي دمنه ** من اجل اسم

    الحسين ** بالدماء اموقعين ** دارت اعلينه المصايب **

    وشفنه انواع العجايب ** المن انوجه خطاب ** عدمن الكاه الجواب

    ياشعب صابر صبرنه ** وياشعب ينزف نزفنه ** قلنه هالشده تزول

    وهالوضع ماظن يطول ** مانقص جرح البلاد ** وظلت بحيره العباد

    اشوكت يخلص هالخراب ** عدمن الكاه الجواب

    تجار كلهه الحوسمت ** صعدت الفوك وسمت ** هسه كلهم مخلصين

    واحنه صرنه محوسمين ** وينه تحقيق العداله ** والقسم منهو اللي كاله

    والحجي اصبح سراب ** عدمن الكاه الجواب

    لو نعد اجم وزير ** مارضه بحمل البعير **من تسمعه اتكول هانت

    والفرج ساعاته حانت **تالي كل حجيه جذب ** وعالحبل يلعب لعب

    وينه صوت الانتخاب ** عدمن الكاه الجواب

    اشكد شباب العدنه عاطل ** والوزاره بس تماطل **والشغل بس للقرابه

    وللبنين وللصحابه ** وانته لو عندك شهاده ** اشكي همك للوساده

    ليش منسيه الشباب ** عدمن الكاه الجواب

    واليمثلون الشعب ** بيهم اليحجي بشغب ** ابد مامره التصافو

    وعالشعب مايوم خافو **والغياب اصبح طباع ** ونادر ايتم اجتماع

    يمته يكمل هالنصاب ** عدمن الكاه الجواب

    جم عضو بالبرلمان **خالي من شخصه المكان **اسمه بس وكت الحصاد

    مسافر وتارك بلاد ** يسكن بارقى الفنادق ** وسدد اعلينه البنادق

    يمته يوصله العقاب ** عدمن الكاه الجواب

    للصلح مدينه ايد ** من اجل موطن سعيد ** ناس عالصلح صعدت

    وناس عالاعقاب ردت **بيهم السارق فرحنه ** ومنهم بسيفه الذبحنه

    مدري شحجي يامصاب ** عدمن الكاه الجواب

    عدنه ليليه انفجار ** يذبح اكبار وصغار ** جم طفل فجرو وديع

    ما سلم حتى الرضيع **وعدنه جم سر الخفي ** تحجي قالو طائفي

    تسكت تموت بألم ** والسكوت اصبح ندم ** المن انطينه الرقاب

    عدمن الكاه الجواب

    النظيف ايظل نظيف ** والشريف ايظل شريف ** صابر برغم الظروف

    مايخاف من السيوف ** اتمسك بدين وعقيده ** والوطن يسري بوريده

    والصبر مو مشكله ** والالم نتحمله ** بشوق شعبك منتظر ** ياامامي المنتظر

    ربي عجل بالفرج ** وزيل كل هرج ومرج ** عجل اظهور الامام **

    خل يعم دوم السلام ** هو ينهي هالعذاب ** وعنده الكاه الجواب
  2. بواسطة احمد ابو سجاد

    الله الله طيب الله انفاسك شاعرنا المبدع موفق على القصيده الراائعه بميزان حسناتك ما اجماها من كلمات وما ارقاه من تصوير وفقت وبوركت تقبل مروري
  3. بواسطة احمد الغالبي

    الله عليك يا مبدع
  4. بواسطة الشاعر ابو لقاء البهادلي

    الاخ ابوسجاد شكرا لمرورك وكلماتك

    الطيبه

    ****************

    انا الخادم اخي احمد الغالبي

    وابداعي من ابداعكم
  5. بواسطة Fantasy

    الله الله الله ابداااااااااااااااااااااااع
  6. بواسطة الشاعر ابو لقاء البهادلي

    شكرا ياملكة الاحساس على جمال المرور
  7. بواسطة Alforati

    والحجي اصبح سراب


    يا اخي ابداعاتك لامثيل لها
    وفقكم الله
  8. بواسطة الشاعر ابو لقاء البهادلي

    الاخ الفراتي

    اسأل الله تعالى ان يوفقنا جميعا لخدمة محمد وال محمد

    وهذا الوطن الجريح

    بارك الله بك وبمرورك
  9. بواسطة مـيـــلاد

    قصيده رائعه
    شكرا اخي وبالتوفيق يارب
  10. بواسطة الشاعر ابو لقاء البهادلي

    اسال الله تعالى ان يوفقك ايتها الاخت الجليله ميلاد