منتديات نبع الفرات

تمت ارشفة منتديات نبع الفرات

المشاركات من الموضوع صدك ما مشتاقلي ...؟؟ ... كالوا نسيت

  1. بواسطة احمد الغالبي

    صدك ما مشتاقلي ...؟؟ ... كالوا نسيت
    وكالوا امكيّف حبيبي ... بموتي

    وكالوا لكبري ... ولا مرة إجيت
    وكالوا اذنك ... ماتحنّ لصوتي

    صدّكتهم ... ما أظن تدري عليك
    وعرفوا ادري ... امبيّن من سكوتي

    اتذكرت .... شفت ايدك اتعزّ السلام
    ما شلتها .... من خطف تابوتي

    غير كون اقتنع ... واتغيّر عليك
    غير ادير الوجه ... من طيفك يفوت..؟؟

    غير كون التهي ... بآهات الحساب
    مثل كلمن يلتهي ... لمن يموت ..؟؟

    شو أشوفن روحي اردّن من جديد
    وازرع بكلماتك ... بكاع السكوت

    انت أول عدل ... ميت يعتنيه
    ويقره لك أية الحب ... بلايه صوت

    آنه من عالم البرزخ ... من اجيت
    لبيتك وطبّيت ... زيدت العذاب

    جيتك ... بشفتي إلك آخر سؤال
    وذبلن شفافك ... ولا طرحن جواب

    امبيّن ابهامك ... ولا عضّيته يوم
    ابهامي من كد ما أعضّ ... سويته ناب

    شعر قصتنا انكتب ... والورق جان
    جفن وبسكته انقره ... جوّه التراب
  2. بواسطة Alforati

    شعر قصتنا انكتب ... والورق جان
    جفن وبسكته انقره ... جوّه التراب
  3. بواسطة مـيـــلاد

    رائع شكرا اخي
  4. بواسطة المحامي احمد التميمي

    جمسل شكرا الك