منتديات نبع الفرات

تمت ارشفة منتديات نبع الفرات

المشاركات من الموضوع ذرة احساس

  1. بواسطة احمد الغالبي

    اي موضوع عنك ما حجوا بيك
    وانا عطشان عيني تصد على الكاس


    القريب اسمه على اسمك سولفت بيه
    وبقيت متاني اسمك يوصله الداس


    على الحنه اسولف عن الشموع
    بلكت ينفتح موضوع عل ياس !


    سوالفهم شبه لن ماحجوا بيك
    وبس اسمك يمر يطشر الماس


    من اكول اشفايفك وي كلبي فد روح
    تتهامس عليه وتضحك الناس


    اذا من دون علمي وباسك الغير
    وي لمسة اشفافك كلبي ينداس!


    كون الله بكثر ما رقه مطيك
    مخليلك ضمير وذرة احساس


    جم مره كلتلك كلبي موزين ؟
    يوجعني اذا بطيف تنباس


    اذا مابيك وجهي تبيضه فد يوم
    انا اترجاك كافي تبيض الراس!


    بيك انته الغلط لو بيه لو وين؟
    لو هذا اليمر عل بال وهواس


    احاول ابني غيض بكلبي وانساك
    وترد بضحكتك وتهدم الساس


    بغيابك كمت اقيس الثانيه بيوم!
    الدقايق يعلم الله ابيش تنقاس!!


    صدك من تمر بصدري دخان
    لفرح ملكاك ريتي اطش الانفاس!!!​
  2. بواسطة Alforati

    بغيابك كمت اقيس الثانيه بيوم!
    الدقايق يعلم الله ابيش تنقاس!!
  3. بواسطة مـيـــلاد

    ​شكرااااااااااااااااااااااااااااااااااا اخي
  4. بواسطة المحامي احمد التميمي

    شكرا الك