منتديات نبع الفرات

تمت ارشفة منتديات نبع الفرات

المشاركات من الموضوع الى كل من يعتب على الناس دون تمييز

  1. بواسطة الشاعر ابو لقاء البهادلي

    بسم الله الرحمن الرحيم

    اللهم صل على محمد وال محمد الطيبين الطاهرين

    القصيدة جوابا على قصيدة كتبها الاخ الشاعر حسين الساعدي

    يعتب فيها على الناس واجبته بالابيات التاليه من البحر

    الطويل وارجو منه المعذره



    يالتعتب على هالناس ** هـــــــــــاك اقره بقوافينه

    ما كلنه الزمن موزين ** ولا كلنه البشــــــر شينه

    صح نفس الوكت يندار ** نفسهه ايامه وســـنينه

    وصح بعض البشر موناس ** باع الاخــــــــره ودينه

    يسامع هالبشر اصناف ** بيهه الغمــــــــه والزينه

    جنك مادريت اشصار ** ولا عايش مئاســــــــــينه

    وشجاب السمج عالناس ** ترسم بيه صــور لينه

    اثنين وما تصافيتو ** يعني العيــــــــــب هـــم بينه

    الحسيني طبعه ميغيره ** شماصار وجره اعلينه

    علمنه الحسين اطباع *** منخـــــــــون اليــوافينه

    وتاج انحطه فوك الراس *** ذاكه اللي يخــاوينــــــه

    حي بعده الوفه مامات ** يالتـــــــسألني جا وينـــه

    باقي وي ذكر عباس ** مكـــــتوب اعله جفينـــــــــه

    وطريق الرحمه نندله ** ماواحــــــــــــد يدلينــــــــــه

    نوهبهه الجميع الناس ** حــــتى اويه اليـــــــعادينه

    وبعدهه الرحمه ماضاعت ** تلــــــــــكاهه ابواجــينه

    تدري لو حصل تفجير ** تفــــــزع كـــــــــــل اهالينه

    واحد يحضن المجروح ** يشيله ودمعته بـــــــــعينه

    وثاني ينطي من دمه ** يضــــــحيله بـــــــشرايينه

    مامحسوب من عدنه ** هذاكه الكال شعـــــليـــنه

    ويظل عدنه الجذب مذموم ** مرفوض بمحاجــــينه

    تعلمنه الصبر والطيب ** من منهــــــــاج والـــــــينه

    اشكد مرت علينه الام ** ماغيرت معــــــانيــــــــنه

    وسلام الله على الموعود ** يدري اشبيــنه مابينه

    نبقه بالعمل وايمان ** بلهفه انتانــي مهــــــــدينه
  2. بواسطة Alforati

    سلمت اناملك يامبدع
    ننتظر جديدك الرائع
  3. بواسطة سعيد رزاق

    عاشت الانامل يامبدع
  4. بواسطة الشاعر ابو لقاء البهادلي

    اللهم ربي يرعاكم ويحفظكم ايها الاخوه الاعزاء

    ابو نمارق وسعيد رزاق
  5. بواسطة مـيـــلاد

    ​رائع جدا بالتوفيق اخي
  6. بواسطة الشاعر ابو لقاء البهادلي

    شكرا ياميلاد اسال الله ان يوفقك لماضيه