منتديات نبع الفرات

تمت ارشفة منتديات نبع الفرات

المشاركات من الموضوع عراقُ علي والحُسين

  1. بواسطة الشاعر ابو لقاء البهادلي

    عراق علي والحُسين

    يشور موطني وشاراته بيهن صيت

    وبجروحه تشم عـــــطر الورد فــــــــواح

    ودمعات الوطن تنزل وفه موماي

    ويخط اسم الحُسين بدمعته لو نــــــــــاح

    مبخوت العراق بصاية اهل البيت

    وحب بضعة مُحمد بيده صــــــار اسلاح

    وطنه اصبح سفينه اتحدت الطوفان

    لأن حيدر علي بالموطن المـــــــــــلاح

    شراع الهه الحُسين ورايته العباس

    وبسبعه الطُهر متوشحه بوشـــــــــــاح

    جم طاغوت اجه واسس ركن للجور

    جم مجرم اجـــــه وجم ناصبي وذبــــــاح

    جم ظالم زرع ارض الوطن بارورد

    جم زنديق اجه ومر بيه جم ســـــــفاح

    كل ظنهم يطيح وينسه درب الطف

    وكلهه اتساقطت بس الوطن ماطــــاح

    اشكد بيه تاجرت كل ظنهه تربح يوم

    يظنون بدمانه السالت الاربـــــــــــــاح

    صح قبضو ثمن بس ياثمن قبضوه

    باعوه للضمير وخانو الامـــــــــــــلاح

    وظل صامد وطنه بغيرة العباس

    جبل عالي بشموخه وماتهزه اريـــاح

    حيّه اعله الفلاح وحي على الاحرار

    وعلى خير العمل بالغيره ناد وصــــاح
  2. بواسطة مـيـــلاد

    روووووووووووووعه
    شكرا اخي بالتوفيق يارب
  3. بواسطة الشاعر ابو لقاء البهادلي

    شكرا ياميلاد على المرور المستمر

    وشكرا على المواصله

    بارك الله بك
  4. بواسطة وفاء

    الله الله رائع جدا
    الله يسلم ويبارك بهذه الكلمات
    الف شكر لك اخي
  5. بواسطة Alforati

    الله يوفقك يا اخي
  6. بواسطة الشاعر ابو لقاء البهادلي

    شكرا ياوفاء على روعة مرورك

    وشكرا للعزيز الفراتي على المرور والمتابعه