منتديات نبع الفرات

تمت ارشفة منتديات نبع الفرات

المشاركات من الموضوع الصبر الزينبي

  1. بواسطة الشاعر ابو لقاء البهادلي

    صبرزينب مدارس دوخ الاجيال

    وعزمهه امن الوحي باعجازه يترتب

    أهي بنت الصميده وهالاســد معروف

    وحكمة لبوته سيــــــــــفه الذي امجرب

    وياهو الكال خافت من صهيل اخيول

    ومنه الكال خدر الطـــــــــــــاهر اتسلب

    زينب بالنفس ماشافت الهه اخيال

    وأهي بحر الخدر منه الخــــــدر يشرب

    هم شفتم جبل راسه انخفض للريح

    لو شفتم بحر من كطـــــــــــــره يتعجب

    ذلت بالصبر كل الظلم والجور

    جم ايزيد اجه ومر بيهـــــــه مصعب

    رفعت صوتهه من ذلتي هيهات

    وتبت كل خلافتــــــــــــــكم وامركم تب

    دكت للصمود الثايه من ادموع

    وعلى شاطي الصبر صارلهه جم مركب

    عزيزه ادموعهه من تنزل بايات

    ترتلهه بدمــــــــــــــوع العين من تنصب

    ومحتاره البشر من صبر اخت عباس

    لان صبرت عله الادهه وامـــر واصعب

    شكتب ياشعر ومنين اسولف بيج

    وانتي من الشعر اقدس وارق واعــــــــــذب

    حيرت الفلك واحتارت الاكوان

    وحور العين لجلج تلــــــــــــــــــــــــطم وتنحب

    ماظن فد نبي شافه الذي شفتيه

    شفتي اطــــــــــهر جسد من هدمه يتســــلب

    انتي للصبر وبكل فخر عنوان

    واميره بكل شرف للـــــــــخدر تتلقــــــــــــــب

    من صبرج خجل يوسف خجل يعقوب

    وصبرهم ذره من صبــــــــــرج ميتقـــــرب

    وتاريخ الصبر واكفلج استعداد

    واخذ اشـــــــرف تحيه وانـــــحنه وحــــــدب

    سلامٌ خُذ تحيه من الملك باجلال

    للحره العقيله الطاهره زينــــــــــــــــب

    ونوه عباس ياخذلج تحيه شلون

    جفوفه مكطعه بهالموقــــــــــــــــف تعــــــــذب

    رفع نهر الفرات وصاغ منه جفوف

    واخذلج هالتحيه بدمـــــــــــــه المخضــــــــب
  2. بواسطة أمہأرجہيہ

    عاشت ايدك كلام رائع جدا
  3. بواسطة امل

    الله يساعد كَلبها
    ياريييييييييييت لو عدنا ذرة من صبرها
    شكرا اخي ع الشعر الراااائع
  4. بواسطة الشاعر ابو لقاء البهادلي

    لقيثارة الحب ولامل اقول ومن صميم القلب

    شكرا على روعة المرور
  5. بواسطة Alforati

    واهي بحر الخدر منه الخدر يشرب

    سلمت اناملك حشرك الله في عليين
  6. بواسطة الشاعر ابو لقاء البهادلي

    الاخ العزيز ابو نمارق

    شكرا على جمال مرورك

    وشكرا على كلماتك العطره

    بارك الله بك
  7. بواسطة احمد ابو سجاد

    موفقين على طرحكم هذا
    والله يحشركم مع محمد وال محمد
    تقبلو مروري
  8. بواسطة الشاعر ابو لقاء البهادلي

    الاخ العزيز ابو سجاد

    شكرا على كلماتك العطره ويشرفني مرورك
  9. بواسطة حسين علي

    شكرا ع الطرح الرائع
  10. بواسطة الشاعر ابو لقاء البهادلي

    الاخ ابو علي

    شكرا على كرم المرور وعذرا على التاخير
  11. بواسطة امير الحب

    هاذا الشعرررر ماررووع هاذا الشعرر الجميل يسلموووووووووو اخي