منتديات نبع الفرات

تمت ارشفة منتديات نبع الفرات

المشاركات من الموضوع {دمعه وعتاب} للحاج الملا باسم الكربلائي مكتوبة

  1. بواسطة Alforati

    {دمعه وعتاب}

    من قصائد الحاج الملا باسم الكربلائي

    مانصبر بعد وكت الصبر عفناه ... اذا زينب سبوها شلي ابصبري
    واذا نسه الوصيه والعهد أنساه ... رخيص وماله قيمه باي ثمن عمري
    طاح ابن الصميده والعمر باعاه ... وظل عبر الزمن دم الشرف يجري
    وعباس الكفيل بشوك ناديناه ... شكلتلها وعفتها وباليسر تدري
    من نادت عليك وصوتها لليوم ... ضل دمعة هظم ويه الدهر تسري
    كررها الكلب ماناده ياعباس ... ناده بكل وكت يلتعلم بعسري
    ياشوك السنين وياعشك بالروح ... يهلال الفرج منتظره من زغري
    مااصبر بعد تدريني موايوب ... ولايعقوب انه والتمس عذري
    اعذر صرختي ارجوك يامولاي ... وبعظم المصيبه سيدي تدري
    من باب العقيله الي مشت للشام ... يامنجي الخليقه بندبتك شعري
    سفينة نوح انته وسيلهم طوفان ... بشراع الامل ياجبرتي بكسري
    هذا اخر زمان وهاي ال زياد ... علينا تحافلت زادت علي عسري
    هدم كبوركم سنة بني سفيان .. سيف احقادهم هم بالعظم يبري
    كلوا حته الجبود من امهم الميراث ... وميراث الصبر اصبح غصص وجروح
    الك يبن الحسن مبروك بالميلاد ... بميلادك بجينا وكثرينا النوح
    وهذا جرحي ... وهذا نوحي
    دمعه وعتاب .. وكلب نبضاته شوك
    وراح اصيح وابقه اصيح
    وراح ابدي دموع كلبي بين ايديك
    وراح اكللك حبيبي بس الك كلبي رجف
    حب وغرام
    وراح اصيح حتى لو كالو علي مجنون بيك
    ياول عشك عاش وسكن بالذات
    ويااول امل مافارك سنيني
    يااول قصيده الرتلتها الروح
    عاشك وبمحنة غرامي وياك تدريني
    تعال وكافي هجرك كافي لالاتغيب
    تعال كبال عيني وكافي تاذيني
    بيك اتسودنت يم زينب متانيك
    مارجع بعد لوانته لوحيني
    ومااقبل بعد اصبر واتاني سنين
    لو دمي دمي فداء
    لوتكتحل عيني
    ياكحل العيون اجم كلب مشتاك
    ناداك بدمع موكافي تاذيني
    يلهجرك سيوف تكطع الدلال
    يااخر امل ارجوك حاجيني
    اذا بعدك بعيد وماكرب ملكاك
    اخذني وياك اخذني ولاتخليني
    اخذني وياك اخذني ولاتخليني


    .........
  2. بواسطة مـيـــلاد

    رائع جدا موفقين يارب
  3. بواسطة امل

    رووووعه
    شكرا اخي ع المجهود
  4. بواسطة حسين علي

    روووووووووووووعه