منتديات نبع الفرات

تمت ارشفة منتديات نبع الفرات

المشاركات من الموضوع قصائد بمناسبة أستشهاد الامام علي عليه السلام

  1. بواسطة مـيـــلاد

    [صورة]

    قصائد بمناسبة أستشهاد الامام علي عليه السلام

    القصيده الاولى على طريقة

    يامن اتحامي دخيلك --- گوم لينه ياعلي

    ------

    ---

    المستهل

    ---

    ياعلي انجدد عهدنه -- يامير المؤمنين

    وياك مانخلف وعدنه -- يا امير المؤمنين

    نهتف ابحبك علي -- النه ماغيرك ولي

    -----


    ياسفينة نوح يابر الامان ---- يا امير المؤمنين

    يامغيث المستغيث ابك مكان ---- يا امير المؤمنين

    يعجز بوصفك يبو الحمله اللسان ---- يا امير المؤمنين

    ياعلي من عطفك انريد وحنان ---- يا امير المؤمنين

    يامن اتحل المشاكل --- وماترد لوسأل سائل

    بيك كل هم ينجلي --- النه ماغيرك ولي

    ---

    ياصراط الواضح وسر الاسرار ---- يامير المؤمنين

    ياضياء اليل يانور النهار ---- يا امير المؤمنين

    ياعلي الچفك قرص هالشمس دار -- يا امير المؤمنين

    بنورك احرسها يحيدر هالديار -- يا امير المؤمنين

    انته ياحيدر املنه --- حُبك اليجمع شملنه

    وصرح اهلنه يعتلي --- النه ماغيرك ولي

    -----

    ياعلي يمهدم اركان الكفر ---- يا امير المؤمنين

    ياثواب الله وبليلة قدر ---- يا امير المؤمنين

    سيدي من صبرك انطينه صبر -- يا امير المؤمنين

    وللفتن يابا الحسن طفي الجمر -- يا امير المؤمنين

    اخوه ويلمنه وطنه --- ويرجع المغصوب النه

    وترتفع راية هلي --- غيرك ما النه ولي

    -------

    ياعلي يالبيك تممها النعم ---- ياامير المؤمنين

    وبيك دين الله يبو الحمله سلم ---- يا امير المؤمين

    ياكتاب لله يانون وقلم ---- يا امير المؤمنين

    فرج اهموم الموالي والالم ---- يا امير المؤمنين

    يلي تحظر بالشدايد --- كل موالي امراده رايد

    ابظيمه ليظل مبتلي --- غيرك ما النه ولي

    ------------

    ياعلي امصابك عظيمه الفاجعه ---- يا امير المؤمنين

    صار فگدك مثل يوم الواقعه ---- يا امير المؤمنين

    يجري محرابك يحيدر مدمعه ---- يا امير المؤمنين

    نودعه الشخصك اليله انودعه ---- يا امير المؤمنين

    نودعك هاي المسيه --- وبحزن كل الرعيه

    ومنبرك دمعه ايهلي --- غيرك ما النه ولي

    -------

    ياعلي والمن يتاياماكم تظل ---- يا امير المؤمنين

    بعوز وبحرمان ظلت وبوجل ---- يا امير المؤمنين

    بروحتك گطعت يبو حسين الامل ---- يا امير المؤمنين

    وضاعت ابلياك ياخير العمل ---- يا امير المؤمنين

    هاي صرخات اليتامه --- هزت الكون ونظامه

    اتصيح بعدك ياهو لي --- النه ماغيرك ولي


    ------

    ----

    ---









    ------ القصيثده الثانيه ------

    ----

    المستهل

    -----

    ناده جبريل الامين -- ياالاه العالمين

    ----


    قتلوا من كان للمنذنب شفيعه ---- ياالاه العالمين

    قتلو من كان للحق شريعه ---- ياالاه العالمين

    هدمو للدين اسواره المنيعه ---- ياالاه العالمين

    منهج القرآن آياته الرفيعه ---- ياالاه العالمين

    اهتز عرش الله للوقعه الفضيعه ---- ياالاه العالمين

    يالها من فعلة الغدر الشنيعه ---- ياالاه العالمين

    قتلوا خير الوصاة ---- يتموها للصلاة

    طبروا هام اليقين ---- ياالاه العالمين

    -------

    وبكى للصوت سكان السماء ---- ياالاه العالمين

    خضبوا شيب اليقين بالدماء ---- ياالاه العالمين

    عروة الوثقى سليل الانبياء ---- ياالاه العالمين

    خير خلق الله اتقى الاتقياء ---- ياالاه العالمين

    صفوة الله عماد الاصفياء ---- يا الاه العالمين

    قتلوا بالغدر والي الاولياء ---- يا الاه العالمين

    هدموا ركن الهدى ---- وعلا هذا الصدى

    قطعوا حبل المتين ---- يا الاه العالمين

    -----------

    فجع القرآن في خير الوصاة ---- يا الاه العالمين

    وطوت حزناً عليه الذاريات ---- ياالاه العالمين

    هل اتى تبكي تأن العاديات ---- ياالاه العالمين

    برداء الحزن تنعاه الصلاة ---- يا الاه العالمين

    صرخ المنبر يانور الهداة ---- ياالاه العالمين

    وبكى مافي السماء -- لعلي من دماء

    ودوى منها الانين ---- يا الاه العالمين


    ---------

    -------

    -----

    ----- القصيده الثالثه ------

    المستهل

    ----

    بيش اتصبر -- بيش اتصبر

    اخلاف الزهره -- وعگبك حيدر

    -----

    زينب آنه الدمعه ابعيني

    جمره اتهل عالخد تچويني

    بويه امصابك شينسيني

    والشوفة وجهك اتحسر -- بيش اتصبر

    -----

    شيخمدها النار ابروحي

    لايبطل وني او لانوحي

    نزفت بويه اعليك اجروحي

    جرح الزهره وجرحك اثر -- بيش اتصبر

    ----

    امنه ازغار احنه وعافتنه

    اسنين ابثوب اسود خلتنه

    مانشفت عالخد دمعتنه

    ودمعي اعليك اليله اتفجر -- بيش اتصبر

    ------

    يابويه يالچاتل مرحب

    شيبك بالدم ليش امخضب

    شلون المجرم ليك اتگرب

    ماهابك وشلون اتجسر -- بيش اتصبر

    ------

    يتجسر وسفه ابمحرابك

    ونته الموت الموت ايهابك

    مسموم السيف اللي صابك

    وجه الكون اعليك اتغير -- بيش اتصبر

    ------

    اتغير وجه الكون وينعه

    والاملاك اتهل الدمعه

    وجبرائل الصوته انسمعه

    هز الدنيه صاح وكبّر -- بيش اتصبر


    ------

    ----

    ---

    --


    ------القصيده الرابعه ------

    المستهل

    ---

    علي بويه تنازع بالمنيه

    عسن لابيك ريت الطبره بيه

    ----

    علي بويه عليك الدمع ينصاب

    عسن هامي ولاهاماك ينصاب

    الك جبريل ماتم حزن ينصاب

    وتعزي املاكها السيد البريه

    ------

    يحيدر ياگلب ياچبد منسال

    عليك ودم دمعها العين منسال

    تغض طرفك السيف الغدر منسال

    ويصوب هامتك ابن الدعيه

    ---

    الوكت چم نايبه رحمه ولدها

    على السگطوا ابعتبتها ولدها

    ابويه بالصلاه ساجد ولدها

    يغدره ابسجدته ابن الرديه

    ---

    عگب امنه الدهر كثرت بلاياه

    حزن مايوم مر بينه بلاياه

    علي ابعوزه اليتامه اتضل بلاياه

    يغيب اشلون من الها الرعيه

    ----

    المصايب من عگب امي لوني

    علي بويه لون تسمع لوني

    گبل عمرك گضه عمري لوني

    ولاشوف اشبحت عينك عليه

    ---

    روحي ياعلي جزعت ولابت

    تگطعن بالگلب ماظل ولابت

    بنت المصطفى وغيري ولابت

    يتيمه ابفگد حماي الحميه

    -----

    ---




    [صورة]
  2. بواسطة Alforati

    احسنتم واحسن الله لكم اخت ميلاد
    عظم الله لكم الاجر
  3. بواسطة امل

    عظم الله اجوركم
    شكرا ع المجهود
  4. بواسطة الطاف المنعم

    ماجورين وفقكم الله
  5. بواسطة سرى علي

    روحهُ فينا
    وحرْفهُ في النّور
    يدورُ في أرْواحنا
    وحوله ندورُ
    *****
    يدهُ في الماءِ
    اسْمهُ في السّماء
    أمْضى عمره الغنيّ الفقيرُ
    ******
    مضى إليْنا
    وكان يُنادي
    هذا حبْلُ الله
    وعدْنا إليه
    وكلّ حزْننا أسيرُ
    ******
    جرْحه في الفجْرِ بعْدَ صلاتهِ
    لم يتْرك تسبيحهُ
    وأسْلمَ ربّه آخرَ سجْدةٍ
    وقال هذا دمي
    نذْرٌ لكلّ معْتكفٍ ونذيرُ
    *****
    هو هذا الفتى
    ونحْنُ صغارهُ
    بحّتْ على أوتارنا آياتهُ
    وصار كلّ ما فينا لهواهُ صغيرُ
    *****
    في فجْرِ جرْحهِ
    رسم الغيْمُ ظلّهُ
    وصار مدىً اٍسْمهُ
    وصار المَدى على وِسْعهِ مقْصورُ
    للشاعر والروائي الكبير الاستاذ علي لفته سعيد



    [صورة]
  6. بواسطة احمد ابو سجاد

    [صورة]
    شكرا جزيلا لج اختي العزيزه
    جزاكِ الله خير جزاء المحسنين
    [صورة]
  7. بواسطة مهدي حسب

    عاشت ايدك على النقل
  8. بواسطة مـيـــلاد

    ​شكرا لمروركم ربي يوفقكم
  9. بواسطة حسين علي

    عظم الله لكي الاجر