منتديات نبع الفرات

تمت ارشفة منتديات نبع الفرات

المشاركات من الموضوع زنجيل زهيري عن الامام علي عليه السلام

  1. بواسطة الشاعر ابو لقاء البهادلي

    عظم الله اجوركم بذكرى استشهاد

    الامام علي عليه السلام

    رمضان تاسع عشر نوح وحزن فجره

    من سال اطهر دمه سيف الحقد فجره

    الله قاضي وحكم قرر امر فجــــــــره

    هو الخلق هالبشر ويمـــــــــوته ويعدله

    ماشاف مثل الوصي بأحسانه وي عدله

    بشوك انتظر هالاجل يحسبله ويــــعدله

    جان بصلاته الدعه يمته الفرج ها متـــه

    ينتظر سيف الشقي يطبر غـــــدر هامته

    طلك علي دنيته وروحه فلا هامتـــــــــه

    وبصبره كل الصبر للناس هو وصـــــله

    والله لوما علي تموت القيـــــــم والصله

    وينكطع بين الرحم حبل الموده والصـــله

    حيدر زرع بالارض طيبه ورضه ومرتضه

    مختاره واحد احد غير وصي مرتضـــــــه

    والعالي سماه علي وكناه ب المـــــرتضه

    دنياه مغرته ولا غيرته ولافتــــــــــــــــه

    ماحطله وسط الدرب صوره ورفع لافته

    جبريل هو العلن غيرك علي لافتـــــــــه

    رب الجلاله امره هو الذي نصبــــــــــه

    تشهد الاحاديث واشكد ورد نــــــص به

    يخسر الضد الوصي ودوم بحقد ناصبه

    قران ناطق علي هو الفرض والدعــــــه

    وبشخصه سر الخفي عنده الاله ودعه

    حق الخلافه أله شما كال غيره وادعـــه

    من النبي حيدره وطه النبـــي من علي

    ولاه بعده بامر وهذا الامــــر من علي

    والينكر ولايته ويكول لا من علــــــي

    اسأل على من ولدته اقسم قسم فاجره
  2. بواسطة أمہأرجہيہ

    عظم الله اجوركم بأستشهاد امير المؤمنين

    كلام رؤؤؤؤؤؤؤؤؤؤعه عاشت ايدك
  3. بواسطة امل

    رووووعه
    عاشت الايادي
    وعظم الله اجوركم بهذه الذكرى
  4. بواسطة الشاعر ابو لقاء البهادلي

    اخواتي الفاضلات

    عظم الله لكن الاجر وشكرا على المرور
  5. بواسطة Alforati

    حيدر زرع بالارض طيبه ورضه ومرتضه

    مختاره واحد احد غير وصي مرتضـــــــه

    والعالي سماه علي وكناه ب المـــــرتضه


    الله يبارك بيك اخي الشاعر
    وعظم الله اجرك
  6. بواسطة احمد ابو سجاد

    أعظم الله أجورنا وأجوركم
    بمصاب إمامنا وشفيعنا أمير المؤمنين
    الامام علي صلوات الله وسلامه عليه
    مأجورين
    الله يبارك بيك اخي الشاعر
  7. بواسطة الشاعر ابو لقاء البهادلي

    الاخوة الاعزاء

    الفراتي وابو سجاد

    عظم الله لكم الاجر وسدد خطاكم

    وشكرا على كرم المرور
  8. بواسطة حسين علي

    عظم الله اجوركم بأستشهاد امير المؤمنين