منتديات نبع الفرات

تمت ارشفة منتديات نبع الفرات

المشاركات من الموضوع موضوع هام للنقاش

  1. بواسطة امل

    سلام عليكم

    اتمنى كل الاعضاء يقرون الموضوع ويكولون رأيهم
    هاي الايام دتصير ظواهر غريبه بالمنتدى ^_^

    [صورة]


    اني رح اكول الظاهرة ورأيي بيها وانتو هم اريد تكولون رأيكم بكل ظاهرة كَراكَيع برق مطر ^_^

    نبدي بالظواهر
    1- اعضاء يتناقشون بكتب منقوله من زمن الرسول مادري واحد يريد يغير كتاب الثاني لو واحد يريد لو واحد يريد يغير تفكير الثاني اللي من هو صغير عليه ويعتبر تغيير تفكيره "هزيمه " واني اقصد كلللللللللل المتناقشين بدون استثناء ....هذا النقاش يضر مينفع وممنوع بالمنتدى "هاي الظاهرة اتمنى محد ينطي رأيه بيها يقرا رأيي كمشرفه وينفذ حبا بالمنتدى "
    2- الظاهرة الثانيه هي ظاهرة الردود العجيبه نشوف مواضيع جديده محد راد عليها لو رد واحد والمواضيع القديمه كومه ردود وياهو اللي يجي يجيب المواضيع القديمه ويرد عليها واذا عضو بنفس الوكت يسوي مواضيع جديده تزحف لي ورة ومحد يشوفها وتجي بدالها المواضيع القديمه
    3- الاجراس عليها اقل شي 8 ردود من غير اكو اجراس بيها 27 رد ..كم موضوع غير الاجراس بيه هلكد ردود ؟؟
    4- صح من حق العضو يرد ع الاجراس شكد ميريد عسى ما 100000 رد بس ليش على باقي المواضيع ميرد هيج
    5- ليش العضو من يريد يشارك بالمنتدى ميدخل يشوف الاقسام شنو بيها مواضيع تاريخها جديد يرد عليها ومن يخلص ردود يسوي مواضيع
    6- ليش المواضيع اللي تحتاج تواصل دائم من الاعضاء محد يتواصل غير واحد او اثنين
    ليش الكرسي قليلين يسألون http://www.n-alforat.com/vb/showthread.php?t=33393&p=112521#post112521
    ليش الملتقى اللي لازم الكل يرد عليه ويتواصل بيه نشوفه اشهر محد داخله http://www.n-alforat.com/vb/showthread.php?t=25846&page=11



    ______________

    اتمنى كل عضو ينطيني رأيه او تفسير لهاي الاشياء
    طبعا عدا اول نقطه ^_^
  2. بواسطة وفاء

    ممممم بالنسبة لي اعفوني شوي :t1330: لان ظروف امر بيها فانا قليلة الدخول واحاول بكل طريقة التواجد والرد على كم موضوع حسب مقدرتي
    ولهذا اعترف بوجود تقصير مني من كافة النواحي . بالنسبة لي المواضيع القديمة لاارد عليها لان اشوف الجديدة اولى بالرد (طبعا من اكول قديمة اتعجب من مواضيع تعود لما قبل سنة مثلا واجد رد عليها جديد)
    وكذلك بالنسبة لبقية المواضيع يعني حسب دخولي ارد على ما تقع عليه عيني ولا ابحث بكل الاقسام بسبب وقتي القليل وفي سبيل لاينقطع تواصلي وتواجدي عن المنتدى
    مشكورة امل الغالية ولك الحق في كل هذه الملاحظات وان شاء الله يزدهر المنتدى بوجود كل الاخوة والاخوات المبدعين
  3. بواسطة Reem

    هذا الموضوع مهم جدا وغريب بنفس الوقت بالنسبه للكتب والمواضيع الدينيه الي تخص احداث تاريخيه قديمه وخاصه الاسلاميه نشوف بعض الاعضاء يحط قوانين المنتدى وراء ظهره ويبدي يناقش بدون مايهتم
    اما بالنسبه للردود على المواضيع فهذا يعتمد على كثره دخول العضو للمنتدى ونشاطه وغالبا الاعضاء تعجبهم المواضيع الطريفه والنكت وايظاً المواضيع الغريبه
    اما الاجراس تعرفون التماسيح والسحالي كل واحد يحب يرد على جرس الثاني وهذا شي غلط بس نتمنى من كل الاعضاء الالتزام بقوانين المنتدى وزياده نشاطهم بكل المواضيع
    والشكر الاكبر الى امل الغاليه

    [صورة]
  4. بواسطة امل

    شكرا الج وفاء صحيح انت بالرغم من دخولج القليل بس نشوف ردودج ع المواضيع الجديده
    ان شاء الله تنحل كل ظروفج ونشوف نشاط اكثر انتِ عضوة نعتز بوجودها ويانا
    نورتي الموضوع وشكرا ع الرد
  5. بواسطة امل

    امممم اذا السبب تواجد العضو هوايه بالمنتدى فليش منشوف ردود ع المواضيع الجديده ولا نشوف مواضيع جديده منهم ؟؟؟؟؟؟؟؟؟؟؟؟؟؟
    والردود مو بس ع النكت والمواضيع الغريبه وحتى اذا ننتبه فاكو ردود بدون حتى قراءة الموضوع
    وبالغرم من كثرة تواجد العضو ونشاطه نشوف المنتدى خامل وين ديروح النشاط ؟؟؟؟؟؟؟؟؟؟؟؟؟؟؟؟؟
    ولو بدل 10 ردود على مواضيع قديمه نسوي موضوع جديد اكيد احسن
    نحتاج تفكير جاد وتغيير نشاطات الاعضاء
    لان هاي المشاركات تخلي العضو ماعنده واهس يسوي مواضيع جديده
    خو بعد ليش نسوي مواضيع جديده نروح نرد ع المواضيع القيدمه وكافي صح؟؟؟؟
  6. بواسطة نسيم العراق

    شكرا لك امل على الملاحظات القيمه

    هذه المشكله موجوده بكل المنتديات وليس فقط بمنتدى نبع الفرات..ونرجوا من الاعضاء الكرام متابعة المواضيع وقرائتها والرد عليها

    ونشكر الاخت امل مرة ثانيه على هذه الالتفاته
    تحياتي
  7. بواسطة امل

    عفوا اخي
    شكرا للمرور
    واتمنى الكل يلتزم
    نورت
  8. بواسطة ابن العمارة

    السلام عليكم

    اخوتي اخواتي

    في البدء نشكررررااااا الاخت امل

    اما بالنسبه الى الموضوع الاول اخوتي كفى تفرقه و الله ان الطائفيه قد دمرت العراق

    بالنسبة الى البقيه

    اخوتي اتمنى منكم هو قراءة المواضيع و ان تكون الردودعلى المواضيع الجديدة


    و شكررااا

    دمتم بالف خيررررر
  9. بواسطة ابن الفرقدين

    2_
    اي والله امل هذا الموضوع مهم جدا جدا واتمنى من كل الاعضاء ينتبهون لهذا الشي واني طبعا وحده منهم مايصير نجي للمواضيع القديمه ونعوف الجديده بس هنا هم اكو نقطه اني شايفه هواي مواضيع قديمه مابيها ردود اصلا وحتى لو اكو رد واحد لو اثنين ليش هيجي هالاهمال هذا واكو اقسام اصلا متروكه اخر مشاركه قبل اسبوعين او اكثر لازم كلنا ندخللهن ونقراهن ونرد عليهن
    3-
    نعم اختي امل اني اشوف الاجراس ماالها داعي والمفروض نعوفها او حتى لو نسوي لازم تكون مهمه فقط اذا كان الشخص المقابل غلط بكلمه مو اذا خبط بين الهاء والتاءالمربوطه او دمج الحروف هذا مايصير
    4-
    والله ياامل هذا الموضوع يرجع حسب الشخص وبيه هواي اسباب يجوز يحب الاجراس او ماتعجبه باقي المواضيع او يجوز ماعنده وقت يرد عليهن كلهن يرد بس على كم وحده او يجوز مامنتبه لهاي الشغله واني وحده من الناس كنت دائما ارد على الاجراس بس الاخ الفراتي نبهني لهذا الموضوع والحمد لله كمت ارد على باقي الاقسام وانشطهن
    5-
    بالنسبه للمواضيع اني احب اسوي مواضيع بس مرات تحكمني ظروف ومااكدر واني مقصره وياكم هواي بالمواضيع
    بس ان شاء الله منا وهيج راح تكون مواضيعي هواي واعتذر


    6-

    بالنسبه لكرسي الاعتراف مودائما الواحد عنده اساله يسالها للعضو او ماكو داعي لدخوله بس اذا اكو سؤال يريد يساله
    اما بالنسبه للملتقى هو موضوع حلو وجميل واتمنى من كل واحد عنده وقت يدخل بيه
    بالنسبه الي اني مالحك اطبله واحجي شسويت لان يادوب الحك ارد على باقي المواضيع لان لو تحكمني الشبكه الرديئه او عندي ظروف وماادخل








    واخيرا اني اشكرج امل على هذه المبادره الحلوه والمميزه منج الي راح نستفاد منها هواي واي غلط صدر منا راح نصلحه وان شاء الله ماكو اغلاط بعد
  10. بواسطة امل

    عفوا اخي
    وشكرا للرد يارب الكل يلتزم
    نورت





    امممم بس الردود مدتصير بس على الاقسام المتروكه وحتى لو كانت متروكه انت سوي مواضيع واذا متكدرين كولي لاي عضو يجوز هو ممنتبه يسوي حتى اذا تنبهيني الي عادي ميهم والردود مدتصير حك تنشيط القسم وبس لا يوميه نشوف نفس الشي ينعاد وحتى بالاقسام النشيطه وتكدرين تشوفيهن اما اللي ماعنده وكت فيكدر يقسم وكته بين اجراس وبين ردود او مواضيع والملتقى ضفنا عليه بالجديد اللي ميكدر يحجي يومه
    واني موضد الاجراس ابد بالعكس هي هم تنشط المنتدى وتخلي بيه روح بين الاعضاء بس مو للدرجه اللي دورات توصللها
    شكرا للرد
    نورتي
  11. بواسطة مهدي حسب

    شكرا الج امل تحياتي
  12. بواسطة امل

    اخي بالنسبه للاجراس اني كلت هي تنشط المنتدى وتغير الاجواء بس لدرجه معينه ونتمنى لو باقي المواضيع بيها ربع نشاط الاجراس
    اما بالنسبه اذا عضو ماعنده وقت ودخوله قليل فميهم ..ساعه وحده ونشوفه يسوي موضوع او موضوعين و يرد على المواضيع الجديده ويتابع حتى لو مو كلهن فهذا كلش كافي
    شكرا للرد
    نورت اخي
  13. بواسطة ذٌكريّٱتُ ٱلمٱضيّ

    اول شيء اشكرج على الطرح

    لاتوقعين من كل عضو بالمنتدى يرد على كل المواضيع الاعضاء كولش قليلن وما يسوون واهس

    المنتدى اشبه بالفارغ مع العلم حازم وحضراتكم كولش مهتمين بالمنتدى

    ودي
  14. بواسطة امل

    بالعكس لوست المنتدى بيه هوايه اعضاء بس نحس انه فارغ لانهم ملتهين بالرد على المواضيع القديمه او يدخل ويطلع بدون ميسوي اي شيء لذلك نحسه فارغ واني مااريد يردون على كل المواضيع لان ادري كل واحد عنده ظروف بس مو ميرد للتالي او يرد ع القديمات
    شكرا للرد لوست
    نورتي
  15. بواسطة tHe ShArKe

    امل اختي...فهمت الموضوع باكمله وفهمت الرسال الموجهة ....سيتم التطبيق ان شاء الله هذا وعد اكيد....شكرا لك على الطرح المهم جدااااا جدااااا فهذه الشروط هي ما تجعل المنتدى في طريق التألق والاستمرارية
  16. بواسطة امل

    واكيد منتوقع منك غير التفهم والتطبيق
    شكرا للرد اخي
    نورت