منتديات نبع الفرات

تمت ارشفة منتديات نبع الفرات

المشاركات من الموضوع قصيدة للصادق عليه السلام ( دارمي )

  1. بواسطة الشاعر ابو لقاء البهادلي

    اللهم صل على محمد وال محمد

    لقرب حلول ذكرى استشهاد الامام الصادق عليه السلام

    اسال الله تعالى ان يعظم اجوركم واجورنا

    قصيدتي بعنوان حوزة علي من وزن الدارمي واسالكم الدعاء


    حوزة علي ياناس جعفر بناهه * وهاذي العقيده بروح والدم فداهه

    اسس نهجنه ** ثبت فكرنه

    *********

    مثل النبي المختــــــار صادق كلامه

    ومن علي حــامي الجار عنده علامه

    صاحب عقيده ودين ينـــضح كرامـه

    عالفقه والافكار حصل زعامـــــــــــه

    وضح شرّعنه ** ثبت فكرنه

    *********

    عاصر اميه وعاش فتــره بزمنهم

    وزمرة بني العباس عاصر حكمهم

    رغم الظلم والجـــــــور فند فكرهم

    واسس مدارس دين فضحت امرهم

    بيّن دربنه ** ثبت فكرنه

    ************

    زمرة بني العبـاس عادو الصــادق

    جي جده سيد الكون وبأسمه ناطق

    ماهمته هالــــــــكوم من دربه واثق

    وضحهه للاســـــــــــلام كل الحقائق

    رفرف علمنه ** ثبت فكرنه

    ************

    ماناسي نحر حسين ماناسي يومه

    يوم الطـفوف انذال سلبو اهدومــه

    جعفر على الاطهار زادت همومـــه

    ورغم الحزن والاه ثبت اعلومـــــه

    حزنه حزّنّه ** ثبت فكرنه

    **********

    داره احركوهه اشرار والناصبيه

    ومن كبله حركو دار دار الزجيه

    وقدموله بالاحقاد ســــــم المنيه

    بطيحة عميد الدين صـارت رزيه

    يرخصله دمنه ** ثبت فكرنه

    ***************

    بالدمعــه واللوعات ننعه بمصابه

    وتتمنه هاذي الروح توصل اعتابه

    وتلطم لطم مظلوم وتشـــــم ترابه

    وتعزي بالونات اهل النجـــــــــابه

    ونهل دمعنه ** ثبت فكرنه

    *************
  2. بواسطة احمد ابو سجاد

    جزاك الله الف خير موفق اخي العزيز
  3. بواسطة امل

    كلش حلو
    تسلم الايادي اخي
  4. بواسطة الشاعر ابو لقاء البهادلي

    الاخ ابو سجاد

    الاخت امل

    شكرا على مروركم الكريم
  5. بواسطة مـيـــلاد

    رائعه
    شكرا اخي
  6. بواسطة الشاعر ابو لقاء البهادلي

    مرورك اروع ياميلاد