منتديات نبع الفرات

تمت ارشفة منتديات نبع الفرات

المشاركات من الموضوع جعفر الصادق مذهبي

  1. بواسطة الشاعر ابو لقاء البهادلي

    عظم الله اجوركم احبتي بذكرى استشهاد الامام الصادق عليه السلام

    والتي ستحل علينا قريبا قصيدتي من وزن الميمر وكتبتها على طور جسام ياضنوتي

    واسألكم الدعاء

    جعفر رسم منهجي ** باسمه باسمه يعرفوني

    جعفري اللقب ** بأسمه نهجي انكتب

    بأسمه بأسمه يعرفوني

    ***********

    سادس امام العتره ثامن الاطهار

    منهجه من فكر النبــــي والكرار

    والعصمه تزهي بجبهته والانوار

    بالعلم فندهه البُــــــــدع والافكار

    منهجه منهج علي ** هُمه همه اليوعوني

    نهجه خير العمل ** بيه زرعنه الامل

    بأسمه بأسمه يعرفوني

    **********

    عاصر أُميه وحاربوه الظــــلام

    وعاصر بني العباس شاف الالام

    بالعلم حافظ عالنهج والاســـلام

    خله بُدع اهل الحقد كلــهه اوهام

    بالحشر يصبح سند ** واّله اّله يحضروني

    نسله من النبي * هم هاشمي وطالبي

    بأسمه بأسمه يعرفوني

    ***********

    جعفر الصادق موعظه الكل الناس

    شرّع نهجه بيده دك ثايه وســــاس

    بالعصمه والهمه وعزيمه ينــــقاس

    نهجه حُسيني وغيرت امن العباس

    ماأنسه جعفر ابد ** رغمن عاللي يضدوني

    مدرسه الهالشرع ** اسس الكل فرع

    بأسمه بأسمه يعرفوني

    **************

    اتفقه بسر المعــــــرفه وسر الدين

    مايوم يخضع للــــــــظلم لا ميلين

    بالمعتقد حارب جميــــــع الطاغين

    عنده دروس وموعظه طف حسين

    اشكد حاولت هالعده ** نهجه ظنهم ينسوني

    شيعته اعله النهج ** لجله توهب مهج

    بأسمه بأسمه يعرفوني

    ***********

    حوزة مُحمد بالعلم شيـــــدهه

    وافكار كل اهل الشرك فندهه

    اقواله اسهام بعزم ســـــددهه

    وهاذي العقيده بالدمه خلدهــه

    الحكمه بيهه انعرف ** نهجه نهج الشرف

    بأسمه بأسمه يعرفوني

    ************

    ثبت فضايل للشــــــــريعه واعلوم

    يدري الظلم والجــــــور هذا ميدوم

    عاش بحزن تالي النهايه مســـــموم

    بمصاب جعفر هالشرع يبجي ادموم

    قدموله سم بغدر ** بسمهم ظلام فجعوني

    يتحده كل ناصبي ** منهجي ومذهبي

    بأسمه بأسمه يعرفوني

    ************
  2. بواسطة امل

    شكرا اخي ع الطرح
  3. بواسطة الشاعر ابو لقاء البهادلي

    شكرا لك ياامل على المرو العطر
  4. بواسطة مـيـــلاد

    قصيدة اكثر من رائعه
    ربي يوفقكم لخدمة اهل البيت عليهم السلام
  5. بواسطة الشاعر ابو لقاء البهادلي

    اسال الله تعالى ان يوفقك الجميع لمراضيه

    ويجعلنا واياكم من خدام العتره الطاهره