منتديات نبع الفرات

تمت ارشفة منتديات نبع الفرات

المشاركات من الموضوع قصيدة بحق ائمة البقيع

  1. بواسطة مـيـــلاد

    [صورة]
    قصيدة بحق ائمة البقيع







    ضاقت بنا الدنيا واليك المشتكى
    --------
    يمن طلعه جبينك هاله من نور
    نراقب لحظه لحظه يوم الظهور
    الك بأرض البقيع مهدمه قبور
    شوكت ترفع الرايه وسيفك يثور
    هدّمو ركن الزكا واليك المشكى
    -----------
    يهدمون القبور بفتوه اظلال
    ورسول الله بضريحه وينظر الحال
    دمع قبه الهادي اعله الثره سال
    مثل شهر المحرم شهر شوال
    وله العرش بكى واليك المشتكى
    ----------
    صبرنه اعله النوايب الله شاهد
    يتامه احنه يتامه وانته والد
    بمحراب الجفون الدمع ساجد
    متى يابن الحسن تبني المراقد
    حقنا وانتهكا واليك المشتكى
    -----------
    بغيابك سيدي شفنه المواجع
    بقيع الغرقد يهل المدامع
    وحقك لو ياذنون المراجع
    نهز الدنيا وعيونك تطالع
    منطق الصبر حكى واليك المشكى
    ------------
    وسف قبر الحسن مهدوم شفناه
    اعله زين العابدين الحسره والاه
    ضريح الباقر بعبرتنا ننعاه
    وقبر جعفر الصادق مانسيناه
    شامت قد ضحكا واليك المشتكى
    --------
    يمن عن النظر شخصك تغيب
    على قبر أم البنين اليوم ننحب
    نصيح وبالقلب جمرتنه تلهب
    دخيلك يابوصالح قبر زينب
    قبرها لان يتركا واليك المشتكى




    منقول

    للشاعر كرار حسين الكربلائي ( ابو كميل )