منتديات نبع الفرات

تمت ارشفة منتديات نبع الفرات

المشاركات من الموضوع سألني ناصبي بمجلس ؟؟؟؟ عن فتى الاسلام

  1. بواسطة بهلول الرشيد

    بسم الله الرحمن الرحيم
    اللهم صل على محمدواله الطاهرين


    قصيدة بحق امير المؤمنين سلام الله عليه .







    سألني ناصبي بمجلس عندي مسأله محيره
    علي شدعوه تقدسونه وليش الشيعه أتكبره
    كلت له اسمع اذا فعلا تريد العدل واتدوره
    واذا انت صحيح تريد تندل درب اتبصره
    وتخلص نفسك بفد يوم كلمن مبتلي ابوزره
    راح انقل لك الكتبوه ربعك وانت روح اقره
    ولو شأنقل لك من اثار من بحر الوصي قطره
    لأن محد كدر لليوم يعرف حيدر ايحزره
    سمعت انت بحياتك هاي واحد يحسب المطره
    جم كطرة مطر للكاع نزلت روت البذره
    منين ادخل لأبو الحسنين كل بيبانه أمزخره
    علي بساق العرش مخلوق من قبل الخلق غره
    محمد نوره من الله وعلي من النبي نوره
    ومن نوره تشعشع نور منه فاطمة الزهره
    ومن نور البتول أنشق نور المجتبى شبره
    ومن نور الحسن لحسين تسع أنوار للعتره
    انعرض نوره على الاشباح والارواح متحضره
    سجل كلمن يحبه وعرف منهو الذي اينكره
    ومن قرر إله الكون يخلق أدم أيصوره
    علي نوره بصلب أدم نطفه طاهره مطهره
    عل لجله ولجل الأنوار أمر الباري أيصدره
    أمر تسجد ملائكته لأن نورك ياعلي أبظهره
    ولمن غره الشيطان هو وصوته أبمكره
    نهاهم ربهم وكلهم (( كلوا من حيثما شئتم ولا تقربوا هالشجره))
    عصه وعصيان ما مقصود أمر الباري ايكسره
    علي ادم توسل بيه لربه ذنبه ايغفره
    تقبل توبته الباري بشفاعة حيدر أيعذره
    علي عين بسفينة نوح بظلام وموج ومبحره
    علي الطوفان كله صده أبصدره
    علي هو الوقه إبراهيم من نيران مستعره
    علي يونس أبطن الحوت يندبه وما نسه ذكره
    علي بجف السكندر سيف بيه حملاته منتصره
    علي عصاة موسى القهرت السحره
    علي شك البحر نصين حتى موسى يعبره
    علي لوما علي مريم الهذا اليوم اهي معسره
    لجن ندبت علي احضرني اليندبك ياعلي اتحضره
    حضر مريم بشدتهه وأمرها يسهل ويسره
    وعلي ألسان المسيح البرء العذره
    إذا ما شاء رب البيت مريم تولد أبديره
    وامرها تترك المحراب ومنه تنتبذ بره
    أمك يا علي بالبيت موش بيمنه ويسره
    فتح لك باب بالكعبه وامك فاطمة اتطره
    بوسط بيت الحرام يريد انت أتشرفه واتهطره
    ما رادك تحط بكاع بيه اذنوب مطشره
    ولا رادك تحط بكاع بأرجاس البشر قذره
    شرك وأصنام والأثام تحيط بمكة منتشره
    وظلت بت اسد وياك ثلت تيام بالحضره
    ضيفه ابحضرة الرحمن ومن جناته السفره
    بت مزاحم وكلثم وساره ومريم اتحضره
    علي ميلاده بالكعبة ورب البيت بيه ادره
    من هاي الخلك كلها ليش اختاره لسره
    علي اشرف بقاع الكون صارت بيه مفتخره
    علي حارس رسول الله بست اسنين من عمره
    علي اول رجل أمن بنور المصطفى وفكره
    جمع كل العشيره بيوم إلهم من كشف سره
    ينذرهم يصيح ابصوت ما واحد بده اينصره
    علي اللي كال عد عيناك شنهو تريده لك يجره
    عِلنها المصطفى للكوم اجاه جبريل ويبشره
    واختاره النبي من الله وصيه ووارثه وصهره




    السلام عليك يامير المؤمنين ياسيد الوصيين ويعسوب الدين وامام المتقين وقائد الغر المحجلين .

    السلام عليك يااول القوم اسلاما واقدمهم ايمانا واحوطهم بدين الله .

    منقول من موقعي
  2. بواسطة مـيـــلاد

    الله الله الله
    قصيده رائعه جدا
    شكرااااااااااااااا اخي موفقين يارب
  3. بواسطة بهلول الرشيد

    دمت رائعه تسلمين