منتديات نبع الفرات

تمت ارشفة منتديات نبع الفرات

المشاركات من الموضوع قصيده من اروع ماسمعت للمبدع الرائع ايهاب المالكي

  1. بواسطة Alforati

    قصيده من اروع ماسمعت للمبدع الرائع
    ايهاب المالكي..تكمن روعة هذه القصيده
    في اسلوب كتابتها وتضمين الابوذيه بشكل رائع...
    يقول ابن الناصريه...

    انه من الجرح ياصاحبي اتعافيت
    عبرتني المنيه ويومهه اتبدل
    لگطت السنين ولحگت ع الضال
    واحييت المصوفر گبلل لا يذبل
    تانيت امنياتي الما منعسه اتنام
    حته اگدر بسكته من القيود افتل
    عفت بيت ابوذية على العش مكتوب
    گللبي بفرگة الخلان وجناح
    وبديت انحاز للشمات وجناح
    صدك خليتني ريشات وجناح
    لكن صفك جنحي لمن ردت ارحل
    صفك جنحي لحد غيمه
    عفت ذاك الغصن هيمه
    عمر وياك ادور حل
    جبيره السمه ووين اسئل ؟
    اخاف اشرد وما اندل
    الى ان قررت حسيت عمري الضاع
    شفتها لطير ثاني من يطير اسهل
    اثاري العش عذر للما يعرف ايطير
    اكول اشبي الشامت ما يريد ارحل !
    حرگني الظن مثل لعبة الغميضان
    وره حايط الشووگ بلوعته اتختل
    جنت لخاطرك تحلف بخلگي الناس
    انازع واليمر ,,,ايشوفني مدلل
    حكت لغلاطك بنصين گلبي اعذار
    ترفه اتغار منهه ,,, حياكت المغزل

    اضوكك بالجفن واستطعمك بالروح
    واتجمد ابعدك وبهواك انحل
    مدينة ظني تشبه دولة افلاطون
    شفتك بيهه فكره استبعدت تفشل
    طين اتغلب بقوه اعله نار بليس
    تغلط واني اشوفك ،،،،، بس اگول اغفل
    واتلمس جفونك لمسة المكفوف
    اريد الگالي دمعه لو جفن مبتل
    واتركك واسمع بعزتك تصهل خيـــــــــــل
    خطوه اتگلك امشي ،، خطوه لا تنذل
    وانه غيمة برد ما بيهه بس افياي
    انطي الشمس ظهري وانجوي اتحمل .
    مرات اختنك لمن يجيني الليل
    افك شباك صدّك،،،، ووكف اتئمل ,,
    صياد احس روحي والنهر وشل
    اشوفك جاي ليه واركض اتخيل
    اوصل للنهاية وابتدي من اول
    اذا رفضت ظنوني جيتك عالبال
    اغافللهن واكلك ,,,,,,, ما عليك اقبل .
    اغافلهن مغافل روج بالراس
    اعله نيتي وثاري طبع الذيب براس
    العقل شيفيدني ومتروك بالراس
    والگللب ليه الراي والشور والحل
    يوماَ بدونك كنت اگضيه مكسور
    طكت الدقاقيق فيه والوكت يثگل
    روحي بجنبك مثلت شاهد الزور
    والحق من صوبي لصوبك تحول
    كنت ارتجيك تكون في ضلمتي نور
    والليل في روحي بالبعاد طول
    لما تركتك صاحلي الشوگ ,, معذور
    والحب من مُهر الاماني ترجل
    عفتك ،،، بس احس مدري شنسيت وياااك ؟؟؟؟
    واطمئنان روحي والامان اختل ,,
    اخاف من النده والورد ماثق بيه
    اذا بلبل يغرد ,,, نار يمه اشعل
    وراك الماي صافن ,, والنجوم احجار
    خصر الشمس منه شفت ليل انسل
    نسيتك والتعب جفي اليفك الباب
    احس لوحت حياتي بفرگتك تكمل
    وانه وصيت گلبي وگتله كلشي يهون
    لو ضج روحك اعله الروح شكله
    يا گلبي وسبب ذل الطير شكله
    منو يعرف النوم اشلون شكله
    لان لا شايفه ولا مار بيه..
    .
    .
  2. بواسطة احمد ابو سجاد

    أحسنتم وبارك الله فيكم على هذا الجهد
  3. بواسطة امل

    حلوووووووو ومرة شفت فيديو طريقة قراءته للشعر هم حلوة
    شكرا اخي ع الطرح
  4. بواسطة Alforati

    مبدع الشاعر ايهاب المالكي
  5. بواسطة Reem

    يا لقلمك هذا كم هو رقيق و جذاب
    اعيش كل بيت من ابيات قصيدتك
    و كأني اعيش فصول السنة في دقائق
    اشتقت لازور روائعك
    تحياتي لك[صورة]
  6. بواسطة Fantasy

    حلووووووة عاشت ايدك