منتديات نبع الفرات

تمت ارشفة منتديات نبع الفرات

المشاركات من الموضوع ومضات غزل وقصيده شوصفك

  1. بواسطة بهلول الرشيد

    ومضات غزل وقصيده شوصفك






    الشاعر عبد الحسين الحلفي
    الله يرحمه برحمته الواسعه

    تكتل حلاة البيك والمثلك يهيد
    شطلعك بأول يوم ظل دايخ العيد

    يلوموني لأن سميتك هواي ومشيت وياك وانته مو بكدي
    أحبك عود أعوفك سالفة هاي أحبك حتى من تصير ضدي

    بجيت انه وشسولفلك على بجاي أول مانزل بدموعي جبدي
    وعمت هايه لأن مالحكت بهاي وتسودن دمعي جي ماحرك خدي

    شوصفك داخت أوصافي جمر مابينك وبيني
    وأشوفك افقد وأسكر وأدوس عالجمر حافي
    وأبرد وانه مو يمي أبرد من شتا فركاك
    أبرد والبرد يكتل وأثلج وانته مو يمي ولا اتغطى بالحافي
    أحط أسمك حدر راسي وأحط صورتك بفراشي واظلاً للصبح دافي
    وأحلم بيك وانه ليلة ماغافي واخلطك بالحلم سهواً افز الكاك اكثر من كبل صافي
    وتذبجني بشقاك انته ذبح بس ذبح متعافي كافي أريد اكلك جوز الفظها بعد ما تنلفظ كافي
    وعالبوسة زعلت مني عالبوسة تعاتبني خدك انه مابسته اهو خدك شمر روحه عالشفافي

    يلا كوم خل نلعب عشك للدوم
    من باجر يا باجر ولك خليها من هاليوم

    يلا كوم شاقيني أذبحني قطعني فصلني عليك هدوم
    بس أرجوك تعذرني أذا نهدك أجى بجفي لأن جفي طفل ونهودك الحلقوم

    يلا كوم شاقيني واشاقيك شاقيني بكثرماقلبي شاقاك
    شمرت سهمي وكلت ياريت يخطيك ونبت سهمك بقلبي وكلت حياك

    كطعني وصل كلي أريد اجافيك كل وصلك تصيح أريد امشي وياك
    عالعصابي دست كلت ما أحاجيك صرت اخرس لمن ماجبت طرواك

    حتى مروتك بيها أستلذيك
    اشكد ما صرت مر تصير محلاك

    صرت أحلى بشر انته بالولاية رفعتلك بالقلب راية
    احجي وياك ويغيرك أبد ماعندي حجايه

    عالمراية أحط وجهي
    أباوع ماشفت وجهي شفت وجهك بالمراية

    صرت أحلى بشر انته بالعيون وغيرك ماحلى بعيني يأبن الناس
    يلوموني لأن بيك انه مجنون لمت عقلي لأن ظل باقي بالراس

    أخاف احجي وعليه تكول جذاب كمت أتنفسك مابين الأنفاس
    أذا ياسك بقلبي أنكلب عاكول أحب عاكولك انه وأكره الياس

    عجيب انه شكثر غالي أسولف انته سالفتي أغني انته موالي أبالي
    ماسكنت انته انته صرت كل بالي بحيث انته كعدت كدامي ابرالك وتبرالي درت وجهي عالغيرك لكيتك انته الي كبالي

    شنهي انته انا وياك محد مثلي سالفته كم مرة شفت غيرك
    ولعني بس شفته
    حبيته
    وعشكته
    لزمت شفته
    وعضيته
    رحت بسته
    كلبته
    لكيته انته
  2. بواسطة ذٌكريّٱتُ ٱلمٱضيّ

    رووووووووووووووووووووعه شكراااااااااا عمو
  3. بواسطة Reem

    صح السان الشاعر المبدع عبد الحسين الحلفي الله يرحمه
  4. بواسطة ابن الفرقدين

    أقف إجلالا وإحتراما وتوقيرا لكلماتك الراقية

    حروفك عندما تصافـح شرفـات البـوح ...

    تتـسـاقـط إبــداعـا وشــهــدا..

    وتتغنى السطور كشدو عصافير ..

    دمت بصحة وسعاده
  5. بواسطة ابووئام

    صح السان الشاعر المبدع عبد الحسين الحلفي الله يرحمه