منتديات نبع الفرات

تمت ارشفة منتديات نبع الفرات

المشاركات من الموضوع قفشات منوعه(( حب...اشتياق...عتاب...حزن)))

  1. بواسطة ذٌكريّٱتُ ٱلمٱضيّ

    مرأه عراقيه هدم الامريكان بيتها فقالت.....

    لأن هدمت بيتي وجان طابوك!!؟
    هاك اميه اشرب خاف فحطان؟؟

    الشارع فاض من دمعي اعله فركاك
    يسألونك تكلهم بوري مكسور؟؟!!
    ..........................
    قصايد عالحزن ليش انتم تكتبون؟؟
    عليمن هالتعب بس كتبوا اسمي!!!
    ............................
    هموم الدنيا سوت سلفه وياي
    كل متصير قرعه يطلع اسمي!!
    ...............................
    احس كلبي وكف من طاري الفراك
    لذلك!!ما يدك من فاركتني...
    ................................
    الف صفنات بيه مثل مسجون!!
    آخر ليله عنده ويصعد اعدام
    .................................
    شفت المطر هذا البلل الكيعان؟؟
    بجيت اضعاف منه بساعه اغيابك
    .............................
    ألا ليت المشيب يعجل وياي ؟؟
    لسولفله المصايب من جنت شاب
    ...............................
    شفتك نار شاعل وآني بردان!!
    اجيت ادفى طلعن ذكرياتي
    ...............................
    بطلت الغزل هاك اسمع الاخبار
    راجح اكتب حسيني واضمن الجنه

    ................................
    بيه جروح ما ينعدن كلش هواي
    بحيث اصغر جرح سماني عمو!!

    .............................
    فراكك باب خيبر وانه مو كرار
    وانا ابيبان بيتي اتعاجز لفتحهن

    ............................
    بنات ادموعي جانن حدهن الباب
    عكب فركاك عاشن بالملاهي

    .................................
    يالـــماخذهة منــــي الليلة مــــا اوصيك
    حبيبة گلبــــي هاي شتطلب إنطيهه -


    ..................................
    بعتنا بسوك بي شراية بس شمات
    واحنه بعز فقرنا ونستحي نبيعك


    ...................................
    مثل يعقوب حزني بسبب فركاك
    بيض اعيوني صارن غوشن كلش


    ...........................
    .بديت ادفن احلامي الجانت
    ومدري جم حلم ليهسه دافن

    ..........................
    جرحك اوفى منك من اقيسة وياك
    ما راح وتركني بكلبي ظل عايش

    .........................

    لتباوع علي عينك حلك موعين
    بعدهه لهسه بيه عضت اعيونك

    ...........................
    شـــــــمر جمااالك يكتــل الناااس!!!
    شعجب مختــــاررر مــــا مر بمنطقتكم؟؟

    ..............................
    .عود انت سويت الزعل رايد تعوف
    انه صار سنين اصلا عايفك

    ..........................
    مالومك عفتني معاشرك يومين
    انه العاشرتهم عمر عافوني

    .............................
    رسميات وسفة ألملتقى أيصير
    ألسلام أبلا حبيبي جنة طردة !!!!
    .................................
    كبل جان اليحن يتعنة للبيت
    عساهة بختة من سوة الموبايل

    .......................
    البلبل بالقفص لو رايده يموت...
    بس ذكره بعشرته ويالبساتين ...
    ...............................

    ادك بيبان عنك وأسأل الناس
    الشماته اتكلي طالع الله ينطيك .
    ........................

    من كد ما تجي وتروح عالبال
    ضل بعقلي بس اثار رجليك
  2. بواسطة مهدي حسب

    روووووووعة
  3. بواسطة ذٌكريّٱتُ ٱلمٱضيّ

    منور سيد
  4. بواسطة ابن الفرقدين

    أقف إجلالا وإحتراما وتوقيرا لكلماتك الراقية

    حروفك عندما تصافـح شرفـات البـوح ...

    تتـسـاقـط إبــداعـا وشــهــدا..

    وتتغنى السطور كشدو عصافير ..

    دمت بصحة وسعاده
  5. بواسطة ذٌكريّٱتُ ٱلمٱضيّ

    شكرا لتواجدكي عزيزتي
  6. بواسطة Reem

    [صورة]

    شكرآ لـ رقيّ طرحـَك.~
    تحيـه تضاهيّ هذآ الجمـآلَ.~
    دمتـ بـ رضـآهـ.~
    ودي ~
    [صورة]
  7. بواسطة Fantasy

    لتغرك ضحكتي تكول مرتاح
    ركز بالضحك تسمع بواجي

    عاشت ايدك حبي
  8. بواسطة Alforati

    قصيدة حلوة ولكن في اغلبها ضعف الحسجة او الحبكة
    يمكن لاني ضعيف بالشعر ولكن ارى ان القافية كثيرا ما تهرب من الشعر
    شكرا لك على النقل
  9. بواسطة نسيم العراق

    إبداع حقيقي

    شكرا لك عزيزتي
  10. بواسطة ذٌكريّٱتُ ٱلمٱضيّ

    شكرا لتواجدكم

    منورين