منتديات نبع الفرات

تمت ارشفة منتديات نبع الفرات

المشاركات من الموضوع قصائد خادم حسيني

  1. بواسطة الشاعر ابو لقاء البهادلي

    بس الله الرحمن الرحيم

    اللهم صل على محمد وال محمد وعجل فرجهم وفرجنا بهم ياكريم

    احبتي الكرام اقدم لك مجموعه من قصائدي الالقائيه والمنبريه

    التي تخص اهل البيت عليهم السلام ووطني المجروح كذلك سادون

    لكم موضوع لتعلم الشعر بطريق بسيطه واسألكم الدعاء

    الخادم الصغير / الشاعر الغريب
  2. بواسطة Reem

    يا لقلمك هذا كم هو رقيق و جذاب
    اعيش كل بيت من ابيات قصيدتك
    و كأني اعيش فصول السنة في دقائق
    اشتقت لازور روائعك
    تحياتي لك[صورة]
  3. بواسطة الشاعر ابو لقاء البهادلي

    الاخت الفاضله Reem

    شكرا على مرورك الطيب
  4. بواسطة احمد ابو سجاد

    اللهم صل على محمد وال محمد

    احسنتم بارك الله فيكم

    وفقكم الله لكل خير
  5. بواسطة Alforati

    احسنت اخي سننتظر ابداعاتك
    شكرا لجميل مجهوداتك الرااائعه
  6. بواسطة الشاعر ابو لقاء البهادلي

    الاخ الفراتي

    الاخوة والاخوات يمرون ويباركون دون ان اكتب شيئا في هذا

    الموضوع فارجو تثبيته ليتسني لي ادراج القصائد
  7. بواسطة امل

    اخي ننتظر قصائدك بفاااااااااااارغ الصبر
    بس عندي اقتراح وهو نقل الموضوع الى قسم اقلام الاعضاء لانها قصائد بقلمك ؟؟؟
    وان شاء الله اثبته بعد ان اسمع رأيك في القسم
  8. بواسطة الشاعر ابو لقاء البهادلي

    الاخت الفاضله امل

    اشكرك جزيل الشكر على كل ماتقومين به

    ومسألة نقل الموضوع فأنا لا استطيع نقله

    فربما انا غير مخول بذلك

    فهل بالامكان نقله من قبلكم

    بارك الله بك
  9. بواسطة امل

    اخي هذا واجبي لاداعي للشكر
    تم نقل الموضوع الى قسم اقلام الاعضاء وتثبيته
    انا اردت رأيك قبل ان انقله ..اي سؤال او طلب انا حاضرة اخي
    _____

    متابعه معكم الموضوع ان شاء الله
  10. بواسطة الشاعر ابو لقاء البهادلي

    اللهم صل على محمد وال محمد

    اول القصائد التي اشترك بها نسميها في مدرستنا مدرسة الرادود الحسيني!!

    نسميها القصائد المنبريه والرادود يسميها ( قصائد گعده )وجميع الاخوة

    والاخوات الاجلاء الشعراء وغير الشعراء لهم الحق بتقديم النصيحه لي

    وارشادي وكذلك النقد ولا يهمني نوع النقد فانا ساستقبله برحابة صدر

    وارجو تصحيح الاخطاء الطباعيه ان وجدت

    ابدأ ببركة الصلاة على محمد وال محمد

    اللهم اللهم صل على محمد وال محمد


    اولى القصائد ( الموالي الحقيقي )


    الموالي من صدگ ويحب الحسين ** ايبين من صفاته

    اليخدم واليواسي ** اليحزن بالماسي

    ايبين من صفاته

    ............*******.................

    ضحه ابو السجاد بدمه لجلك ** حتى توصل للتريده

    ضحه بأصحابه وأخـــــوته ** بولده ضحه وبعضيده

    تدري ليش حسين ضحه ** وياهــدف هو اليريده

    ايريدنه بيه نقتدي ** وبدين جده نهتدي ** ولانخون ونعتدي

    يريدنه نحمي العقيده

    قانون وشرع اسس للاحرار * واليمشي بطريقه ونهج الاطهار

    ايبين من صفاته

    واليوفي بوعوده ** وما يترك عهوده ** ايبين من صفاته

    ..........*******.............

    كل محب واللي يوالي ** تظهر بوجهه العلامه

    ينگط بغيره ومحنه ** ينضح بطيبه وشهامه

    يواسي بدموعه الزجيه ** ويحضر بمجلس امامه

    وبهالمجالس لو حضر * ياخذ دروسه والعبر * واللي يواسي ماخسر

    بالحشر يضمن سلامه

    الخادم بالمحبه وطيبه موصوف * وكل واحد يحب حسين معروف

    ايبين من صفاته

    مايغدر ولا يخون ** ينوح اويه الينوحون ** ايبين من صفاته

    .........******.........

    احنه عدنه حسين عبره ** للموالي اصبح هويه

    نخدم ونبچي ونواسي** وكعبه عدنه الغاضريه

    نبقه وفايه بعهدنه ** نبقه حد يوم المنــــــــيه

    كربله بنص الگلب ** نبقه نسير بهالدرب ** لجله الدمع يبقه يصب

    نواسي بالدمعه الزجيه

    مانسسه الزجيه وكسر الاضلوع * واليبچي بمصابه ويهمل ادموع

    ايبين من صفاته

    والثابت ولاءه *** ويلبي نداءه ** ايبين منصفاته

    ............. *******..............

    والله لوما حسين ينهض** لا شرف يبقه وكرامه

    وينتهي الدين واصوله ** وكل صلاته وي صيامه

    وعدنه بعض الناس صارت ** تشتغل بس بالملامه

    ماعدهه بس ذم وحچي * بكل المجالس ماتچي * وتگول چم دوب البچي

    ماينفع ابد ويانه تظليل * واليحچي علينه بهالاقاويل

    ايبين من صفاته

    اليحچي اعله اليلطمون ** ويلوم اليعزون **ايبين من صفاته

    .........*****.........

    واليحب يسألني مره ** انّه اخبره بكل قراري

    كلهه ايامي محرم ** وكربله ارضي ودياري

    ابقه امشي بهالعقيده ** وللفرج يبقه انتظاري

    مابدل اّنّه هالوضع * للدوم عنواني الدمع * والحزن اصبحلي طبع

    ثابت للأبد باقي عهدنه * وذاكه اللي يعادينه ويضدنه

    ايبين من صفاته

    كل واحدة نعرفه ** من يانوع صنفه** ايبين من صفاته
  11. بواسطة الشاعر ابو لقاء البهادلي

    قصيدة گعده

    ديني ويقيني ثبته دم المصاب

    من يسألوكم بالدمع ردو الجواب

    قصة مصابي من يذكروهه * من يسألوكم بالدمع ردو الجواب

    **************

    يامه وصه الهادي بيه ** جم حديث الگاله عني


    اني من حسين كلهم ** والحُسين ونوره مني

    سبطي مصباح الهدايه ** مايخيب يوم ظني

    سمعته امي من حچه * گلهه المشه بدربه نجه * وي جيتي ناح وبچه

    گلهه انعي ويه وني

    گلهه بمصابي واخبرهه بيوم الطفوف

    ما يثبت ديني لوما تاخذني السيوف

    ولده واخوته هم يغدروهه ** من يسألوكم بالدمع ردو الجواب

    ****************

    وصلت الاف الرسايل ** تگلي عجل بالمسيره

    انريدك اتغير وضعنه ** هالمحن صعبه وچبيره

    وامة الهادي وشرعهه ** للظلم صارت اسيره

    حجه ماظلت بعد * من خانو بهذا العهد * وحسابهم يوم الوعد

    يلگه كل واحد مصيره

    خانو عهدهم ناس ذوله لا ذمه وضمير

    خلــــفو وعــــــدهم واهدرو دم السفير

    كلهه كتبهم ذيچه انكروهه * من يسألوكم بالدمع ردو الجواب

    *************

    بدلو نهج الرساله ** ال اميه وهالشرايع

    محد المنكر يمنعه ** وكل صده المعروف ضايع

    والبشر رادوهه تخضع ** للدعي غصبن تبايع

    اخلاقهم كلهه انتهت * هاذي الشريعه اتبدلت * وأمة محمدنه ابتلت

    بالجره وهاذي الصنايع

    والدعي بجوره اتجاوز بفسق الحدود

    واطـــــــلقت صرخه كسرت كل القيود

    صرخة دمائي فن ينحروهه ** من يسألوكم بالدمع ردو الجواب

    *******************************

    ظنهم اخضع لو اساوم ** واعترف واعلن سكوتي

    حشدو خيل وعساكر ** من رفعت بقوه صوتي

    رفضت اصحابي المذله ** وضحو اولادي واخوتي

    عباس سطر ملحمه * چنه علي حامي الحمه * ضحه بچفوفه والدمه

    بطيحته شفت اني موتي

    التمت عليه اجيوش مرجانه ويزيد

    ظنهم ابايع لو اقر مثل العبــــــــيد

    دمي وحياتي خل يهدروهه ** من يسألوكم بالدمع ردو الجواب

    *****************************

    واخبرت اختي العقيله ** عن سبب هاذي الدمايه

    ربنه شاء بحكــــمه عنده ** انذبح وانتن سبايه

    عبره تصبح هالقضيه ** وللبشر درب الهدايه

    آنه بشموخچ افتخر* ايات انتي الخدر * بصبرچ الثوره تستمر

    ربنه عنده بهاذي غايه

    غايته الرايه تستــــــمر طول الحياة

    تبقه صرختي ثوره وبوجه الطغاة

    عبره المصايب لليذكروهه ** من يسألوكم بالدمع ردو الجواب

    ***********
  12. بواسطة الشاعر ابو لقاء البهادلي

    قصيدة گعده
    كل دم الاطهار ** للباري قربان

    حسين الاعلن ثوره * قدم دمه ونحره * للباري قربان

    **************

    الباري خالق هالخليقه ** بقدرته وعلمه واراده

    هالانس والجان كلهه ** انخلقت من اجل العباده

    وچم حديث القدسي يشهد ** للنبي وآله الســــياده

    للشرع هُمه قادته * درب الهدايه سادته * والباري هاذي رادته

    تحوي اسراره ومراده

    من اعظم الاسرار** منهاج الايمان

    حسين الخلد ذكره ** قدم دمه ونحره ** للباري قربان

    **********************

    بزلته الآدم ابونه ** اعلن بدمــــعه الندامه

    شعت انوار بدمعته ** تحمل اسرار الكرامه

    بالنبي وآله ايتوسل** صار ابو اليمه علامه

    گلبه انجرح لمن عرف * دم الشرع سال ونزف * والذبح جدامه انكشف

    يزهي بانوار الامامه

    بيه معنى الايثار ** ويصون الوجدان

    حسين الاسس فكره ** قدم دمه ونحره ** للباري قربان

    ********************

    بهالذبح صوره عظيمه ** امنوره وجداً بهيــه

    قصة اسماعيل جانت ** هيه بذرة هالقضيـــــــه

    والنبي ابراهيم يعلم ** بالبديل وهالضحيــــــــــه

    رؤياه كلهه تفسرت * بحكمه واراده تبدلت * بحسين هيه اتقررت

    دمه دستور الهويه

    غيرهه الجبار ** وحسين العنوان

    حسين الدين وسره ** قدم دمه ونحره ** للباري قربان

    *****************

    بهالذبح خالقنه يعلم ** يحقق الغايه النبيلــــه

    يثبت بدمه الكرامه ** يأسس اركان الفضيله

    يضحي للدين بدماءه ** وضعنه كله ودم كفيله

    هالذبح وي كل الدمه * وبكربله وهالملحمه * تدوينهه بلوح السمه

    الباري راواهه الخليله

    سر عند الابرار** شيد هالبنيان

    حسين وضعنه وصهره ** قدم دمه ونحره * للباري قربان

    ********************

    منهو مثل حسين قدم ** ربعه واخوانه وبنينــــه

    واخر القربان دمه ** قدمه بعلمه ويقينــــــــــــه

    روه اغصان العقيده ** وللنبي خلدله دينــــــــــــه

    بدم النحر ويه الصبر * ثبت ابو اليمه الامر * لعيونه مرخوص العمر

    ومن دمه يصبح بچينه

    علم هالاحرار ** ترفض كل طغيان

    حسين الضحه بعمره ** قدم دمه ونحره ** للباري قربان
  13. بواسطة الشاعر ابو لقاء البهادلي

    الخدمة الحسينيه قصيدة گعده


    كمل خدمتك يالتخدم حسين ** كملهه بشهامه

    تدري بخدمة حسين ** شعاير هيه بالدين

    كملهه بشهامه

    ************************

    طينة العتره الشريفه ** احنه من عدهه انعجنه

    الهادي اسس للشريعه ** وحيدر الدون نهجنه

    وثبت حسين العقيده ** لجله نوهبهه مهجنه

    حسين ابن هادي الامم * عنوان للعزه وكرم * بدمه يرفرف هالعلم

    بنسله وبصلبه فرجنه

    وحگ المرتضه والگمر عباس ** شرف النه خدمته وتاج عالراس

    كملهه بشهامه

    النظافه من الايمان ** خلهه تصير عنوان ** كملهه بشهامه

    ***************************

    نفتخر شيعه انتسمه ** من الصلب احنه ابتدينه

    نمشي وي نهج الولايه ** بالوصي ودربه اقتدينه

    حبهم اعلينه فريضه ** وبالدمه احنه افتدينه

    بهاذي العقيده نأتمر ** نخدم ونحيي هالامر *** وبحبهم نضحي العمر

    بالنبي واّله اهتديــــــــــنه

    باخلاق التخدمه اتحله ياصاح * وخلي خدمتك تصبحلك اسلاح

    كملهه بشهامه

    شرف كل الموالين * والله بخدمة حسين * كملهه بشهامه

    ***********************

    عترة الهادي ذخــــــــــرنه ** هيه للامه املهه

    يامه وصونه بصبرنه ** وتخلص الشيعه بعملهه

    كل عمل صالح تعمله ** ينضرب بيهه مثلهه

    من تخدم بجد وصبر * تتسلح بحمد وشكر * للفرج رابط وانتظر

    وخدمتك لا لا تملهه

    شامخ حاضرك يشهدله ماضيك ** واعمالك يشيعي الي تنجيك

    كملهه بشهامه

    بالخدمه شرفنه ** لجلهه دم نزفنه ** كملهه بشهامه

    *********************

    كل عمل كون بتفاني ** بغيره واخلاص ونكمله

    واحنه نعتب عالموالي ** لو عمل مَره يهمله

    والاجر لا ماينوله ** والذنـــــــب هو اليحمله

    بالعمل لمن تبتدي * لتمله يوم وتشتكي ** لمن شفاعه ترتجي

    كل عمل لازم تكمله

    خدام الحُسين احرار واشراف ** بالخدمه تحقق كل الاهداف

    كملهه بشهامه

    تحارب بيهه الاشرار ** من تخدم بالاطهار ** كملهه بشهامه

    ********************

    انته من تخدم مجالس ** غايتـــــك تاخذ ثوابك

    قصدك تنول الشفاعه ** لو اجت ساعة حسابك

    انته من يوم الولاده ** ويه ابو اليمه انتسابك

    هالخدمه معناهه الشرف * واللي يحب بيهه انعرف * والاجر اصبحله هدف

    بالحشر تلگه جوابك

    بالغيره الموالي بيهه ينقاس ** من تخدم خدمتك كلهه باحساس

    كملهه بشهامه

    بالخدمه يتباهون * كل اللي يخدمون * كملهه بشهامه
  14. بواسطة الشاعر ابو لقاء البهادلي

    قصيدة هلاليه گعده

    هلالك محرم باحزان هل ومئاسي

    بطلعتك ناح الاسلام ** عالعتره هلت الام

    ***************

    بطلعتك مكتوبه دمعه ** والالم انته ومعاده

    الليله جبريل بطلعتك ** يعلن احزانه وحداده

    والملك هلت دموعه ** بالسمه ينشر سواده

    العيون صوبك ناظره * والعرش حضر منبره * تبچيك دنيه واخره

    ويبچي قانون العباده

    بالدمه ونوح واشجان نورك يلالي

    مرفوعه سوده الاعلام ** عالعتره هلت الام

    ******************

    شوفة اهلالك محرم ** للحزن صارت علامه

    بطلعتك مرسومه عبره ** تبچي عالدين وامامه

    صوره تبچي اعله المئاسي ** للارامل واليتامه

    هل الدمع وي طلعتك * لوعات تحمل شمعتك * عنوان صارت دمعتك

    تشهد بيوم القيامه

    تشهد عله كل ماصار بالغاضريه

    بهلتك ضاعت احلام ** عالعتره هلت الام

    ******************

    انگلبت الدنيه بطلعتك ** ظلمه يهلال وكئيبه

    وصارت الايام سوده ** والتُمُر حاله رهيبه

    والهضم عالعتره خيَّم ** بجيتك صارت غريبه

    درب الفرح منك هرب * حسرات وهموم انگلب * وي طلعتك كلشي انكتب

    انكتبت احزان المصيبه

    انكتبت مصايب ودموم تجري بطلعتك

    جفن العقيله مينام ** عالعتره هلت الام

    *************

    عترة الهادي بطلعتك ** عاشت بونه طويله

    رسمت ايامك نوايب ** هدمن حيل العقـــيله

    والضعن جهز رحاله ** يمشي وي غيرة كفيله

    بچيت يهلال الصخر * وبنوحته ناح النهر ** وياك مرسومه العبر

    والحزن اصبح وسيله

    بشوفتك ال المختار ظلت حزينه

    ملتمه ضدهه الظلام ** عالعتره هلت الام

    ******************

    تدري كل اهلال يطلع ** عدنه عاشور ايتسمه

    وكربله كل هاذي ارضي ** عدنه هاليوم اتسمه

    بطلعتك عين المتبچي ** بالحشر ندريهه تعمه

    يهلال وياك بوعد * ونعاهد حسين بعهد *نبقه بطريقه للابد

    بالگلب خطينه اسمه

    للأبد عايش الحسين يبقه بگلبنه

    يهلال تشهد الايام ** عالعتره هلت الام

    **********
  15. بواسطة الشاعر ابو لقاء البهادلي

    الوداع الاخير قصيدة گعده

    زينب يزينب گربت يختي المنيه * بهاي المسيه

    وعترة مُحمد والحرم انتي التجمعيهه

    ************

    سُنة الباري يزينب ** قرر وشـــاء بقراره

    ينذبح سبطه المُحمد ** وللجيل ايصير ثاره

    يمضن ايام الثلاثه ** دمه عالگاع ايتجاره

    وعمامته متسلبه * شيبته دم مخضبه * وعياله كلهه معذبه

    والوكت يظلم نهاره

    زينب يزينب هالقدر محتوم تدريه ** والهم تلاگيه

    وكل الاجساد الطاهره يختي تودعيهه

    ********************

    يختي شفتي الصار كله ** وشفتي كل هاذي الدمايه

    وحدي ظليت بمحنتي ** وحلت بداري المنايــــــــــــــه

    انتخي واطلب نصرتي ** ومحد يلبي ندايـــــــــــــــه

    اصحابي شفتيهه گظت * واولادي يختي اتذبحت * ساعات موتي گربت

    واقترب يوم النهايه

    دنياي من بعد الكمر * وانكسر ظهري

    واصوات هاي العايله گاعد تسمعيهه

    ****************

    يختي عِبره بدمي صارت ** للبشـــــــره عِبره بتربتي

    شفتي من صغرچ مواجع ** وشفتي لوعات بغربتي

    ولو تشوفينه المثلث ** والشــــــمر لو حز رگبتـــــــي

    لونحري ينزف بالدمه * تنزل ادموم من السمه * دنياچ تصبح مظلمه

    ومحنتچ كلهه بكربتي

    احزان وهموم وألم بعدي تشوفين * بصبرچ تذليه

    وراية علي يابت علي بزودچ ترفعيهه

    *************************

    انه اعرفج يالعقيله ** طاهره وحره وكريمه

    صلبه يازينب اريدچ ** من تشوفيهه الجريمه

    ولو رحت عنچ يخيتي ** تصبح المحنه عظيمه

    لو رحتي يختي للسبي * بخدرچ يزينب مطلبي * وتحميلي اولاد النبي

    عِبره تصبح هالظليمه

    زينب يزينب والخدر يصبح علامه ** وسر الامامه

    وكل ال اميه والعده بخدرچ تصدعيهه

    ***********

    ادري مو هينه المصيبه ** وصعبه يختي هالمسيره

    طيحتي تهون ومصابي ** منهه اصعب انتي اسيره

    الباري يحميكم يزينب ** وانته عالمحنه قديــــــره

    يختي اوصيچ بعلي * من بعدي يصبحلچ ولي * وراعي بناتي وكل هلي

    والمحن ادري چبيره

    والعتره يابت النبي تصبح غريبه ** اشكبر المصيبه

    ولارض المدينه هالحرم بالون ترجعيهه

    ***********
  16. بواسطة الشاعر ابو لقاء البهادلي

    استشهاد علي الاكبر عليه السلام
    قصيدة گعده



    علي الاكبر للشباب انطاهه ** عبره وبطول الزمن خلاهه

    لوحه مخطوطه بقدر ** دم الاكبر بيه عِبر

    عبره وبطول الزمن خلاهه

    ************

    يشبه الهادي بصفاته ** وصورته الحلوه الوسيمه

    منططقه وادابه كلهه ** بنوره واوصافه الكريمــــه

    بمشيته وبكل كيانه ** بفعلــه واخلاقــــه العظيمـــه

    مثله بكلامه والفعل * والصوره من طبق الاصل * وبصورته ماله مثل

    وسيرته طيبه وسليمه

    يدري بجيوش الدعي ومبغاهه * جن رسول الله بعزم لاگاهه

    ضحه الهه ااطهر نفس ** صاغ بيهه اعظم درس

    عبره وبطول الزمن خلاهه

    ***********************

    من اجت عشرةمحرم ** رخصه يطلب من امامه

    بكل ادب وبكل تواضع ** خاطب حسين بكلامــــــه

    گله ترخصلي ابارز ** واحفظ بدمي الكرامــــــــه

    ماهاب يابويه العده * لو كلهه ضدنه محشده * هالروح للدين الفده

    انته سر الهالشهامه

    هالجيوش الظالم ناداهه * بالشجاعه والعزم حاجاهه

    لليتوب انطه فرص ** بغيره دونهه القصص

    عبره وبطول الزمن خلاهه

    ******************************

    من برز للحومه الاكبر** كلشي حاسبله حسابه

    ليله تنتظرله وحزينه ** تدري طيحتهه بمصابه

    گلهه ابو السجاد ادعي** دعوة الام مستجابـــــه

    نادته للباري العلي * ياربي وبجاه الولي * سالم اريده ترده الي

    ربي رده بحق شبابه

    واستجاب الباري كل دعواهه ** رد الاكبر لامه وتلگاهه

    گلهه روحي والدمه ** بيهه اسجل ملحمه

    عبره وبطول الزمن خلاهه

    ****************************

    من جديد وعاد الاكبر ** للحرب يــــــزهي بطلعته

    هاذي اخر طلعه صارت ** ولهله ماتحصل رجعته

    يدري هاليله مصـــــــــابه ** بالغدر تطفه شمعته

    متگطع بسيف الحقد * مايگدر يصول ويشد * وحسين ينظرله ويصد

    من دمه هلت دمعته

    بنوره ارض المعركه ضواهه ** ملحمه بنص العده سواهه

    بالدماء النازفه ** دون احروف الوفه

    عبره وبطول الزمن خلاهه

    *********************************

    ودع الاكبر حياته ** وانگطع منهه نصيبــــه

    ناح ابو اليمه المصابه ** يحرگ المهجه نحيبه

    حگه يبجي وحگه ينعه ** فارگه الليله حبيبــــه

    ناداه يبن المصطفه * نورك اسف يبني طفه * عالدنيه من بعدك عفه

    طيحتك يبني مصيبــــه

    للبتول الطاهره وفاهه ** غيرته بدمه النحر حناهه

    اله تشهد كربله ** نال اطهر منزله

    عبره وبطول الزمن خلاهه

    ****************************

    الاكبر بعزه وكرامه ** للعقيده ضحه عمـــــره

    موقفه دروس ومبادء ** وارتبط بالهادي ذكــره

    من الوصي وارث شجاعه ** اصبح الكل جيل عبره

    ماهاب ميدان الحرب * صاغ من دمه الكتب * وضح ملامح هالدرب

    وارث من الهادي فكره

    فكرته من النبي مبداهه ** وغيرته حسين السبط فحواهه

    بعصمة العز حاوطه * رسم درب وخارطه

    عبره وبطول الزمن خلاهه
  17. بواسطة الشاعر ابو لقاء البهادلي

    زينب والزهراء عليهما السلام

    قصيدة گعده


    مثل امهه زينب بالصغر هضموهه

    ناس التضد المصــــطفه ظلموهه

    من حقهه مسلوبه ** غربتهه مكتوبه

    مثل امهه زينب بالصغر هضموهه

    ******************

    زينب الحره العقيله ** هالزمن يامه هضـــــمهه

    عاشت اويه الزهره فتره ** وشافت الجاني الظلمهه

    تنظر الأمهه الحزينه ** تسمــع الونه بعظــــمهه

    من الصغر متألمه * بنوح وحزن متعلمه * بالهضم چنهه فاطمه

    تدري بالكسر الولمهه

    كسر الضلع خلاهه مثل الشمعه * بالحزن ذابت وبقهر وبدمعه

    دنياهه مگلوبه ** غربتهه مكتوبه

    **************

    تحچي ويه امهه وتگلهه ** منهو سببلچ مصابچ

    والسطر وجهچ ييمه ** واشعل النار اعله بابچ

    والضلع ياهواللي صابه ** وبالكسر كثر عذابچ

    محسن مردهه الچبدتي * هالمحنه صارت شدتي * واشلون بيه بوحدتي

    يمه رديلي جوابچ

    ذوله الي عذبو مهجتچ هضموني ** من بعدچ ادري بهالعده يظلموني

    باسياط مضروبه ** غربتهه مكتوبه

    ******************

    طفله عاشت محنه صعبه ** ودعت امهه الحنينه

    بنيّه محرومه وزغيره ** باول اسنين وحزينه

    شنهي حال الطفله شنهي ** والگلب يچوي بونينه

    شمعتهه ياوسفه انطفت * من البچي ونوح اذبلت * بامر الوصيه اتمررت

    وتشكي لوعات النبينه

    وصتهه امهه بكربله من تجره * تحب الحسين اتقبله من نحره

    هالمده محسوبه ** غربتهه مكتوبه

    ********************

    الزهره تحچي اويه العقيله ** والدمع يجري اعله خدهه

    سولفت كل اللي يجره ** وكل جـــرح ينزف بعدهه

    والوكت لو مر عليهه ** مايظل واحد سندهه

    وتگلهه گلبچ ينفجع * اصعب ييمه من الضلع * ظلت تهل دم الدمع

    ضاگت المر بفگدهه

    تبچي الزجيه من دمه دمعتهه ** تدري بمصيبة كربله هضمتهه

    والخيم منهوبه ** غربتهه مكتوبه

    *******************

    زينب اتحاچي الزچيه ** اتگلهه يحبيبه ييمه

    عمري ماينفعني بعدچ ** والگلب يجويني همه

    لو رحلتي اليوم عني ** دنيتــــي تصبح مظلمه

    يابعد روحي وكل هلي * ياهو اليظل يمه الي * انسبي بعدچ وانولي

    وضعني يايمه اشيلمه

    ظلت حزينه والقهر ياذيهه * ضلع الزجيه الطاهره چاويهه

    باحزان معصوبه ** غربتهه مكتوبه

    *******************

    زينب الشافت مئاسي ** صعبه عالوادم تشوفه

    چم طليق الضدهه واگف ** والزمن جرد سيوفه

    وشافت اعله الباب صوره ** صورة حسين وطفوفه

    شافت زلمهه اتذبحت * واطفالت كثره اتيتمت * من المصايب ماصحت

    والگمر شافت جفوفه

    اصعب مصاب الشافته ايسروهه * بحبال اميه المجرمه يچتفوهه

    اختك المهيوبه ** غربتهه مكتوبه

    ********************
  18. بواسطة الشاعر ابو لقاء البهادلي

    سفير الحسين عليه السلام والثوره

    قصيدة گعدهثورة كربله مسلم بداهه ** صان أمر السفاره بدم فداهه

    چنه حامي الجار ** فقاره بيمينه

    *************

    ألقه أبو السجاد حجه ** من بعث مسلم سفيره

    أختاره بالكوفه يمثله ** عن علم عنده وبصيره

    بيده سلمــــــــله كتبهم ** ويعلم بحتفه ومصيره
    راده يستطلع خبر * للكوفه من طب وحضر * ويشوف نية هالبشر

    الكاتبت رادت مسيره

    يعلم زين وبهاذي السفاره ** مسلم يستحقه عن جداره

    ينضح طيبه وايثار * * فقاره بيمينه

    **************
    من وصل للكوفه مسلم ** صلت الألاف عن خلفه

    تعاهدت عالطاعــــــه كلهه ** وهالعهد محد يخلفه

    حددو للثـــــوره موعد ** وسرهه لازم ماتكشفه

    ساعات كلشي وأتضح * غدر العده بان وطفح * بالكوفه وحداني صبح

    هالبشر جن ماتعرفه

    بالكوفه صفه مسلم بوحده ** ناس العاهدت اخلفت وعده

    رغم الجره والصار * * فقاره بيمينه

    *********************

    شافته طوعه الكريمه ** بعينه محتاره عبرته

    گلهه يالحره الكريمه ** وينچوي گلبه بجمرته

    اّنه مسلم يالجليله ** وعمي كرار بشــــــهرته

    هالگوم خانت واخلفت * للعهد ياوسفه انكرت * لاسلمت لتعذرت

    خانو اعهوده وثورته

    طوعه ضيفته بغيره وشهامه ** من عرفت علي عمه وأمامه

    واهله اطياب واخيار * فقاره بيمينه

    *********************

    خلص الليل بصلاته ** والصبح وكت المنيه

    ارسل ابن ازياد جيشه ** چم كتيبه وجچم سريه

    طوعه صاحت ابرز ألهم ** وأنگلب حامي الحميه

    گوم وابرز ياشهم * واتحزم بهمه وعزم * والمفتهم خل يفتهم

    شنهي زود الهاشميه

    گوم انهض اجه جيش الدعيه ** عيد أيام حماي الحميه

    صال وچنه كرار* * فقاره بيمينه

    *******************

    مسلم أتوكل عله الله ** شاهر السيف برجوله

    زلزل الميدان صوته ** وأرعبه بلحظة دخوله

    أتگيد الجيش وتچتف ** سيوفه واقزامه وخيوله

    اللي انچتل واللي شرد * والباقي من خوفه ابتعد * يطلب النجده والعدد

    هالحرب مو بالسهوله

    مسلم هالاسد ينضح كرامه ** واسم الموت مكتوب بحسامه

    نهجه منهج أحرار ** فقاره بيمينه

    ************************

    ردو بحمله جديده ** جمعو افواج وسرايه

    هجمو بحقد ال اميه ** والغدر هالمره غايه

    بالمكر حفروله حفره ** لاحت اوياهه المنايه

    بالحفره ياوسفه وگع * ماساوم ولا ماخضع * بالزود والهمه رفع

    للشرف والغيره رايه

    هاذي قصته المسلم يشيعه ** وفي اويه حسين يخلصله ويطيعه

    ظل مخلص للاطهار ** فقاره بيمينه

    ***********
  19. بواسطة الشاعر ابو لقاء البهادلي

    القاسم بن الحسن المجتبى عليهما السلام

    قصيدة گعده

    بالدمه جسام عجنو حنته

    زفته صارت للمنيه ** هاذي المسيه

    ********

    الليله حزنانه المدينه ** من سر ضعن الهدايه

    طالع الايــــمان كله ** تمشي بيه چم اّيه باّيه

    للحسن صوره بضعنهم ** انرسمت بدم المنايه

    بالصوره جسام الفخر * صورة الطف لمن حضر * خبرته امه بهالخبر

    من البدايه للنهايه

    خبرته بأسرار واحزان الضعن

    والام كل الهاشميه ** بهاذي المسيه

    *************

    قصة القاسم حزينه ** مدونه بنوره وشبابه

    والحسن چان بزمانه ** كلشي حاسبله حسابه

    بيده خط ذيچه الوصيه ** وسلّم الرَّمله كتابه

    بذيچه الوصيه كربله * الام كلهه محمله * لو اجت هالمرحله

    القاسم يلاگي مصابه

    هالامر لو حان خل يصبح فده

    ويضحي لجل ابن الزجيه * هاذي المسيه

    **********************

    من گرب يوم المنيه ** جرد السيف بشهامه

    ينضح بهمه وعزيمه ** بغيرته يشبه عمامه

    يفدي هالدين بحياته ** يضحي كل دمه الامامه

    هالقصه موقصة عرس * والتضحيه بدم والنفس * بالفده صاغ اعظم درس

    يحمل اسرار الكرامه

    ويضحي هالروح لجل المعتقد

    ويصون بالدم هالقضيه ** بهاذي المسيه

    **************

    بكل ادب يحچي اويه عمه ** وگلبه بالحرگه ينادي

    يگله ترخصلي يعمي ** ارد اقاتل هالاعادي

    واشفي من عدهم غليلي ** واّخذ الليله مرادي

    يمك مرادي انذبح * من الدمه اسبح سبح *** والموت لجلك بيه ربح

    ساعتي الليله ومعادي

    مااخشه هالگوم اقسم بالنبي

    ما اخشه من كل ال اميه ** بهاذي المسيه

    **************

    خاطبه حسين بحنانه ** ودمعته تجري اعله خده

    گله ارجع يبني لامك ** هالگــــــلب لا لا تمرده

    گله امي هيه گالت ** لا تعوف حسين وحده

    من شافت امي هالوضع * گامت تهل دم الدمع * لبستني بيديهه الدرع

    والمصاب الليله وعده

    هالقدر محتوم والموعد كرب

    هاليله حان امر الوصيه ** بهاذي المسيه

    ********

    هذا موقف من مواقف ** خطه جسام بوفائه

    اعلن الطاعه الامامه ** وبالفده اعلن ولائه

    للعهد صانه بشهامه ** وفه كل عهده بدمائه

    وارث كرامات الحسن من صغره عاش اويه المحن بحسين وبحُبه امتحن

    قدم ادروس بفدائه

    يضحيله بالعين ويضحي بالعمر

    وتنوح لجله الجعفريه ** هاذي المسيه

    ************
  20. بواسطة الشاعر ابو لقاء البهادلي

    اصحاب الحسين عليه السلام

    قصيدة گعده

    رتل الدمُ اناشيد الوفاء ** واعتلى السيفُ رقاب الطلقاء

    ثورةُ الحق المبين ** هكذا اصحاب الحسين

    *******************

    ذوله اصحاب الحقيقه ** للوفه صارو علامه

    للشرف صانو حدوده ** وثبتو ركن الكرامـــه

    ذوله هالصحبه الشريفه ** يفدي كل واحد امامه

    يدرون شنهي غايته * بالدمه علو رايته * بالوفه دگو ثايته

    ثبتو درب الشهامه

    اصبحوا رمزٌ جليا للاباة ** وتصدوا بشموخ للطغاة

    فيهمُ سر اليقين ** هكذا اصحاب الحسين

    *********************

    نادو حسين بعباره ** انته كلنه واحنـــــه كلك

    احنه غايتنه الشهاده ** جينه هالكلمه نگلـــــــــك

    نبتغي بهاذي فخرنه ** وهالفخر لو متنه لجلــــك

    مافارگوه ولا مشو * يمه بعزيمتهم اجو ** گالوله هالكلمه وبچو

    بالارض مانلگه مثلك

    نحن جئنا ياحسينا للفداء ** وغدا تشهد فخرا كربلاء

    تقتدي بالطاهرين ** هكذا اصحاب الحسين

    ********************

    كلنه يبن الهادي نصبح ** فدوه يحسين الترابـــــك

    منك اتعلمنــــــه عــزه ** وتسجد العزه اعله بابــــك

    لو الف مره احنه متنه ** والله اهون من مصابـــــك

    بنهج الولايه نهتدي * بأمرك ترانه نقتدي * نفديك بالدم سيدي

    لجدمك وزهرة شبابك

    ياحسينا انت عنوان الوجود ** ومنحت الدين سرا للخلود

    في الحسين هائمين *** هكذا اصحاب الحسين

    *******************

    همه سبعين الصحابه ** اتغذو بسر العقيــــــده

    وهالحبيب ابنه مظاهر ** راية الانصار بيـــــده

    مسلم وحر الرياحــي ** بالدمه كتبو قصيـــــــده

    جون اويه عابس هالبطل * وازهير طلگهه الاهل * والباقي للعالم مثل

    فجرو ثوره مجيــــــــده

    ارعبوا تلك الجيوش بالقتال ** وتصدوا بصدور للنبال

    تزهو من نور الامين ** هكذا اصحاب الحسين

    ********************

    لو نفتش كل كتبنه ** گلي هم نلـــگه مثلهـــــــم

    كل نفس عدهم رخيصه ** والشهاده كل املـــهم

    عبره صارو للبريه ** بكل شرف لاگو اجلهم

    بحبك يبو اليمه افتدت * وبحبك ادموم انزفت * صانت عهدهه وبيه وفت

    يبچي كل مؤمن لجلهم

    ضحوا في حب الهداة الطاهرين ** واستحقوا رُتبا في الخالدين

    وافتدوا للصادقين *** هكذا اصحاب الحسين
  21. بواسطة الشاعر ابو لقاء البهادلي

    رقيه ابنة الحسين عليهما السلام




    انشد بلوعة حزن عمتي العقيله * حسين ماشوفه ياعمه ولا كفيله

    وسمعتُ ذلك الصوت الحنونا * يارقيه اصبري لن يتركونا

    حسين ماشوفه يعمه ولا كفيله

    *********************************

    بعيني شفت اني المئاسي ** والطفوف وكل دمانه

    وشاهدت جم لوعه بالطف ** ومن دمه تهمل سمانه

    والله متلهفه اعله ابويه ** والكفيل اللي حمانه

    ما يسوه من غير العمر * جم دوب ياعمه الصبر * ساعات مرت وانتظر

    انتظر يروي ضمانه

    انّه شلي بدنيتي لوما اشوفه * روحي ياعمه تذوب بيوم اعوفه

    اتلف الدمعُ عليهُما العيُونا * وبدا الشوقُ حريقا في الجفونا

    حسين ماشوفه يعمه ولا كفيله

    **********************************

    لا علي الاكبر اشوفه ** وصورته اكبالي تلالي

    وجاسم العريس غايب ** وما اشوف بعيني غالي

    حتى عبدالله فكدته ** والمهد من شخصه خالي

    لون الوجه مني انخطف * ومن الهضم كلبي نزف * من لوعته صاح وهتف

    بلوعته يشكي الجرالي

    وشعجب للحين مامرو عليه * منين ياعمه اجتنه الغاضريه

    طالت الالامُ عندي والشجونا * اخبريني عمتي ان فارقونا

    حسين ماشوفه يعمه ولا كفيله

    ***********************************

    بس عليل اويان باقي ** وما اشوفن كل زلمنه

    هجمت اجيوش ال اميه ** وشبت النار بخيمنه

    والنسه من الخوف شردت ** والملك يبجي الهضمنه

    غير الحزن ويه الشكه * ياشيعه كلشي مابكه * والكلب نوحي يحركه

    والنذل وسفه شتمنه

    صارللعتره الجتل ياشيعه عاده * وعدنه من ربنه كرامتنه الشهاده

    دربنا دربُ الفداء يعرفونا * ولنا القتلُ طريقا والمنونا

    حسين ماشوفه يعمه ولا كفيله

    *********************************

    كيدو بالكيد ادينه **** واعله نوك الهزله نصعد

    والعده تحدي بضعنه **** ومن زلمنه ما بكه احد

    والحشه نيرانه تسعر **** وما اظن هالنار تخمد

    مله كلش مجرمه *** شتمو بحامي الحمه *** شلون مله مسلمه

    بالذبح جازو محمد

    حسين لو يمنه وابن حامي الحميه * شحدهه تتجاسر اراذل ا ل اميه

    هؤلاء الطلقاءُ شتمونا * وارادوا في الخيام يحرقونا

    حسين ماشوفه يعمه ولا كفيله

    *******************************

    بالخريبه انحب واعاني ** ابجي الحسين اويه عمي

    واسألت عمتي اعله ابويه ** ما اجه للحين يمي

    شفته ياعمه بمنامي ** هسه جنت اشكيله همي

    من جابو الراس اصرخت * بالونه يابويه صحت * بلحظتهه ياشيعه متت

    خمدت انفاسي اويه حلمي

    بويه يحسين ارتفع بالنوح صوتي * واحضنت راسه الشريف وحان موتي

    يوم لا ينفع مال وبنونا * يخسر كل الذين عذبونا

    حسين ماشوفه يعمه ولا كفيله

    **************************************
  22. بواسطة الشاعر ابو لقاء البهادلي

    العقيله الهاشميه الطالبيه عليها السلام



    حره وابيه *** هالطالبيه

    زود وعلم وايمان ** وبخدرهه عنوان

    هالطالبيه

    ********************************

    فاطمه البضعه الزجيه ** يلقبوهه أم ابوهه

    وزينب اتسمت بعدهه ** بالعقيله أم اخوهه

    تفتدي حسين بدماهه ** لجله توهب كل بنوهه

    هاذي بت حامي الحمه * علم وفصاحه معلمه * مرشده الهه فاطمه

    بعصمة السر وشحوهه

    عصمه وكرامه ** تنضح شهامه

    ينبع طيبه الوجدان ** وبخدرهه عنوان ** هالطالبيه

    ***********************

    حصلت اعظم شهاده ** بفلسفه ومنطق قديره

    بالخدر والعفه أيه ** وبالعزم جانت جديره

    طاهره وحره وكريمه ** بثورة حسين الوزيره

    هيه بأصلهه اطهر اصل * اخلاق واداب وعقل * عدهه الحجي كول وفعل

    للنسه قدوه واميره

    حكمة ابوهه ** وغيرة اخوهه

    الهه صارن برهان ** وبخدرهه عنوان** هالطالبيه

    *******************

    من اجه شهر المحرم ** والضعن شد برحيله

    اتسلمت امر الاداره ** للضعن صارت دليلـــه

    وفوضت امر الحمايه ** للكمر يصبح كفيلـــــــه

    سلمت بيديه العلم * وصته بالزود وشيم * وصاح الكلب من الالم

    وكتمته الحره الاصيله

    كتمت حزنهه ** ضمت شجنهه

    نوح وصبر واحزان ** وبخدرهه عنوان ** هالطالبيه

    ************************

    عاشر العشره بمحرم ** ظلت اتحوم الوديعه

    طاحت الانصار كلهه ** ظلمه صارت هالوسيعه

    الاكبر وجاسم تفادو ** والسبط ذبحو رضيعه

    دم الدمع منهه انهمر * مهضومه من طاح الكمر * وجفوفه تحضن بالنهر

    وتنعه مهمومه الشريعه

    غيبة كمرهه **** كسرت ظهرهه

    قدمت جم قربان * وبخدرهه عنوان * هالطالبيه

    ***********************

    ظل ابو السجاد وحده ** وحاجته بونه خفيـــــــه

    نادته بصوت المئاسي ** تكله عندي هالوصيـــه

    ارد احب يحسين نحرك ** بهايه وصتني الزجيه

    حبته من وسط النحر* والنور شع منه وظهر* نادت يبن سيد البشر

    ياهو من بعدك اليه

    بحكمه صبرهه ** بكلشي اخبرهه

    بهمه اتذل العدوان ** وبخدرهه عنوان ** هالطالبيه
  23. بواسطة الشاعر ابو لقاء البهادلي

    فاطمه العليله ابنة الحسين عليهما السلام



    انه العليله فاطمه العافوني ** اهلي وحيده بدارهم خلوني

    والعله تاذيني ** محد يسليني

    *************************************

    وحدي مهضومه وحزينه ** طفله رحلو كل اهلهه

    اكظي ايامي بنايحه ** ودمعتي بالحركه اهلهه

    كلبي ذايب بالمصايب ** والقهر هد روحي سلهه

    سافرتو يااهل الوفه * للحين طارش مالفه * للعله مظل الشفه

    بشوفة الوالد املهه

    منهو اليودي الوالدي اخباري ** يحجيله بالصار وعليه جاري

    يحسين ياعيني ** محد يسليني

    ********************************

    طفله وحدي وهم عليله ** محد اشكيله اعله همي

    فاركت حبي ودلالي ** لا أبو يمي ولا أ‘مي

    لا أخت كربي الي ظلت ** لا اخو ظل ولا عمي

    احبابي ياوسفه مشت * والروح وياهم سرت * دمعتي من دم الجرت

    والحزن ظل وحده يمي

    بس الحزن ياشيعه ظل يبرالي ** والباري يعلم بالجره ويجرالي

    نيراني تجويني ***** محد يسليني

    **********************************

    عيني لحسين اتلهف ** وكلبي بالفركه انفطر

    اشتاكت العبدالله روحي ** الجاسم اشتاكت والاكبر

    وعالكفل ضعن الاحبه ** روحي ياشيعه اتحسر

    من فاركوني هالاهل ** والضعن من يوم الرحل * بالدنيه ماظل الامل

    صدري بالونه ايتكسر

    بالفركه زادت علتي وامصابي ** شلي بحياتي من بعد احبابي

    منهو اليواسيني ***** محد يسليني

    *************************************

    بنيه مصدومه وصغيره ** وعلتي عله خفيه

    حالتي ياشتعه صعبه ** وحشه هالدار وخليه

    احجي وي روحي وأسولف ** والصده ايردهه عليه

    مكلوبه دنيانه كلب * بعيوني ماشوف الدرب * والنار تسعر بالكلب

    وادعي تكربلي المنيه

    كبل المنيه أتمنه اشوف اخواني ** وانسه الهضم والنوح ويه احزاني

    ياروحي عزيني ** محد يسلسيني

    *************************************

    بعمري هم شفتم عليله ** عاشت المحنه وحيده

    ظلت بنوح ونواعي ** والاهل عنهه بعيده

    حزني ما فاركني ساعه ** وعله كل ساعه جديده

    ماطاب صدري وانشرح * بالفركه دلالي انجرح * من يومهم راح الفرح

    والدي اصرخ اريده

    هم شفتو طفله بهالعمر مظلومه ** عاشت وحيده من الاهل محرومه

    ياجده احضريني ***** محد يسليني

    *************************
  24. بواسطة الشاعر ابو لقاء البهادلي

    صرخة رقيه ابنة الحسين عليهما السلام



    صرخة رقيه باحزان ** صرختهه

    يابويه مدري وينك ** مشتاكه انا الحنينك

    بجت اّيات القران ** صرختهه

    ************************************

    طفله حساسه وحزينه ** بالهضم تُملك هويه

    ورثت الام ونوايب ** هيه والعـــــــتره سويه

    تنادي يابويه يغالي ** دنيتي بنورك ضويه

    هالحزن صارلهه طبع * يسجبهه لوعات الدمع * تحجي المصايب والوضع

    والمحن كلش قويه

    نوح ومئاسي واشجان ** صرختهه

    تشكي بفكد واليهه ** عالجره والصار اعليهه

    هزت كراسي الطغيان ** صرختهه

    *************************************

    شافت الرؤيه الاليمه ** شافت حســــين بحلمهه

    حضنته وحبت جبينه ** وتشكي لوعتهه وهضمهه

    سولفت الام اهلهه ** ومنهو سلّبهه وظلمهه

    هالحلم شوفهه الرعب * نيران دكات الكلب * وحالي صبح كلش صعب

    فزت بلوعة المهه

    يحسين انته الفرقان ** صرختهه

    يابويه كل احبابك ** تبجي وتون لمصابك

    صدمتهه كل الاكوان ** صرختهه

    ************************************

    والصبح صاحت يعمه ** رؤيه شفت اني بمنامي

    شفت ابويه حسين يمي ** سلمت ردلي سلامي

    وكلهه اصحابه شفتهه ** ويمه اخواني وعمامي

    حاجاني عالصار وجره * هالحكمه كلي مقدره * واّني ادري بيج امرمره

    فكري يحبيبه بكلامي

    هدت اعروش الطغيان ** صرختهه

    لازم يعمخ انشوفه ** ولشوفته ملهوفه

    بالررؤيه صارت برهان ** صرختهه

    *************************************

    ينشد ايزيد بغروره ** المن الصــــــــــرخه الرهيبه

    طفله باسم حسين صاحت ** هاذي هالصرخه العجيبه

    صرخة الحق وضميره ** صرخه تشرح هالمصيبه

    هالصوت المن مصدره * كالو حفيدة حيدره * والصده ثوره وزمجره

    صرخة الطفله الغريبه

    نادت بحسين الايمان ** صرختهه

    يحسين انته الغايه ** ياحجه انته واّيه

    صارت شعار وعنوان ** صرختهه

    **********************************


    جابو الراس الرقيه ***** بشوفته اتغير وضعهه

    حضنته بلهفة غريبه ***** ونادته بونة ضلعهه

    بويه يابويه يبويه ***** صرخت وهلت دمعهه

    بالموت هالحلم اكتمل *** وبانت نهايات العلل *** عالراس وافهه الاجل

    صرخت وربنه سمعهه

    صرخه وبقت بالوجدان ** صرختهه

    هلو الرقيه الدمعه * بالدمعه واسو البضعه

    صرخة جميع الاديان ** صرختهه

    *****************
  25. بواسطة الشاعر ابو لقاء البهادلي

    هجري


    من الصغر منذور ** خادم للحسين

    غذوني حبه بالمهد ** واصبح نبض شياني

    ************

    انه من يوم الولاده ** شربوني حب علي

    وطبعو بوجداني صوره ** للحسين اتضوي ألي

    امي رضعتني الولايه ** ومنهه اصبح منهلي

    جابو علك من حضرته **عالمهد امي نشرته ** ويم راسي خلو صورته

    ياريت جنت بنصرته

    سجلوني باول يوم ** شيعي وموالي

    وللخدمه نذروني هلي ** خادم صبح عنواني

    *******************

    عالمهد جانت تلولي ** امي تقرالي نشيد

    ياحسين انته حبيبي ** ردده وياهه الوريد

    وهالنشيد بسر حياتي ** بعالم الذر البعيـــد

    حبه ويايه انولد * من كبل جية المهد *ب حكمة الغيب انوجد

    والحضه بحبه سعد

    كلمن يحب حسين ** مولده طاهر

    باذن الله طاهر مولدي ** بمحبته برهاني

    ***************

    مرت اسنين العمر ** وكبرت اوياهه خدمتي

    لو تمرشده بحياتي ** يحضر حسين بشــدتي

    ولو اشوف هموم دنيه ** تنتهي كلهه بدمعتـــي

    خدمته تاج اعله راسي * مذهبي حسين واساسي * ضحه ناسه لجل ناسي

    شهره ماراد وكراسي

    ضحه بنفوس اطهار ** يحمي العقيده

    ضحه بعضيده ومنحره ** شيد صرح ايماني

    ********************

    بكل صلاه انه بدعائي ** احمد البــــــاري واشكره

    من هداني اعله الولايه ** وزارع بنص روحي فطره

    فطرتي حسين وهويتي ** اهلي ربوني اعله فكـــــره

    الله يرحم والديه * غرسو بنفسي الحميه * وسولفو قصة الزجيه

    هيه سر هاذي القضيه

    الله يرحم كاظم ** وحمزه الزغير

    علموني اكتبله شعر ** منهم اخذت اوزاني

    ******************

    رؤيه شفت انه بمنامي ** جن كرب يوم الاجل

    وجهزو تابوت اليه ** واسمع تنوح الاهــل

    فرحه حسيت اعله شفتي ** ولاح الي نور الامـل

    هالوضع كلش هضمني* وجن ابو اليمه حضرني * للمجالس بيده اخذني

    كلي مبخوت الخدمني

    كال الخدمني يفوز ** يوم القيامه

    وجن شفته وقعلي السند ** وبالاخره نجاني

    ******************

    هو ما يحتاج الاحد ** هالبشر تحتاج الـــــــــه

    هنياله اليخدم امامه ** واسمه بكتابه ايسجلــــه

    وخدامه تتباهه بفخر ** من تطب الكربلـــــــــــــه

    خدمته عدنه وجوب *بيهه تنزال الذنوب * وتنتهي كل العيوب

    مااظن منهه نتوب

    لوما وجود حسين ** متظل كرامه

    ثبتلي من دمه الشرع ** واتثبتت اركاني
  26. بواسطة الشاعر ابو لقاء البهادلي

    الســـــــــــــــــــــــــــــــــــؤال



    اليوم اسأل وانتظر منكم جواب ** المهدي عنه غاب لو عدنه الغياب

    احنه ضيعنه دربنه ** منه مايوم اقتربنه

    **************************

    بسنة الهادي الشريفه ** كثره اسرار وخفايه

    وعن اهل بيته تحدث ** جم حديث وجم روايه

    بالكتاب واّله وصه ** بيهم انوار الهدايه

    وكال عن اخر زمن * بيه المصايب والفتن * تنتهي ويه ابن الحسن

    يظهر بنهج الولايه

    غاب مرتين من اجل غايه وسبب ** والبعض هالغيبه صارتله عجب

    والعجب هو عجبنه ** منه مايوم اقتربنه

    *******************************

    كثره عدنه الناس غابت ** وتيهت درب العداله

    ما تفكر باللي صاير ** وتمشي بدروب الظلاله

    عافت الهادي وعترته ** واتركت كلشي اللي كاله

    تخبط الصح اويه الغلط * والزين بالشين انخبط * والباطل اوياهه ارتبط

    ماتغير هيجي حاله

    ناس لا تعرف حلال ولا حرام ** ناس عدهه الدين اصبح بس كلام

    يعلم بكل هاذي ربنه ** منه مايوم اقتربنه

    ***************************

    والبعض اصبح شغلهه ** اتحارب بهاذي المجالس

    مادرو بيهه المواعظ ** ومنهه مصنوعه المدارس

    المافهم شنهي المئاتم ** يعني لا قاري ولا دارس

    فطره ما يملك ابد * ولو غاب لاما يفتقد * ولو حضر ميزيد العدد

    وعالفرس ماظنه فارس

    من ترشده اعله الطريق المستقيم ***** ايصير هو المرشد وهو الفهيم

    والبعض بيهم رغبنه ** منه مايوم اقتربنه

    ***********************

    ضحه ابو اليمه بحياته ** من اجل اطهر قضيه

    والعده تريدك يسامع ** تنسه درب الغاضريه

    ولا تظن المهدي غايب ** ما يعاين عالبريه

    بالمهدي مكنونه العبر * والماأخذ منهه عثر * وتاليهه بالموعد خسر

    وينكره حامي الحميه

    هاذي دنياك الغدرتاليهه ** صار سافلهه مثل عاليهه

    من عذب نهره شربنه ** منه مايوم اقتربنه

    *******************************

    الدنيه لتغرك يسامع ** من ترضـــعك من ثديهه

    اتشيلك الفوك وتنزلك ** وتشمرك من بين ايديهه

    اشكد بشر جانت كبلنه ** تملك الدنيـــــه ورديهه

    هم تسمع الهم من خبر* والمال ذاكه اللي اندثر * هالدنيه ماخلت اثر

    بالغدر تاخذ وديهه

    بدنيتك كلشي ابد ميفيدك ** المهدي واله للصواب اتعيدك

    حبه ينبض وي كلبنه ** منه مايوم اقتربنه

    ***********
  27. بواسطة الشاعر ابو لقاء البهادلي

    ام البنين عليها السلام

    ام البنين يعرفوهه ** بغيره وشهامه يوصفوهه

    سيف وقرطاس ** ام العباس

    بغيره وشهامه يوصفوه

    *****************

    من قبل طبت المدينه ** وبعده حيدر ماعرفهه

    شافت الرؤيه العجيبه ** غيرت محور ظرفهه

    شافت انوار وتلالي *** اربعه يصعب وصفهه

    والليل عسعس واندثر * والصبح طبلهه الخبر * حيدر اجه بشخصه وحضر

    فسر الرؤيه اوصفهه

    هالرؤيه اسرار ومكنونه ** بيه الطف وسر ظعونه

    درع اويه الطاس ** ام العباس

    بغيره وشهامه يوصفوهه

    **********

    حيدر اختار الاصاله ** حكمه جانت باختياره

    هالطلب بيه عنده غايه ** الهالسبب قرر قراره

    منهه راد اصل الرجوله ** للزمن لو زل مساره

    عنده غايه الرايته * واسرار * عباس هو غايته

    يحمي ضعنه بكل جداره

    عباس المطلب والغايه ** بأسم الوالي يرفع رايه

    بالعز تنقاس ** ام العباس

    بغيره وشهامه يوصفوهه

    *********************

    طبت بدار الامامه ** وبالصدر مختنكه حسره

    طلبت من الوالي مطلب ** كالت اسمي لا تذكره

    تكسر ضلوعي وتسله ** اسمي لو ناديته مره

    بنص روحهه حسين وحسن * واتشاركت كل المحن * وكل العمر اصبح شجن

    وبالجفن مرسومه عبره

    اسمي ماريد تذكرونه ** كلبي وي ذكره تفطرونه

    طيبه ونوماس ** ام العباس

    بغيره وشهامه يوصفوهه

    ****************

    بطبرة الكرار حيدر ** ظلت تنحب المصابه

    ودع الوالي عترته ** وطالت الونه بغيــــابه

    والحسن بعده ايتسمم ** وانطفت زهرة شبابه

    بس الحزن ظل والم * جم ركن من عدهه انثلم * والحيل بالنوح انهدم

    والكلب يجوي بعذابه

    ظلت حزنانه ومهمومه ** تنظر للحُره المهضومه

    نبع الاحساس ** ام العباس

    بغيره وشهامه يوصفوهه

    ************

    من رحل ضعن الهواشم ** شتت السافر فكرهه

    جان ابو السجاد سلوه ** هو بالدــــنيه فخرهه

    تضوي هالدنيه بوجوده ** بعده مايسوه عمرهه

    متهمه كل هاي الولد * سالم تظن بلجي يرد * متعذبه بنوح وبُعد

    ونار الافراك بصبرهه

    اربع شبان القدمتهم ** ويه حسين بحب ودتهم

    للمدمع ساس ** ام العباس

    بغيره وشهامه يوصفوهه

    *************************
  28. بواسطة الشاعر ابو لقاء البهادلي

    عبدالله الرضيع عليه السلام

    دمي ** بحضن الحسين واهدرو دمي

    شنهي الذنب ما ادري ** حرمله كطع نحري

    ***********
    من وصل للطف ضعنه ** شفت الاجيوش المجرمه

    واسمعت صوت الحوافر ** سور الامخيم تهدمه

    اّنه بكماطي واعاني ** بعيني هالدنيه مظلمه

    اّنه الرضيع الهشمي ** للمصطفه اّنه انتمي ** بالجور اصبح عالمي

    والظلم نوري يعدمه

    شفته ** الحسين وحده بمحنته شفته

    اربع شهور بعمري ** حرمله كطع نحري

    *************

    بعيني لاحت صوره من دم ** شفت الاجساد الزكيه

    بيهه كثره اجروح تنزف ** امدده فوك الوطيه

    بعيني شفت الزهره ناحت ** اموشحه بثوب المنيه

    الحسين هو سلوتي ** هو اميري وقدوتي ** منه عطري وجودتي

    اتسلبت بالغاضريه

    كلهه ** ربع الحسين اتذبحت كلهه

    وادموم ظلت تجري ** حرمله كطع نحري

    *************

    من سمعت الوالي ناده ** يطلب النُصره ومعونه

    بعيني شفت الامه تكبر ** بروحي حسيت بشجونه

    كتله لبـــــــيك بدموعي ** ياأبو العتـــــــره وابونه

    وشلون ونه بحسرتي ** مخنوكه تطلع عبرتي ** باهضم ذبلت زهرتي

    والكفل فارك ضعونه

    ظهره ** من طاح عباس انكسر ظهره

    وتعذبت من صغري ** حرمله كطع نحري

    ***********

    امن العطش ذابت مهجتي ** والحشه بناره ايتكطع

    والدي اويه الكوم يحجي ** بلجي هاذي الكوم تسمع

    لو ذنب عدنه بنظركم ** ياذنب عنده الــــــــلي يرضع

    ردو علينه بالسهم ** والكلب ياشيعه انجسم ** حتى المهد صاح بألم

    كلب الحسين ايتصدع

    بحضنه ** ذبحو رضيعه النايم بحضنه

    والالم يسري بصدري ** حرمله كطع نحري

    ***********

    والدي ظل بمحنته ** صعبه ياشيعه ظروفه

    مارجع بيّه اعله امي ** ردني يم عمتي العطوفه

    صعبه كالتله يخويه ** هالطفل مذبوح اشوفه

    بصوت ناحت واندبت ** صاحت بلوعتهه وبجت ** وشحال امه لو درت

    جدول وجفت جروفه

    امي ** ماتحمل اتشوف الدمه امي

    والسهم واصل ظهري ** حرمله كطع نحري

    ***************
  29. بواسطة امل

    قصائد رائعه
    قرأت قليل منها وان شاء الله اكمل في وقت اخر
    شكرااااااااااااا اخي لجهودك الرائعه والمميزة
  30. بواسطة الشاعر ابو لقاء البهادلي

    شكرا لك ايها الاخت الفاضله امل

    وشكرا على جهودك التي تبذليها معي

    بارك الله بك وسدد خطاك
  31. بواسطة الشاعر ابو لقاء البهادلي

    وفاء ام البنين عليها السلام



    لحسين *** هاذي ام البنين اشك وفيه

    اربع ولد طيبين ** ضحتهم للحسين

    هاذي ام البنين اشكد وفيه

    ********************

    اّمنت بالباري واحد ** والنبي رمز الجلاله

    اتيقنت بالوالي حيدر ** ومنهجه هو الرساله

    وتدري من بعده الأيمه ** للشرع هُمه كمـاله

    حيدر أختاره الهالنسب * يحمل اسرار وبيه سبب * غايه عنده بهالطلب

    بهالنسب موجوده حاله

    تاجين ** يلبس هالنسب عزه وكرامه

    اولاد وميامين ** ضحتهم للحسين

    هاذي ام البنين اشكد وفيه

    *************************

    طبت بدار الزجيه ** وعاشت الحاله الاليمه

    بكل ركن مرسومه دمعه ** تحمل اثار الجريمه

    وشافت اعله الباب صوره ** صورة الزهره العظيمه

    شافت اعله الباب الوضع * مرسوم باّهات الضلع * ظلت تون وتهل دمع

    ناحت الخره الكريمه

    بالعين ** دمعه وبالصدر مخنوكه حسره

    ولدهه اشكد مطيعين ** ضحتهم للحسين

    هاذي ام البنين اشكد وفيه

    *********************

    عاشت اويه العتره محنه ** بغيره دارتهم الاصيله

    سهرت اعليهم ليالي ** توافي بالخدمه الجليله

    ما شكت يوم من المهه ** من الحزن صارت عليله

    ارع اقمار اللي انجبت * والعتره بيهم رحُبت * ينبوع للغيره وبخت

    للضعن منهم كفيله

    جفين ** تشهد بالحشر عند الزجيه

    للعتره مخلصين ** ضحتهم للحسين

    هاذي ام البنين اشكد وفيه

    *************************

    من مشو للغاضريه ** ظلت اتناطر ضعنهم

    تكظي الانهار بنوايح ** وتذكر بلوعه محنهم

    انفكدت الاخبار كلهه ** زهالحزن كله الحزنهم

    وبنوحهه اتفت الصخر * بالونه ذابت والقهر * للحين ما سمعت خبر

    تسمع من ابعيد ونهم

    غالين ** فركتهم هضم صارت عليهه

    بالغيره عناوين ** ضحتهم للحسين

    هاذي ام البنين اشكد وفيه

    *****************************

    من وصل ناعي المصايب ** صارت الدنيه مكدره

    عن ابو اليمه تنشده ** يابشر شنهي اللي يجره

    كلهه الله ايعظم اجرج ** بولدج الراحو يحره

    يابشر وينه قدوتي * هو حياتي وضنوتي * انشدك عن سلوتي * هو كلشي بدنيي

    هالخبر شو ما تذكره

    ميتين ** فدوه الاربعه كلهم يروحون

    صاروله قرابين ** ضحتهم للحسين

    هاذي ام البنين اشكد وفيه
  32. بواسطة الشاعر ابو لقاء البهادلي

    وفاء العباس عليه السلام


    تندب الاطفال اتصيح ** وينك يابو الغيره
    ياعباس اسكينه ** من جودك واروينه

    وينك يابو الغيره

    ************

    بغيره عباس ايتوصف ** والوفه يغــــفه بجفونه

    من العطش ذابت مُهجهه ** تندبه اطفال بضعونه

    علك الجود اعله ظهره * وعالضــعن تربي عيونه

    الاطفال كلهه ندبته * عالجتف علك جربته * بحسين يدري وغربته

    من طلع يخف شجونه

    ميفكر باللي ايصير ** ميهمه مصيره

    اطفال ويندبون ** من العطش يشكون

    وينك يابو الغيره

    ***********

    بطلعته شد العزيمه ** وكل وصف توكف حدوده

    الساقي عباس ايتلقب ** من الصغر مصنوعه جوده

    من علي ماخذ شهامه ** الليله يوفيــــــله بعهوده

    عنده وي حيدر وعد * واليوم يوفي بالعهد * مثله مانلكه ابد

    بكل زمن نادر وجوده

    للضعن كافل صار ** بوجدانه وضميره

    كلهه اتنادي عباس ** ياصاحب النوماس

    وينك يابو الغيره

    **********

    من وصل للشاطي عافه ** مايه مالامس وريده

    ماشرب منه ولا ضاكه ** فكر مشغول بعضيده

    جوده كل همه يوصله ** هالامر هواليـــــــريده

    عينه تنظر للدرب * بيهه يصغر كل صعب * ومايخاف من الحرب

    عنده ايثار وعقيده

    هالموقف ما ينقاس ** مانعرف تفسيره

    عالمخيم عينه ** واتناديه اسكينه

    وينك يابو الغيره

    ***********

    هجمت اجيوش ال اميه ** والهدف جوده تدمره

    اجمعت خيل وسرايه ** حاطته ورادت تغــــدره

    وانتفض عرج الهواشم ** فجر بصيحاته ثوره

    ناس ماعدهم ذمم * ولاعقيده ولاقيم * صدته عن الخيم

    وماكدر واحد يقهره

    شمرته من حيدر ** وارث كل تدبيره

    منا الذله هيهات ** يسمع هاي الاصوات

    وينك يابو الغيره

    ******************

    جنه ملك الموت سيفه ** وجنه حيدر في يقينه

    حشدو الاف ضــــــــــده ** والحجر صابه بجبينه

    وهجمت ارجاس وراذل ** بالسهم صوبوله عينه

    واليكبل اعليهه تفر * وحاوطوه من كل كتر * ظنهه يضعف لو يفر

    وكطعو ايساره ويمينه

    وراسه بعمد طبروه ** ويم جوده تفكيره

    محتار بهاذي الحال ** اتذكر صوت الاطفال

    وينك يابو الغيره

    **************

    من وصل الحسين يمه ** من دمه هلت عبرته

    كله يابو الغيره تدري ** بطيحتك ظهري كسرته

    عني يالغالي تغادر ** ويبقه الحسين بحسرته

    تدري بعدك ياكمر * ظهري ياخويه انكسر * بطيحتك لاح القدر

    وتدري بحسين وجمرته

    راح اليرفع الراس ** وهلال العشيره

    ثغبت كل النسوان ** وتندب باسمه الرضعان

    وينك يابو الغيره

    **************
  33. بواسطة الشاعر ابو لقاء البهادلي

    الامام الكاظم عليه السلام وعذاب السجن


    بالسجن ضكت المراره ** وعني ممنوعه الزياره

    شفت بس ضيم وظلام ** وآنه أبن خير الانام

    ****************

    بالسجن ياهو اللي مثلي ** جده أشرف هالبريه

    وياسجين المثلي طاهر ** وصلبه من حامي الحميه

    والده الصادق علامه ** ودمه من دم الزجيه

    ذابت مهجتي من الظلم * تجويني نيران الهضم * متسلح بصبر وكظم

    ضاكت الوسعه عليه

    ياسجين بهيجي حاله ** بلاذنب كل ماجراله

    حاربوني أهل الحرام ** وآنه أبن خير الانام

    ****************
    بالسجن معروفه حاله ** كل سجين يلاكي راحه

    تعتني أهله وتزوره ** تشوفه وتخفف جراحه

    وآنه لا واحد يجنيني ** زيارتي صارت نياحه

    عانيت الام وقهر * ذابن عيوني من السهر * وآنه أبن سيد البشر

    طير ومكيد جناحه

    بالسلاسل كيدوني ** وبحقدهم لوعوني

    منعو أعليه السلام ** وآنه أبن خير الانام

    ****************

    بلاذنب وبلا محاكم ** هالسجن طالت سنينه

    يومي ماأعرف نهاره ** وليلي يشكيلي انينه

    وروحي مشتاكه لهلهه ** والكلب هايج حنينه

    بالسجن عذبوني وشطت * والكلب ذاب أوياه ذبت * للظلم مايوم أخضعت

    روحي مهضومه وحزينه

    سجني طاموره ومظلمه ** والسجني بلايه رحمه

    اوياي ممنوع الكلام ** وآنه أبن خير الانام

    *****************

    بمحنتي شفت المئاسي ** ومهجتي تون وعليله

    وكل حجي وصوت الحراسه ** للوكت صارن دليله

    بالصيام اكظي نهاري ** وليلي بالسجده الطويله

    بلاذنب مني البده * جبدي كطعوه العده * ياهو يسمع هالنده

    لاأهل يمي وقبيله

    والقتل صارلنه عاده ** ومكرمه النه الشهاده

    ناح لمصابي الحمام ** وآنه أبن خير الانام

    ******************

    حتى بالموت انه وحدي ** لا اهل يمي يجوني

    محد أيسبل ايديه ** ومحد يغمض عيوني

    اهلي واحبابي بعيده ** لو قريبه يودعوني

    من دمع عيني أتغسلت * وبهدمي انه اتجفنت * للقاء أتهيأت

    وأشتكي من العذبوني

    بالحقد نادو عليّه ** هذا امام الرافضيه

    رافضي ناده اللئام ** وآنه أبن خير الانام

    ***************

    أخذت الشيعه الجنازه ** ونادت بلوعة دمعهه

    آنه جدي الهادي طه ** دينه للأمه الرفعهه

    آنه أبن الزهره فاطم ** كبلي هم كسرو ضلعهه

    بالسجن عمري انكظه * وشيعتني الرافضه * وحاضر بدفني الرضه

    وشكوتي لمن سمعهه

    والاثر شاف بأيديه ** ونته صارت خفيه

    صلبي من صلب الكرام ** وآنه أبن خير الانام

    ***************
  34. بواسطة الشاعر ابو لقاء البهادلي

    استشهاد الامام علي عليه السلام



    طبروهه بغدر هامة الايمان **** بسوف الظلاله

    احزان انتشرت احزان **** طيحو للهده اركان

    بسيوف الظلاله

    ***************

    حيدر اتمنه الشهاده *** ويدعي ميطول انتظاره

    بالسمه شاف العلامه *** والحزن مر اعله داره

    اتيقن الليله مصابه *** لو بزغ فجره ونهاره

    با لسمه لاح الامل * كرب الليله الاجل * حان توديع الاهل

    والزمن بدل مساره

    شرع المصطفه هالكوم عادوه ** وباب العلم هالليله يطبروه ** بسيوف الظلاله

    ناحت كل الاكوا ن * طيحو للهده اركان * بسيوف الظلاله

    ********************

    بداره شاف اول اشاره ** بيهه لليسأل جوابه

    بوجهه طير الدار صاحت ** اتعلك الباب بثيابه

    فسر الصيحه بنوايح ** والقدر لاح بمصابه

    حيدر بشوكه انتظر * ناطر بلهفه القدر * كلشي هالليله ظهر

    كلشي مرسوم اعله بابه

    عليه ناح الحما زناحت الباب * هذا الماتهزه اجبال ينصاب * بسيوف الظلاله

    ناح اليوم رمضان *** طيحو للهده اركان *** بسيوف الظلاله

    ****************

    اتنعه للمسجد يصلي *** يدري بالباري وقدرته

    كبر وكمل سجوده *** بالحزن تسري حسرته

    حكم السيف المرادي *** والوصي طاح بطبرته

    صوت جبريل انتشر * طاح افضل هالبشر * بسيف مسمو انغدر

    والعرش هلت عبرته

    بسيف ارجس شقي هالدمه مهدور * طاح اتقه التُقاة وراسه مطبور * بسيوف الظلاله

    تنعه الانس والجان * طيحو للهده اركان * بسيوف الظلاله

    *****************

    صاحت الحره العقيله * بويه ياوسفه وهضيمه

    ماشفت بس المصايب * بصغري وبكبري يتيمه

    عمري بس نوح ومصايب * بعيني شفت اجم جريمه

    بطيحتك اّنه الطحت * انهار لو عني رحت * ذابت الروح وشطت

    للعده صرنه الغنيمه

    وسفه ياعلي عن زينب اتروح * شفت بطيحتك جم نحر مذبوح * بسيوف الظلاله

    صيحه وصوت قران * طيحو للهده اركان * بسيوف الظلاله

    *****************

    نفذت هاذي الجريمه ** سيف ابن ملجم واميه

    جن طعن عرش الجلاله ** من طبر حامي الحميه

    وبالظهر طعنو نبينه ** الليله من طبرو وصيّه

    حزنت املاك السمه * والدنيه صارت مظلمه * بمصاب حماي الحمه

    جددو كسر الزجيه

    الهامه والضلع بس يجرن ادموم *** بسيوف الظلاله

    عرش الباري حزنان * طيحو للهده اركان * بسيوف الظلاله

    ********************

    كلشي من امر السقيفه ** اتنفذ وصار بامرهه

    خططت هذا المخطط ** يعلم الوالي بكفرهه

    منهه قنفذ والمرادي ** ومنهه مرجانه وشمرهه

    ناس ماعدهه شيم * رادو تموت القيم * وينتكس هذا العلم

    وتنتهي العتره وذكرهه

    غير المرتضه لا مانريده * اشكد سالت دمه لجل العقيده * بسيوف الظلاله

    فكر وجور طغيان * طيحو للهده اركان *** بسيوف الظلاله

    ********************
  35. بواسطة اكرم الرحال

    رب يحفظك
  36. بواسطة الشاعر ابو لقاء البهادلي

    الاخ الرحال

    شكرا على المرورِ
  37. بواسطة الشاعر ابو لقاء البهادلي

    احبتي الكرام نبدأ بعونه تعالى بقصائد (اللطم ) بعدها نعود ايضا

    الى قصائد الكعده

    اصحاب الحسين عليه السلام

    احنه اصحابك يابو اليمه** بدمانه موقعين

    طلكنه الدنيه ومابيهه ** بحبك مرتفعين

    لو نتكطع ** فلا نخضع ** باسمك مرتفعين

    ********************

    حبك سكن وسط الدمه ** وبالكلب عندك صوره

    نسحك عله خشوم العده ** والروح الك منــذوره

    رايات باسمك رفرفن ** باسمك تظل منصوره

    كل واحد وياك ارتبط ** واليـحب يوفي انذوره

    نضحيلك كل كطره بدمنه ** متهمنه الاهــــــات

    كلنه بصوت الهمه انادي ** من الذل هيهــــــات

    لاما نركع** فلا نخضع ** باسمك مرتفعين

    ********************

    منهاج للحق والعدل ** وانته الشرف والغيره

    دستور انته للفضل ** مومن سهـــــــل تغيره

    القران خالقنه انزله ** وانته اصبحت تفسيره

    ترخص الك روح ودمه ** ولنشوف عندك حيره

    نفس الهمه ونفس الكلمه ** كل احنه بفد صوت

    منهاب من جيوش الفاسق ** ميخوفنه المـــوت

    لو نتصدع ** فلا نخضع ** باسمك مرتفعين

    **************

    بالدنيه ما عدنه طمع ** مانرغب بدنيانه

    تعاهدنه وياك بعهد ** واتوقع من دمانــــــه

    عنك ابـــــد ما نبتعد ** بالروح انته ويانــه

    انته الذي بيوم الوعد ** بالحشــــر تتلكانـه

    عفنه التفكير بهـالدنيه ** بحسين التفكيــــــــــر

    بها لموقف شفناهه الجنه ** وميهمنه شميصير

    شمانتلوع ** فلا نخضع ** باسمك مرتفعين

    **********************

    عفنه الاهل عفنه الولد ** حبك ابــد منعوفــه

    منهاب من ابن الدعي ** ما نخشه من اسيوفه

    بغيرتنه وبنهج الوصي ** بيهه نذل صفوفــه

    شفناهه دار الاخره ** بعلم البصيره نشوفـــه

    نصرخ ضد الباطل صرخه ** ونذل العدوان

    ونصبح عبره الكل العالم ** تتحده الطغيان

    لامرك نسمع ** فلانخضع ** باسمك مرتفعين

    ************

    ندري الاجل يومه اقترب ** واتوضحت سكراته

    والباري بمحبتك فتح ** ياســـــــــــــيدي جناته

    باجر نطب الموزمه ** بصولة علي وكراتـــــه

    وبالسيف نكتبلك شعر ** غيره اوفه ومضاتــــه

    تشهد يم الزهره ادمانه ** وتشهد للاطــــــــــهار

    خيرة الاصحاب احنه اصبحنه ** بالحب والايثار

    شما تجمع ** فلا نخضع ** باسمك مرتفعين
  38. بواسطة الشاعر ابو لقاء البهادلي

    اشكد طغيان مانسونه ** اشكد عدوان ماذلونه

    منا الذله ابد هيهات ** باسمك نرفع الرايات

    اشكد طغيان مانسونه

    ..........******............

    بحبك يحسين اتربينه ** ونذوب بحبك يحسين

    جم دم بدم الضحينه ** وظلينــه بدربك ماشين

    يشهدلك تاريخ الحاضر ** ويشهد تاريخ الماضين

    عنك مايوم تخلينه ** لجـــــــــــــلك بالدم اموقعين

    كثره ارهاب ** والدم يجره

    شيب وشاب ** ضحه بعمره

    كلما فجرو بينه ** حبك هو يحيينه ** اشكد طغيان مانسونه

    ...........*****...........

    نقسم بمصابك وادمانه ** والضلع ويه المــــحراب

    ماننسه مصابك تدرينه *** بحبك نتحده الارهـــــــــاب

    ماننسه اولادك واخوانك ** وماننسه دم الاصـــحاب

    حبك يسري ويه ادمانه ** من جنه بنص الاصــلاب

    انسه الناس ** وانسه جروحي

    بكل احساس ** اوهب روحي

    أنت اللي صرت عنوان ** لجلك نصبح القربان

    اشكد طغيان مانسونه

    ............*****...........

    ظنهم زوارك تتراجع ** ويمنعهم عــــــنك ممـنوع

    من اصحابك ماخوذه العبره ** سوينه الاصدور دروع

    تزحفلك الارواح وتحبي ** الاف والاف جــــــــموع

    تستاهل كل كطره بدمنه ** موبس نوح وهل دموع

    ضد الموت ** بأسمك نهــتف

    نصيح بصوت ** لجلك ننزف

    ردت بالوطن الطفوف ** علينه اجردن السيوف

    اشكد طغيان مانسونه

    ..........******.........

    أسمك معجم مايتوصف ** يتضمن كل الاســـــرار

    دمك يحسين اصبح ثوره ** اسس قانون الاحرار

    ذكرك يرعب اكبر طاغي ** تــــــتلبد منه الاشرار

    يالحبك بلسم للشيعه ** وللمخلص درع من الـــنار

    دمك نار ** لاماتخمــــــــد

    حبك صار ** درع ومسند

    من جنه برحم واصلاب ** حبك عنه ابد ماغاب

    اشكد طغيان مانسونه

    ...........*******..........

    شيعتكم ثابت موقفهه ** وانتو بشيعتكم تدرون

    متهاب الناصب واقزامه ** فوك المنيه يسيرون

    بين الموت وبين الذله *** ياما خيرهه الملعون

    اختارو هالموت بكل عزه *** بغير العزه مايرضون

    نظل للدوم *** نهتف بأســمك

    يظل مختوم ** عالدم رسمك

    نورك ماتحجبه غيوم *** وشمسك ماتغيب بيوم

    اشكد طغيان مانسونه

    *****************
  39. بواسطة الشاعر ابو لقاء البهادلي

    انا مجنون يعالم بالحسين

    ***********

    انا مجنون بعقل يوزن بلد

    بالولاده اجنوني ويايه انولد

    افتخر بجــــــــنوني ابقه للابد

    مايخوفني غدر كل حاقدين

    ****************

    انا حبيته محبه بلا طمــــــــــــــع

    كل شعوري لجله واحساسي خضع

    ماتغيرني النواصب والبــــــــــــدع

    ابقه اتحده بمحبني الناصبــــــــــــين

    *************

    دوختهم بالمـــــــــــــحبه والجنون

    ومااهاب من المخــــاطر والمنون

    حسين يطلبني واوفــــــيله الديون

    بالحشر يحضر جميع المخلصين

    ********************

    جنوني عد بعض البشر اصبح عجيب

    وين مثل حســـــــــــــين الكالي حبيب

    العلتي وجرحي صارلهــــــــــه الطبيب

    وصار عنوان ورمز للمؤمنـــين

    *************

    حسين ضحه من اجل يحميني

    حكي انه لو بجيت احسينــــي

    بالحشر دمعاتي لتنجينـــــــي

    روحي فدوه اتروح اله وكل البنين

    ****************

    يخاف من دمعي الذي يعاديني

    جن قنابل تقصفه من عينــــــي

    بعقلي اتحده الذي يبارينـــــي

    كل جنوني صار عن علم ويقين

    *************

    احنه عدنه هواي ناس امجننه

    بمنطق وعلم وفـــــــقه متفننه

    بحب السجاد تبقه امسودنـــه

    والله يتشرفون همه امجننين

    ************

    باللقب تتباهه بيه متشرفه

    اتجننت بحسين بعد المعرفه

    تعلمت من حبه اطباع الوفه

    بيده خط حسين درب الثائرين

    *************

    اتعلمت بجنونهه علم الفلك

    ومن كبلهه اتجننت حتى الملك

    الف هنياله بطريقه اللي سلك

    والله بس اهل الشرف بيه سالكين

    **************

    حسين مو بس دمعه يستاهل دماء

    علم المجنون ايثار وفـــــــــــــداء

    والكفل الاضــــعون علمنه الوفاء

    ضحه بدماه ويساره وباليمين
  40. بواسطة الشاعر ابو لقاء البهادلي

    بدمع الحداد **ولبس السوا د

    جئنا نعزي **** خير العبا د

    ********************

    ماننسه المصاب اللي جره اعله حسين

    ولا ولده النشـــــــــامه واخوته الطيبين

    ولا ننسه الكـــــــــفيل وكطعة الجفين

    ولا ذيجه الصحـــابه الخيره السبعين

    بدمع العيون ***** وحُزن الفؤاد

    جئنا نعزي **** خير العباد

    **************************

    نعزي بكل مصاب المصطفه واّله

    ونظل نمشي بطريقه ونتبع اقواله

    شما جار الزمن واتغيرت احواله

    تظل دمعتنه تجري ولجله هماله

    حزنٌ يدوم ** ليوم المعاد

    جئنا نعزي **** خير العباد

    ***************************

    موبس بمحرم نبجي عالمـــظلوم

    عدنه كل شهر عاشور صار اليوم

    يستاهل ابو اليمه نضحي ادموم

    ويستاهل لطمنه يســــتمر للدوم

    بدم النحور ***** وصدق الوداد

    جئنا نعزي **** خير العباد

    ***************************

    لوما حسين جان اتهدم البنيان

    وهب دمه وحياته وثبت الاركان

    وقدم للعقيده اسمى واعز قربان

    قليله بحقه والله النوح والاحزان

    حسين عظيم ***** كريم جواد

    جئنا نعزي **** خير العباد

    *************************

    مانهتم ابد وشما تكــــول النــاس

    يظل هذا اللطم مادام عدنــه انفاس

    وبس العنده فطره ويملك الاحساس

    يلطم بالحزن لحســــين والعباس

    رغم الزمان ***** واهل العناد

    جئنا نعزي **** خير العباد

    ************************

    رغم اهل الظلم والجور والارهاب

    نظل طول الوكت نحيي بحزن المصاب

    ودمع العين لبو اليمه يظل سجاب

    انولدت هالمحبه واحنه بالاصلاب

    كل النفوس ***** وكل البلاد

    جئنا نعزي **** خير العباد
  41. بواسطة الشاعر ابو لقاء البهادلي

    اه يحسين ومصابه

    ××××

    هالمستهل من الطفوله اعـــشـــكته

    بالام واحزان ودموعي اكـــتبــــــته

    خطيته وبلب الحشه طبـــــــــعته

    رادوني اعوفه اهل البـدع ماعفته

    نبقه خدم طول العمر واحـــــبابه

    *******************

    هالمستهل من اجله انه الـــضحيت

    عايش يظل وسط الدمه شما ظليت

    عاشك اله وبكل كـــــــياني حبيت

    الله يرحمه الشاعر الكال الـــــبيت

    انخه الحسين ايسجله وسط اكتابه

    ********************

    بها المستهل تبده المئاتم باحــــــزان

    مثل القصيده اللي بقت بالاذهــــــان

    يبقه الحسين بكل ضـــــمير اوجدان

    رددهه ياسين الرميثي بايمــــــــــان

    واسمه صبح ويه الخدم باخطابـــــه

    *********************

    ينادي دمعنه والشعر والاقلام

    يحسين باسمك رفرفت هالاعلام

    يبقه الحزن والنوح طول الايام

    بهالمستهل حاربنه بيه الظلام

    وذلينه فكر الناصبي وارهابه

    ××××

    ما ينسي يوم الطفوف وعاشور

    وما تنسي جفوف الكمر والمنحور

    كل العمر لجل العقيده منــــــــذور

    لحسين وبهاذي الدمه نصبح سور

    والعله تشفه من تشم اترابه

    ××××

    الباري خلق هالفطره والحُب لحسين

    جي هو ثبت بالدمه ســــــــــر الدين

    والفطره تنــــــــــعرف بيهه الموالين

    تملكهه اصحــــــــاب الشهامه الطيبين

    وما عنده فطره الما بجه اعله مصابه
  42. بواسطة الشاعر ابو لقاء البهادلي

    اويلاه يسيدي

    ****************

    كل شيعتك متالمه ** تبجي وتواسي فاطمه

    ***********

    الانصار كلهه تقدمت **** لجل العقيده تذبحت

    بوسام عز توشحت ***** بالفخر كلهه موسمه

    ***************

    الاكبر شبيه المصطفه *** نور وكمال ومعرفه

    نوره وشبابه هالطفه **** دارت عليه الظلمه

    ****************

    جسام ما تم حنته *** للحرب صارت زفته

    امه بنياحه ودعته *** صارت الزفه بالدمه

    *******************

    عباس طبرو هامته *** كطعو يمينه ويسرته

    واسهام صابت جربته *** ياريت عيني بالعمه

    ***********

    عبدالله كطعو منحره*** بعده رضيع وما دره

    ياذنب من عنده جره***رمله من امه احرمه

    *************

    عانيت لوعات وشكه *** ولانصير اللي بكه

    كلبك غربتك تحركه *** والدنيه صارت مظلمه

    **************

    وحدك صفيت بنص غرب *** وسهم المثلث بالكلب

    والدمه من ظهرك تصب *** واعضاك كلهه ملجمه

    *****************

    والشمر بالباري كفر*** نفذ الامر اللي صدر

    والسيف حطه اعله النحر*** كلب العقيله يهضمه

    *****************

    بالحقد حضر حربته *** نحر المقدس طعنته

    واثنعش ضربع ضربته *** الاملاك ناحت بالسمه

    **************

    انذال سلبو عمتك *** وهدوم منك سلبتك

    والخيل وسفه السحكتك *** صدرك اضلوعه امهشمــــه
  43. بواسطة الشاعر ابو لقاء البهادلي

    حسين نهج الباري والحق المبين

    وين مثلك كلي نلكه ياحسين

    **************

    أنت قران ونزف في كربله

    والسور دم الكفيل يمثله

    والصحابه آيات دمهه محمله

    وانته مناج ودرس للعارفين

    ***************

    انت خامس نور من اهل الكساء

    وانت ابن سيد البشر والانبياء

    مطرت ادموم بمصابك هالسماء

    والعرش لجلك يبو اليمه حزين

    ****************

    حزو النحر المقدس بالسيوف

    ونزلت املاك السمه يمك تطوف

    عين تنظر ليك عين اعله الجفوف

    وزرعت بطف كربله نوح وحنين

    ****************

    داست اعليك بحوافرها الخيول

    وكسرو ضلعك مثل زهره البتول

    رادو تضيع الرساله لو تزول

    وخابت اهداف وظنون الظالمين

    *********************

    نقسم بدمك يقران الجليل

    ونقسم بدم الصحابه والكفيل

    نبقه نمشي بها لدرب لاما نميل

    ونبقه خدام بشرف للطاهرين

    **************

    نقسم بضلع البتول الطاهره

    والعقيله اللي خذوهه ميسره

    احنه ماهمنه نزفنه اللي جره

    وماتخوفنه سيوف الناصبين

    *************

    انت مصباح العقيده والهده

    كلنه لجلك سيدي نصبح فده

    وابد مانخشه النواصب والعده

    بحبك وحب الكفيل محزمين
  44. بواسطة الشاعر ابو لقاء البهادلي

    قصيدة للاربعين

    طلعنه بغيره مشايه *** نظل لحسين وفايه

    كتبناهه

    بهاذي الاربعينيه*** كل احنه فدائيه

    نوينــــــــــاهه

    صفوف اتشد الاصفوف *** نكصد لارض الاطفوف

    كصدناهه

    *******************************

    ملايين البشر تزحف *** كلهه اتوجهت للطف *** للمحبوب تتلهف

    يحــــسين بضمايرنه *** تهتف كل حناجرنه *** نضحيلك مناحرنه

    توادعنه اويه اهالينه ** نوينه انزور غالينه ** رفعنه الرايه بيدينه

    رفعناهه

    تبقه عاليه ترفرف *** لجلك هالدمه تنزف *** كتبناهه

    بحبك يزهي ساريهه *** حروفك الاربعه بيهه *** كتبناهه

    متخوفنه الاسيوف *** نكصد لارض الاطفوف *** كصدناهه

    **************

    وحك عباس ميهمنه *** كل واحد يكفرنه *** عن دربه ميمنـــــعنه

    تبقه هالدهه تجري *** خلي المادره يدري *** عندي ارخص ثمن نحري

    لجلك ما افك حزني *** وابد مابطله الوني *** بالميعاد ينقذني

    عرفنـاهه

    كل دمعه اللي نجيهه *** بحبه ولجله نجريهه *** كتبناهه

    نفدي كلشي للمحبوب *** من دمنه العهد مكتوب *** كتبناهه

    نوصل لو نجي ازحوف *** نكصد لارض الاطفوف *** كصدناهه

    *******************

    نقسم ياابو الاكبر *** بالعباس والمنحر *** والراس الذي اطبر

    نصبح حرب وي حربك *** مانتخله عن حبك *** مانترك ابد دربك

    انته اللي توحدنه *** بتربة كربله تلمنه ** وبالخدمه تشرفنه

    ونتباهه

    انته الغايه والمكصد *** عن نهجك فلا نرتد *** كتبناهه

    الحاضر ويه ماضينه *** بالدم لوحه خطينه *** كتبناهه

    ننطي المال وجفوف *** نكصد لارض الاطفوف *** كصدناهه

    *****************

    ابد منهاب عدوانه *** لجله نضحي بدمانه *** المهدي حاضر اويانه

    ماننساهه ايامه *** نبقه دوم خدامه *** بحبه نرفع الهامه

    خليهم يفجرونه *** والله مايمنعونه *** نذلهم مايذلونه

    هتفناهه

    منهاب الوهابيه *** عبارتنه الحسينيه *** كتبناهه

    رغم اللي يعادينه *** ابد ماننسه والينه *** كتبناهه

    ألوف التزحف أألوف *** نكصد لارض الاطفوف *** كصدناهه

    ****************

    نبقه لاربعين حسين *** دوم احنه نظل ماشين *** نقسم عالعهد باقين

    نظل للدوم زواره *** نطب الحضره خطاره *** نهيم بروعة انواره

    نذل االروح يم كبره **نلطم نسجب العبره ** اويانه حضرت الزهره

    دريناهه

    بعين العقل شفناهه *** اهلا بيج كلناهه *** كتبناهه

    هاذي الرايه مولاتي *** تحمل كل موالاتي *** كتبناهه

    جينه اوياكم انطوف *** نكصد لارض الاطفوف *** كصدناهه

    ***************
  45. بواسطة الشاعر ابو لقاء البهادلي

    رفرف علمنه ** يجريله دمنه

    *******************

    احنه لوما حسين جا عشنه بمذله

    نبقه نمشي بهالدرب لا ما نبدله

    الموت من اجل الكرامه بدربه يحله

    والله عدنه اعظم شرف لو متنه لجله

    ثابت قسمنه ** يجريله دمنه

    ***********

    حبه صارلنه الوسيله ونهجــه غايه

    دمه ثبت منهــــــج الحق والولايــــه

    بفكره نتحده النـــــواصب والمـــنايه

    ندري دربه ومنهجه تصونه الدمايه

    تحميه هممنه ** يجريله دمنه

    *************************

    يبقه عالي بمنهـــــــــجه يرفرف لوانه

    موجديده لو غدر ســـــــــــــــالت دمانه

    يشهد التــــــــــــــاريخ ألنه وكل زمانه

    يموت شيعي يصير الف شيعي بمكانه

    سلمه سلمنه ***** يجريله دمنه

    *********************

    هدف عنده حسين من ثار بثورته

    يريد من كل البشر تمشـي بفكرته

    ترفع بوجه الظـــــلم با لعز كلمته

    وتاخذ ادروس الفخر من دم صُـــحُبته

    منه شيمنه ***** يجريله دمنه

    ************************

    بثورته اهداف وعبــر كلش عظيمه

    الناس كلهه ايريدهـــه حره وكريمه

    وترفض الطاغوت ويه اهل الجريمه

    وابد ما ترضه المذله ولا ظلــــــيمه

    منبع قيمنه ***** يجريله دمنه

    ************************

    حسين دون بيده منهاج الشـــــهامه

    واحنه من الطف احذنه اعظم علامه

    المات يعدل لو كظــــه لجل الكرامه

    ايصير شاهد عالظلم يوم القيامـــــه

    ماشح عزمنه ***** يجريله دمنه

    ***********************

    احنه نتشرف روافـــض جعفريه

    نبقه نتحده الظــــــلم والنا صبيه

    وابد ما نتــــرك طريق الغاضريه

    حتى لو كل خطوه نلكاهه المنيه

    تهتف زلمنه **** يجريله دمنه

    *********************
  46. بواسطة الشاعر ابو لقاء البهادلي

    خلي المايبجي ومايحزن **خل يسمع شنكول

    خسران الميحب ويعشك ** غير الذل مينول

    خل يتعلم ** والمايفهم ** غير الذل مينول

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    يحسين تدري بشيعتك ** ماتنسه يوم امصابك

    باحزان وبونه ودمع** تحضر تقبل اعتابك

    نورك ابد ماينطفي ** وعطرك نشمه ابابك

    فاز الذي بحبك حضه ** واسمه يدونه اكتابك

    حبينه العالم من حبك ** يالمالك تفسير

    نقسم عنك مانتخله ** والي ايصير يصير

    الضدك يندم ** والمايفهم ** غير الذل مينول

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    انته الهوه ياسيدي ** والعطرمثل القــــداح

    انته الطبيب اويه الدوه ** والروح يمك ترتاح

    شنهي الدمع شنهي اللطم ** تستاهل انته الارواح

    باسمك تنادي هالدمه ** لو ذبح بينه الذباح

    يحسين شما صار ويجري** نقسم ماننساك

    لعيونك يرخص كل غالي ** ونظل دوم اوياك

    لاما نهتم ** والمايفهم ** غير الذل مينول

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    لوما تفجر ثورتك ** سور النبي يتهدم

    للغيره واركان الشرف ** دونت اعظم معجم

    تاريخ انته ومدرسه ** ونار اميه توج بالخيم

    المامشه بدربك سيدي ** طول العمر يتندم

    لوما دم المنحر ينزف ** مايثبت هالدين

    ثبت الحق ودستوره ** من دمك يحسين

    بحبك نسلم ** والمايفهم ** غير الذل مينول

    ****************

    نورك ابد ماينطفي ** ماخمد يبقه وهاج

    حريه بالدم سجلت ** دونت اعظم منهاج

    مايوم تحتاج البشر ** احنه اللي الك نحتاج

    تتباهه بالخدمه الخدم ** والخدمه لليخدم تاج

    من غيرك هالدنيه اشتسوه ** ماتسوه الايام

    بنورك يابو اليمه اتلالي ** واترف الاعلام

    بحبك نشـــــــــتم ** والمايفهم ** غير الذل مينول

    *******************

    قران انته والسور ** مخزونه بيك الاسرار

    ثار الله يحسين اصبحت ** والمهدي يختص بالثار

    اتعاهدنه وياك بعهد ** للموت نبقه زوار

    الانصار بالطف لو كظو ** شيعتك هاليوم انصار

    لو تتلتم عدوانك كلهه ** نقسم لا منهاب

    بحبك كل احنه اتسلحنه ** مانهتم لارهاب

    لجلك هالدم ** والمايفهم ** غير الذل مينول

    **********************

    كل جرح عدنه ينسي ** وماتنسي ايامك

    نصبحلك اسيوف ودرع ** بالغيره احنه اقلامك

    نكتبلك اشعار بحزن ** ونذكر بلوعه ايتامك

    نتمنه بالخدمه نظل ** طول العمر خدامك

    انحقق اهداف بهالخدمه ** ونسجل عنوان

    عنوان اينادي لولاكم ** مايبقه الايمان

    ننصب ماتم ** والمايفهم ** غير الذل مينول

    ***************
  47. بواسطة الشاعر ابو لقاء البهادلي

    خدامك يابو اليمه ** بروح ودمه نفداك

    للخدمه الحسينيه ** كل احنه فدائيه

    بروح ودمه نفداك

    *****************

    انته الكلت كلا ولا للـــــــــطغيان

    ويوم اطلعت لا مفسد ولا بطران

    طالبت بالحق والعدل والاحـسان

    لولاك لا دين البقه ولا قــــــران

    والهالسبب خدامك ** ما تمل من ذكراك

    يالثورتك دينيه ** للحق وللحريه

    بروح ودمه نفداك

    ********************

    كلشي التملكه للشـــــرع قدمته

    ودين النبي بأطهر دمـــــه ثبته

    ونحر المقدس للجليل انـــذرته

    ومحد تحده الطاغيه بــس انته

    يرخصلك كل الغالي ** يرخص لجل عيناك

    متخوفنه عدوانك ** يحسين احنه قربانك

    بروح ودمه نفداك

    *********************

    هالخدمه مو بس بالاسم والصوره

    نرويهه من نهر الدمه المــنحوره

    وصوت الدمه خل العده مذعوره

    وكفاتنه بسوح الشرف مشهوره

    شما صار وبعد يجري ** لا والله ما ننساك

    يامه ويامه فجرونه ** ما كدرو يلاوونه

    بروح ودمه نفداك

    **************************

    بالخدمه كل هاذي الخـــدم تتباهه

    تاج بخــــــدمتك سيدي البسناهه

    والروح لجـــلك والدمه انذرناهه

    وكل العده بهـــــالخدمه نتحداهه

    نقسم ما ننسه مصابك ** طول العمر وياك

    من حبك ما نتخله ** والموت بحبك يحله

    بروح ودمه نفداك

    **************************

    عدنه عهد ما ننسه يوم امصابك

    وما ننسه عباس الوفي واحبابك

    نتمنه هالخدمه تصـــــــير ابابك

    وكل ساعه نشتمه ونقبل اعتابك

    دنيه واخره شتسوه ** ما تسوه بلياك

    يحسين بضمانرنه ** تهتف كل حناجرنه

    بروح ودمه نفداك

    ***********************

    انته الوسيله والشــــرف والغايه

    ما ترتفع لوما دماــــــــــك الرايه

    نبقه بطريقك سيدي مـــــــشايه

    ونبقه العهدنه بالدمه وفـــــــايه

    رغم الناصب واعوانه ** نبقه نمشي بممشاك

    نتحده هالعادونه ** فنهم مره يلاكونه

    بروح ودمه نفداك
  48. بواسطة الشاعر ابو لقاء البهادلي

    تظل يحسين ** شريعه ودين

    علم مرفوع ** يضوي شموع

    شهيد العدنه ابد مامات

    **************

    ال اميه ودسايسهم ** رادو كل ذكرك يمحون

    مافلحو والله وما كدرو ** ظلو بالدين يطعنون

    والحكم العباسي وجوره ** راد الزوار يمتنعون

    كل يوم يصدرون الامر ** مال وذهب يجمعون

    من شــــافوا زوارك ** كامو الجفوف يكطعون

    هالظلام ** والحكام

    ميعرفون ** مايدرون

    شهيد العدنه ابد مامات

    *********************

    والحكم العثماني حاول ** يصدر فتوه باسم الدين

    كالو بدعه ومو بالسنه ** ميجوز زيارة الحـــسين

    اشكد فتشنه اشكد قرينه ** بالكتب دققنــــــه زين

    اعرفنه الواجب احنه نزوك ** يبن سيــــــــــد الكونين

    ظلم ميدوم ** يزول بيوم

    شهد قران ** على العنوان

    شهيد العدنه ابد مامات

    ***************

    هدام وجوره اشكد ** واستخدم احدث اعـــــدام

    حزبه المجرم منهج فاسد ** ويتسمه باسم الاسلام

    كلها التمت ضد خدامك ** لمو كل جور الظــــــلام

    عنك كل ظنهم نتخله ** ومن حيدر علي الضرغام

    كربلاء تشهد موقفنه ** وهم تشهد ظلـــــــــــــم هدام

    صمدنه بزود ** دماء انجود

    نضحي انفاس ** رفعنه الراس

    شهيد العدنه ابد مامات

    ***************

    جم ظالم حاول يمنعنه ** من يوم الطف الهاليوم

    شيعتكم ثابت موقفهه ** تــــعرف كل طاغي ميدوم

    عن دربك لا مانتزحزح ** حبك بالكلب مختـــــــــــــــوم

    ندري بعدوانك غداره ** ونـــــــدري بكل درب ملغوم

    زوارك ظلت تمشيلك ** كل عــــــــام وشهر كل يوم

    نظل زوار ** ندوس اخطار

    زحفنه ازحوف ** لارض الطفوف

    شهيد العدنه ابد مامات

    *************

    وحدو موقفكم ياشيعه ** انتم للعــــــالم عنوان

    ياشيعه والله بوحدتنه ** بيهه نحارب كل طغيان

    واريتنه ترفرف منصوره ** وبيهه انكمل هالبنيان

    خل نحضـــــرله المهدينه ** بالعــــــمل ويه الايمان

    بيرغكم لا ميـطخ راسه ** وهذا لاصار ولاكان

    نظل نصيح ** ابد ميطيح

    ترف اعلام ** رفعنه الهام

    شهيد العدنه ابد مامات
  49. بواسطة الشاعر ابو لقاء البهادلي

    يبقى دوما حسينيٌ ولائي

    *********

    ياحسين العز ياسبط محمد

    فيك قران الجليل قد تجـــسد

    في الطـــــــفوف علي يتجدد

    انت رمزُ الشـــــموخُ والاباء

    ***************

    صوتك قد كسر كل القيود

    ومنحت الدين سرا للوجود

    ووصلت الى اقصى الحدود

    ذلك الصوت تجلى في ندائي

    ********************

    انت سور حصــــين لبلادي

    صار نبض يدق في فــؤادي

    لاابالي أنــــــــــا غدر الاعـادي

    لـــك روحـــي فداء ودمـــائي

    **************

    انت ديني ونهجي وهيامي

    فيك يحلو حديثي وكلامي

    نأتي زحفا الـــيك ياامامي

    نحن منك تعلمنــا الوفـــــاء

    ***********

    انت نور وسما وســط النفوس

    اعطى للعالم أشرف الدروس

    يومك أصبح أطهر الطـــقوس

    انت شمسٌ تنير في سمــــائي

    **********

    بشموخ قد تحديت الســــــيوف

    وزرعت الدم دمعا في الطفوف

    وسحقت به كــــــــــل الصفوف

    وتحديت المنـــــــــون والقضاء

    ******************

    نحن خداما خلقنا للحســــــين

    تربة منه وساما في الجبيـــــن

    تبقى تبكي عليه كل عـــــــــــين

    وصنعت سلاحـــــــــــا من بكائي

    **********************

    نحن فيك تحدينا الطغـــــــــاة

    ونذرنا لك سر الـــــــــــحياة

    فيك نحيا وفيـــــــــــك الممات

    نحن مشروعا رسمنا للفدائي

    ***************
  50. بواسطة الشاعر ابو لقاء البهادلي

    ميمر

    ابن الرضه تعرفوني ** ياشيعة حامي الجار

    ادري امصابي تذكرونه ** بحبنه هالدم تجرونه

    ياشيعة حامي الجار

    *********

    ال الرسول اتحملت كثره الام

    شافت مئاسي وجور من الظلام

    عادتهه ناس التنحسب عالاسلام

    رادو عقيدتنه بظلمهم تنضام

    عابد زاهد شافوني ** سجداتي ليل انهار

    ماانسه الطف والامه ** واحزانه وذيجه ايامه

    ياشيعة حامي الجار

    **********

    حاربني فكر الطــــــــــــــــاغيه العباسي

    شيبلي من صــــــــغري الكلب وي راسي

    عني بعيده احبابي واهلي وناسي

    يجري الحزن ياشــــــــــــــيعتي بانفاسي

    اّبائي اللي شرفوني ** بالصبر والايثار

    علموني اصير علموني ** بدين الهادي وصوني

    ياشيعة حامي الجار

    ***********

    ماانسه ابد ضلع ومصاب الزهره

    بنوح اذكر مصاب الضلع والسطره

    ويوم الطفوف اصبخ عليه جمره

    ابجي عله اجدادي بالم وبحسره

    بجود وعصمه يوصفوني ** وارثهه امن المختار

    للباري اشكي همومي ** انطرساعاتي ويومي

    ياشيعة حامي الجار

    ***********

    بالغربه روحي معذبه ومالومه

    تذكر عقيلة هاشم المظلومه

    من كثر وني مهجتي ملجومه

    واتذكر ابائي الكظت مسمومه

    ادري ماتعوفني ** رغم الجره الصار

    ظليت اخنك حسراتي ** بصدري تلهب جمراتي

    ياشيعة حامي الجار

    ************

    مأمونهم ذاكه النــــذل مو مأمون

    وارث صفات اهل الغدر من هارون

    ظنهم اذا سموني هُمه يربحون

    حي انّه باقي عدواني اليموتون

    حتى لو يدفنوني ** ماتطفه هالانوار

    واسو الزهره اواسوني ** ادريكم ماتنسوني

    ياشيعة حامي الجار

    ***********

    ظلو بدربكم لا تهابون ارهاب

    غصبن عله كلمن يعادي ونصاب

    احيو امرنه لو تُمر ذكره امصاب

    لا توكف بذكر المصيبه الاسباب

    اعلم زين توافوني ** ادريكم يالانصار

    من يظهر مهدي الأُمه ** بسيفه يكشف الغُمه

    ياشيعة حامي الجار

    *************
  51. بواسطة الشاعر ابو لقاء البهادلي

    تجليبه

    اجينه بالدمع والاه والحسره** لمصاب الجواد انجدد الذكره

    مظلوم يبن الرضه ** مسموم يبن الرضه

    ***********

    ورث علم النبي كله واخذ اسمه

    اخذ صبر الوصي باّلامه وبحلمه

    حارت كل بني العباس من علمه

    عليه صبت حقدهه وكثرت همه

    وبكل الوسايل رادت اتغدره

    مظلوم يبن الرضه ** مسموم يبن الرضه

    ************

    استلم امر الامامه وعمره سبع اسنين

    مشه بنهج الصميده ومنهج الحسنين

    رغم كل النواصب والظلم والبيـــــــــن

    حافظ عالعقيده وصــــــــان امر الدين

    ظل خالد يشع طــــول الزمن ذكره

    مظلوم يبن الرضه ** مسموم يبن الرضه

    **********

    عانه امن الهضم والونه والاحزان

    تمسك بالشريعه ومنهــــج القران

    حمل ذاكه الظلم كله بصبر وايمان

    تصده للرذيله وحارب الطغيان

    وبصدره الشريف مكسره عبره

    مظلوم يبن الرضه ** مسموم يبن الرضه

    ***********

    اهل الغيره بايمان وعقل تبعوه

    عله جوده جواد بهاللقب لقبوه

    اصحاب الرذيله بالحقد عادوه

    بعد كل المصايب والظلم سموه

    ظنو يطفه نوره وينتهي وطره

    مظلوم يبن الرضه ** مسموم يبن الرضه

    **********
  52. بواسطة الشاعر ابو لقاء البهادلي

    علم ويقين ** عصمه اويه دين

    ابن الرضه السلطان ** خلص حياته احزان

    ************

    طبع الجواد ابن الرضه ** بالقدر قانع والقضه

    بالذل ابد لا مارضه ** باجداده عنده موعظه

    صوت السيوف ** يوم الطفوف

    متذبّحه الخلان ** خلص حياته احزان

    **********

    من صغره عاش بمعضله ** محد بكاله من هله

    وحداني ماواحد أله ** تسري بكيانه كربله

    عمره الشريف **نوح ونزيف

    وتحاربه العدوان ** خلص حياته احزان

    **********

    عاصر حكومه ظالمه ** زمره خبيثه ومجرمه

    يعادون امه فاطمه ** والوصي حماي الحمه

    كبل المصاب ** عاش بعذاب

    لا اهل لا خوان ** خلص حياته احزان

    ***********

    جوده ابد ماله مثل ** والغيره من راعي الفضل

    حيرهه عدوانه بعقل ** من الصبر لا مايمل

    بغيره وثبات ** ذل الطغاة

    والجود اله تيجان ** خلص حياته احزان

    *************

    يشبه علينه بطلعته ** الحوراء صارت دمعته

    ياوسفه طفو شمعته ** ظلام بالسم لسعته

    يدري المصير ** حتما يصير

    علمه صبح نيشان ** خلص حياته احزان

    **********

    باحقاد كطعو زهرته ** والهادي تجري عبرته

    مايوم تطفه جمرته ** ياشيعه واسو عترته

    نبجي ونزور ** نوفي النذور

    هالروح اله قربان ** خلص حياته احزان

    ***********
  53. بواسطة الشاعر ابو لقاء البهادلي

    حــــــــــــــدي

    أويــــــــــلاه يبن الرضــــــــه

    ياوارث أعلوم الوصي

    أنته الزكي وأنت النقي

    وأنته الرضي وأنت التقي

    بصبرك شبيه المرتضه

    **************

    ياحامل أوصاف النبي

    انتم طريقي ومذهبي

    بيكم أحقـــــق مطلبي

    بالحاضر وكل المضه

    **************

    ربنه بمودتكم أمر

    الوالاكم بعزه ظُفر

    القران يذكر هالخير

    واجب علينه أفرضه

    **************

    مثل الصميده بحكمتك

    وجود الحسن وي جلمتك

    وحسين كله بهمتك

    وطفوفه صارن موعظه

    **************

    اداب انته وفلسفه

    عصمه وكرامه ومعرفه

    نورك يظنون طفه

    ظل نورك بوسط الفضه

    **************

    جودك علامه والصبر

    للدين ضحيت العـــمر

    كل عمل دوم وكل أمر

    للباري انته تفوضه

    **************

    من صغرك أنته تعذبت

    عانيت يامه تحمــــلت

    رادو تطيح وماطــــحت

    قانع وراضي بالقضه

    **************

    أهل الخلافه والفـــتن

    عادوك همه والزمن

    وتحملت كل المحن

    عمرك غدر بالسم كظه

    **************

    جينه نطوف بحضرتك

    انهل المع وي عبرتك

    وسفه النواصب غدرتك

    نفتخر أحنه رافضه

    **************
  54. بواسطة الشاعر ابو لقاء البهادلي

    تجليبه



    بمصابك يالجواد الليــــــــله حزنانين

    نعزي المصطفه وكل عترة الطـــيبين

    ***************

    ياعصمه وكرامه وتاسع الانوار

    ياشبه المسيح ويانسل الاطهار

    علمك معجزه يبن النبي المختار

    موعجبه العلم جي جدك الكرار

    صغير وفندت كل بُدعة الفجار

    وحاربت الرذيله وفندت الافكار

    صنت سر العقيده وحافظت عالدين

    *************

    الامام التاسع الباري الذي اختارك

    من جدك ورثت العصمه واسرارك

    حيرت العقول بمنهج افــــــــكارك

    شعت عالبشر يبن الرضه انوارك

    جواد وماتر فد يوم خطـــــــــــــارك

    تظل شيـــــــــعة علي للدوم زوارك

    نبقه يالجواد بهالدرب ماشيــــــن

    ************

    بني العباس كامو منك يــــخافون

    يخافون الكراسي اطيح ويطيحون

    من شافو عليك الناس يتلهفون

    اعله غدرك سيدي مهتمه ويفكرون

    واسموم الغدر قدموهه بالماعون

    الكلب لجلك حزين وتهما العينين

    **********

    جا ضاع الشرع لولاكم ولـــــولاك

    عهد يبن الرضه يبقه عهدنه اوياك

    نظل نذكرك مصابك والله ماننساك

    ويظل يجري الدمع كلما تمر ذكراك

    نبقه بالشدايد سيدي ننخـــــــــاك

    جي تنطــــــيه مراده للذي يرجاك

    ماننسه مصابك لا وحق حسين

    **********

    وحك ربنه الرفع سبعه بلا عمدان

    وحك هادي البشر للنعمه والايمان

    وحك راعي اليتامه ومنبع الوجدان

    وحك نحر الحسين الي نطق قران

    نبقه بهالنهج ونصير اله قربان

    وما نخشه النواصب كلهه والعدوان

    بنهج المرتضه للدوم متمسكين

    ******
  55. بواسطة الشاعر ابو لقاء البهادلي

    موشــــــــــــح

    ياجواد اليمه يبن الطاهرين

    بالدمع نحيي مصابك وبأنين

    **************

    انته صرتلنه دروس وموعظه

    وهاك أخذ هذا العهد يبن الرضه

    هالعهد من دم تكتبه الرافضه

    نبقه نمشي بهالدرب لا مانلين

    *********

    اليوم كل صادق محب يلبس سواد

    بالحزن يتعــــــــنه يم باب المراد

    بحزنه يتعنه ودمعته للجــــــــواد

    يلعن المأمون واهله المجرمين

    ***********

    ياجواد اليمه ياتاسع أمام

    أنته منبع للفضيله والسلام

    ياكريم أنته وابن خير الكرام

    أنته درب الموعظه للصابرين

    **************

    أنته من أطهر نسب وأشرف أصول

    صبرك وهذا الحلــــــم من الرسول

    أحتارت بعلمك يمولانه العقول

    وحطمت بالجود كل الظالمين

    **************

    عد بني العباس ميت كل ضمير

    رادو يحرجوك كل ظنهم صغير

    وبسؤاله القاضي بس رادك تحير

    والجواب أصبح زلازل باليقين

    **************

    همه من أجل الكراسي عذبوك

    خافو أعليهه تطيح وحاربوك

    بالظلم والجور يامه ناصبوك

    بصبرك أنداست أنوف الحاقدين

    **************

    عيونهم نار وحسد صوبك تصد

    قدمولك بالغــــــــــدر سم الحقد

    جبدك الطاهر حساـــــفه ينمرد

    والملك لجلك يهل دمعه وحزين

    **************

    اليوم كل شيعة علي تحيي المصاب

    تدري بأحـــــياء الأمر أجر وثواب

    نوركم يبــــن الرضه مامره غاب

    نشوفه دوم بحضرتك يزهي بحنين

    **************

    صرخه تبقه سيدي بوجه الطغاة

    حاربت فكرالرذيــــــــله والعُتاة

    قدمت لجل العقــــــيده هالحياة

    بالعلم ذليت كل الملـــــــحدين

    **************
  56. بواسطة امل

    قصائد رائعه
    موفق اخي
    ومشكور لجهودك الرائعه
  57. بواسطة الشاعر ابو لقاء البهادلي

    الاخت الفاضله امل

    شكرا على المرور والتواجد
  58. بواسطة Rain

    كلمات رائعه تستحق كل التقدير
    سلمت يداك
    تحياتي
  59. بواسطة الشاعر ابو لقاء البهادلي

    شكرا يا rain

    على المرور الكريم