منتديات نبع الفرات

تمت ارشفة منتديات نبع الفرات

المشاركات من الموضوع امي عفه وشايله بشيلتها ليل ,شعر شعبي

  1. بواسطة حسين علي

    امي عفه وشايله بشيلتها ليل ,شعر شعبي




    امي عفه وشايله بشيلتها ليل
    امي
    ما تعرف مذله .....وكاعده بحيدر دخيل
    امي
    يا شجرة حضنها اينكط بعفه وترافه
    امي
    بت شيوخ امي الما دنت يم السخافه
    امي
    يا بيرغ عشيره وبالحجي تعادل صحافه
    امي
    ما خافت ابنادم
    امي بس الله التخافه


    ويا سلام الله اعلديها
    شايله بطيبتها اصابع
    اليحس موجع يجيها


    ومن انام الليل تنشد..
    دللول دللول
    بغفله انامن
    جنه كاروك بحجيها


    امي
    يا بيبان الله وينقبل جلمة دعاها
    امي لوصلت تصلي القبله هم توكف وراها
    امي يا شيمة شرفها اللايذه (بزينب) عباها


    امي لو ضاجت نغنتب
    جنها دنيا وكاطعه الدنيا بهواها


    امي بس الساتر الله
    لو دعت عل ما يجيها
    توكف بحيل اليتيمه وللسمه ترفع اديها
    ربي ما عندي انه غيرك ياهو يسوه وشتكيله
    ربي كون ( فلان ) طيب ما كو دغشات بشليله
    ربي اذب شيله وعباتي لو عفت روحه بعليله


    ربي ما ريد انه جنه
    انه بس روحي اتمنه
    تجمع الخل بخليله


    هذا طبع امي بدعاهه


    امي جنه وكلها رحمه ما دنت ساعه لدناها
    امي لو ردت انه اوصف
    جان جبت الكون كله ( ويوصف بدوسة ثراها)


    امي ايه انكتبت بحيطان كلبي
    امي ماكو ابنادم يصيح قراها
    امي موش هواي امي
    اربع حروف بلفضها
    شكد تريد شكد تعيد... وجيب كلشي وياك عندك
    والله ما تكدر حفضها
    ولا كدر واحد حواها
  2. بواسطة Fantasy

    الله الله

    يارب يحفظ امك خيوو
    ويحفظ جميع الامهات
  3. بواسطة امل

    الله يحفظ امهاتنا
    شكر اخي ع النقل الرائع