منتديات نبع الفرات

تمت ارشفة منتديات نبع الفرات

المشاركات من الموضوع إجيت أكتب قصيدة والقلب مكسور

  1. بواسطة مـيـــلاد

    [صورة]





    إجيت أكتب قصيدة والقلب مكسور

    من شلت القلم دمعاتي بعيوني

    إجه وقت الزيارة وإسمي مو مكتوب

    معقولة الاحبهم مايريدوني؟

    أنه الخادم لخدامك يبو الأحرار

    يعني ويه الخدم لازم تكتبوني

    مو منه وأمنها المنة لك مولاي

    خدمتكم شرف وعليها ربوني

    بس تعودت كل مرة يا مولاي

    إشما اطلب طلب بالحال تنطوني

    شما تقسى الظروف شما تزيد أخطار

    اشما زاد الذبح واشما يمنعوني

    أريد أتعني ماشي الحضرتك يحسين

    حافي وشايل همومي على متوني

    وأشرب بالمضايف (جاي أبو السجاد)

    واحس بالجنة قاعد من يضيفوني

    ماشي شما يطلبوا السيطرة مسرور

    براحتكم أقِلهم من يفتشوني

    موالي الهوية وجاي أزور حسين

    أحييهم قبل ما هم يحييوني

    بدون زيارتك ماريده عمري يطول

    يبو السجاد بالحسرة تخلوني!!

    إذا ما أنكتب زاير إلك هالعام

    وحق الزهرة أهون لو يدفنوني

    عاين حالتي إمن الصبح لليل

    من كثر البچه متورمه جفوني

    أبجي من اسمع الملا جليل يقول

    ((يزوار الحسين وياكم اخذوني))


    اللهم اجعلنا من زوار أبا عبد لله الحسين عليه السلام


    [صورة]