منتديات نبع الفرات

تمت ارشفة منتديات نبع الفرات

المشاركات من الموضوع اشعار شعبيه

  1. بواسطة حسين علي

    شاعر لاتصير وتحجي بالأمجاد
    صير إنسان يللة إتصير شاعر
    تكتب بالغزل وإتسمعة للناس
    وأنت بلا كلب وبلا مشاعر
    لاتكتب قصيدة تواسي الجروح
    ...وأنت بجرح كلبي صرت ماهر
    ولاتحجي بعد عالحب والاشواك
    و بكد مابعتني صرت تاجر
    لا تلزم قلم وتوصف الفراك
    أصلا بالهجر صرت أنت شاطر
    صير إنسان لاتعذب اليحبوك




    وفكر من بعدها تصير شاعر




    سميتك حبيبي والناس ماسموك
    من ظلمك ألي سموك سجاني
    حبك بالكلب من الصغر موجود
    ... أحسه مو عشك مخلوق رباني
    من طحت شلتك ماضحكت اعليك
    انطيتك دمع عيني و ماكلت بجاني
    مثل وردة وغصن متعلك اني وياك
    لو ذبلت ورودك لاتضن تنساني
    أتغيب ايام وين انت عني اتروح
    انتظرك ترد واتلكاك بحضاني
    يعني آني أحبك وانت ماحبيت
    لوجنت بحلم وي شخص ثاني



    شبلاهة عيوني تعشگ دون متشوف
    و شجاني تعلقت بالـ ما اعرفه
    غريب احساسي بيك تولعت ليش
    شعور بداخلي ما بيه--- اوصفه
    الگلب يهواك عاشگ حد الخبال
    بس عقلي عنيد يگلي اصرفه
    و دخت ما بين عقلي و گلبي --محتار
    شيقنع الگلب و العقل ما يصفه
    احلامي بريئه و جنهن اطفال
    على ذراع الخيال شلون تغفه؟


    شجاك ارحلت عني بساع وامشيت ؟؟
    وحتى بالجــــذب ماكتلــــــي راحل
    مو حتى السفيـــنة كبل متــــــروح
    تصيح لناسها وتحــــــضن الساحل
    وحتى الشمس من تروح عالكيــف
    ماترحل غفل ترحـــــل مراحـــــــل
    ومحطات الخلك تصعــــــد قطارات
    شجاك أول محطة وصحـــــت نازل