منتديات نبع الفرات

تمت ارشفة منتديات نبع الفرات

المشاركات من الموضوع اشتعل بية الشعر

  1. بواسطة أبـ ْـو سمـ ْـرة

    اشتعل بييه الشعر من رحت حد اليوم
    وعيون القلم اشعار تبجيــــلك

    تعال وشوف وجهي من السهر متعوب
    بلا تعليق عني الصوره تحجيلك
    ***
    حمره عيوني كلش والدمع مفضوح
    وخدودي جرف يحضن دمع عيني

    واتنفس صبر والذكريات تفوح
    اشتمهن واحس انفاسي تجويني

    اتأمل ترد ..واني ادري لو رديت
    اموت وما اردلك وانت تدريني

    سباق العشره جانت واليصون يفوز
    وبالعشره ردت منك تجاريني

    ولأن اول صرت بالعشره اخذت الفوز
    وانت تعـــــمدت اول تـــــخليني

    لأنك ثاني ظهري كبال عينك صار
    وعله ظهري كمت برماح ترميني

    يوميه كبل .. نتفق ننسه الراح
    من نزعل واراضيك وتراضيني

    وهسه بعيد انت واني صرت .. الراح..
    اذن لا موغريبه تكون ناسيني

    بعد ماصير دمعه وانت طبع العين
    تفرح ..تحزن .. بكل حال تبجيني

    وبعد ماصير شاطيء وانت غدرك ماي
    وبيك الروج كل لحظه يلاكيني

    جانت ضلمه كلش ردت منك نور
    واجيت انت بصلافة النوب تعميني

    بدروبك مشيت شكد زرعت امال
    وللمامش طلع دربك يوديني

    اجيتك محرتك طفيني صحتك حيل
    غشيم اتوقعت نارك تطفيني

    مجروح شكثر وجروحي بيك اتطيب
    اموت وانت ماريدك تداويني
  2. بواسطة MiSs MeMo

    :coolspeak636:

    سلمت يداك قصيده جميلهـ جداً
  3. بواسطة أبـ ْـو سمـ ْـرة

    نورتي الموضوع بمرورك العطر تحيتي :SnipeR (64)::SnipeR (64):
  4. بواسطة priɴce-αlirαq

    [صورة]

    [صورة]
  5. بواسطة أبـ ْـو سمـ ْـرة

    شكرا الك نورت الموضوع بمرورك العطر :rose: