منتديات نبع الفرات

تمت ارشفة منتديات نبع الفرات

المشاركات من الموضوع صار سنين

  1. بواسطة أبـ ْـو سمـ ْـرة

    صار سنين صابر والگلب موجوع

    أضحك بالچذب وبروحي أحزاني

    وأگول تهون لازم كل مصيبة تهون

    أشو عد المصايب ثبت عنواني

    عشت عمري غريب وبس اداوي جروح

    ولا اذكر بشر في يوم داواني

    شسولفلك شگلك ع الجرة بدنياي

    يخلص كل حچي وماتخلص اشجاني

    أنا العايش حلم واليقظة حرگة ويل

    من يوم الولادة القهــــــر خاواني

    فاقد كل أمل إلا بوفاك وياي

    ولاغيرك يهمني ولا اريد آني

    لأن بسمة شفاتك لية صارت روح

    ولأن نظرة عيونك عندي شي ثاني

    وأحس روحي بلهفتك من تكون وياي

    وأحس بأحضانك انت الزمن يرعاني

    وأريدك بس أريدك ماتغيب هواي

    لأن والله بغيابك موتي يدناني
  2. بواسطة MiSs MeMo

    رووووووووووعه هي وناقلها
    تحياااااااااااااااااااااااتـــــــــــ.....
  3. بواسطة أبـ ْـو سمـ ْـرة

    يسلمو اختي العزيزة دومج الروعة بمشاركاتك وردودك الجميلة :SnipeR (64):
  4. بواسطة MiSs MeMo

    امممممممممم تدلل خويه :smile2542:
  5. بواسطة priɴce-αlirαq

    [صورة]

    [صورة]
  6. بواسطة أبـ ْـو سمـ ْـرة

    شكرا الك نورت الموضوع بمرورك العطر :rose: