منتديات نبع الفرات

تمت ارشفة منتديات نبع الفرات

المشاركات من الموضوع أبو ذيات جديدة 2014

  1. بواسطة يوسف الموسوي

    [صورة]

    اليوم جايبلكم ابو ذيات حلوات يارب تعجبكم

    1

    افرح لو شفت وجهك وسر بي
    وحبك ثابت بكلبي وسر بي
    شما طال الدرب امشي وسر بي
    ابعث الروح لعيونك هديه

    2

    حبك شامه بخدودي ودكه
    وحط بالكلب بسمارك ودكه
    شكم دكه شفت منك ودكه
    ورغم كل هذا احبك مو بديه



    3



    احبك حب ماينوصف وصفه
    وكلبي عليك مثل الذهب وصفه
    عليمن يكتب الدكتور وصفه
    خدك والشفايف صيدليه


    4



    اتعارك ياحلو لجلك واطك طك
    وللحساد اذب حرمل واطك طك
    افرح من تراسلني واطك طك
    واطك اصبعتين من تسال عليه


    5


    احبك واظل احبك لو دارت بيا الايام
    احبك وحبك عيشني بالاوهام
    احبك اكثر من حب سليمان لهيام
    ولجل عيونك الحرملك ياخذتحية



    6



    كلبي مافضه الغير وفض لك
    وروحي مانست طبع وفضلك
    اميزك بين الف صاحب وفضلك
    وتبقه انته الوفي والغالي عليه



    7




    طكت بينه قذارت داعش ما جربنه
    وطن غير العراق أبد ما جربنه
    من طحنه اخويه وفه ما جر بنه
    جرني وزرع وفه العباس بيه




    8


    كافي ياصبر هواي اتعبت وياي
    وكافي يادمع مو انجرحن اخدودي من قهر ودموع
    اشكال والحسره عبرت حدودي كافي ياوكت
    كبرتني سنين صرت بوكتي هذه املع ولوتي.



    9



    تدري شـــــــــــــــــوكت
    انساك يانــــــــــــــــــــــــــور
    العــــــــــيون مـــنتلكه
    اسمي هناك بلنجف مدفون

    منقول
  2. بواسطة حكايا الورد

    احبك واظل احبك لو دارت بيا الايام
    احبك وحبك عيشني بالاوهام
    احبك اكثر من حب سليمان لهيام
    ولجل عيونك الحرملك ياخذتحية

    هههههههههههههة
    عاشت الايادي اخي يوسف على هذا الاختيار ابوذيات حلوة
    وفقك الله لكل خير
    تحياتي
  3. بواسطة يوسف الموسوي

    ههههههههه

    نورتي اختي العزيزه

    شكراً على المرور الكريم
  4. بواسطة Rain

    اتعارك ياحلو لجلك واطك طك
    وللحساد اذب حرمل واطك طك
    افرح من تراسلني واطك طك
    واطك اصبعتين من تسال عليه

    ههههههههههههههههههههههههههههه كولش قويه ماادري من وين يجبون هلحجي
    شكرا خيو على الابوذيات الحلوه
  5. بواسطة ABaSs AL iRaQi

    عاش الذووق
  6. بواسطة Fantasy

    عاشت الايادي جميل جدا
  7. بواسطة احمد ابو سجاد

    شكرا على أبو ذيات جديدة حبيبي يوسف وانتظر جديدك الرائع