منتديات نبع الفرات

تمت ارشفة منتديات نبع الفرات

المشاركات من الموضوع احب اكلك

  1. بواسطة أبـ ْـو سمـ ْـرة

    خلك ماصرت لوماخليلي تصير
    وصرت خلي برضاتك جي صرت خلك
    ................
    علمتك علية من الالف للياء وتغلط
    بالاجابة واني اعـــــــــــــــــــدلك
    ...............
    حرثت لخاطرك بالروح مثل الكاع
    وبوسات و ورود كل خلكي اشتلك
    ...............
    شمعة انت بحياتي وعمري ظلمة ليل
    اشعلت روحي خفت ماشعلك اشعلك
    ..............
    خاف سنين عمرك تحترك بالشوك
    اضمنلك كمت من عمري اعزلك
    ..............
    وعليك اسودنت مو بس اغار عليك
    واحل روحي والزمك خايف تحلك
    ..............
    شلي بغيرك والكه مثلك وين
    وتتعب تلكه غيري بهل تعب شلك
    .............
    ياهو العلمك وتريد تمشي بعيد
    سل الشوك خايف باجر يسلك
    .............
    مثل ظلك جنت بلخطوة نمشي ثنين
    ومشيت انت بظلام وظيعت ظلك
    .............
    دليني عليك سنين تايه بيك
    وأمشي وياي ادورك خاطر اندلك
    .............
    عرفني اعله شخصك رايد احجي وياك
    بس كلمة وبعد ماغيرهة انكلك
    .............
    وحدة من الثنين او وحدة راح اختار
    لو اكلك احبك لو احب اكلك
    .............
    اسأل ليش احبك حته اكلك ليش
    وليش شما تسوي وياي اقبلك
    .............
    لحظة موت عمري سنيني كلهن خوف
    وبس وياك أأمن لمن اوصلك
    .............
    وانت اخر نفس وشكد عزيز اتصير
    وبلحظة الموت اتريدنه انملك
    ............
    خيط اعله الجرح باللحم صرت وياي
    لو كل الجروح اتطيب ماملك
    ............
    تعرف كلشي بيه وماعرفت اشبيك
    لغز حلك لغز من يعرف يحلك
    .............
    واشرد حته اجيك ومدري ليش الخوف
    واخاف تخاف مني بسدك اختلك
    .............
    مثل ظلك اصير والليل يكظي الليل
    ومن يطلع الصبح من طولك انزلك
  2. بواسطة بنت الرافدين

    شكرا على الشعر الرووووعه
  3. بواسطة MiSs MeMo

    خيط اعله الجرح باللحم صرت وياي
    لو كل الجروح اتطيب ماملك

    وااااااااااااااااااو كلام ولا اجمل مشكور اخي بأنتظار جديدك
  4. بواسطة أبـ ْـو سمـ ْـرة

    نورتو الموضوع بردودكم الطيبة تحيتي