منتديات نبع الفرات

تمت ارشفة منتديات نبع الفرات

المشاركات من الموضوع ناطرتك للشاعر جمعه الحلفي

  1. بواسطة قبس الليل

    ناطرتك..

    مثل ما تنطّر الورده نداها

    وانته موقطرة نده وبس

    أنته نهر الروح، تسقي الروح وتخفف ظماها

    ناطرتك..

    مثل ما تنطر القاع المطر

    روحي صبخه وانته غيمة شوق

    تتباهى بنسايمها وهواها

    أنته من ياكون اجيت

    يامجرّة مضيع سنيني بسماها

    انته عفت الناس كلها وتلوهتني

    منين اجيب سنين لشواقك،

    وانا عمري تعداها وجزاها

    انته... جمرة شوق بيدي

    مدري اذبها.. مدري اكوي سنيني بيها

    مدري اخلي العمر يتباهى بضواها

    يانبي موديك قلي؟

    تگطع صيامي وانا الحالف قسم،

    مابدّل الجنة بسواها

    ضوگتني...

    ضوگتني طعم البساتين من تفاحة آدم

    وانته تفاح البساتين وغواها

    من طراوة طولك تطول الأيام

    ومن حلاوة عشرتك يگصر مداها

    انته من تهل طواري العيد هلت،

    يا فرحها ويا طربها ويا غناها

    انته شجرة ياسمين،

    اشجاله شمام البراري يغار من نسمة هواها؟

    انته...

    انته يا مجنون دلاك عله دربي؟

    يا نبي مسودن رسملك سجتي؟

    يانهر جابك على العشبه وسگاها،

    وك روحي صبارة حزن يبن الأوادم

    وانته گطرة فرح..

    شيساگي العمر لو عطشت سنينه لصباها

    بس اگلك:

    انته مو گطرة فرح،

    انته كل الفرح

    كل الحزن

    كل الورد

    كل نجوم عمري وكل سماها.
  2. بواسطة Fantasy

    راائع اختيارك ايها القبس

    مودتي
  3. بواسطة Rain

    روووووووووووعه كلمات جميله جدااااا
    عاش ذوقك الجميل خيووو
    شكرا على جميل نقلك
    تحياتي
  4. بواسطة قبس الليل

    ليس اروع من مرورك
    جلالة الملكه
  5. بواسطة قبس الليل

    المتألقه دوما
    شكرا لك