منتديات نبع الفرات

تمت ارشفة منتديات نبع الفرات

المشاركات من الموضوع زفوها بحزنها والحنه جان دمــــوع

  1. بواسطة حسين علي

    زفوها بحزنها والحنه جان دمــــوع
    يم غيري الحبيبه واني مو يمـها
    شفت كل الهلاهل طلقه بيه تصير
    ويشعل نار كَلبـــي كلمن باركلها
    جنت اغفه و احلم يمي هي تصير
    غشني الحلم املنــــي بوصلها
    ومن فتحت عيني ماشفت غير
    حلقه بأيد غيري عقدت مهــرها
    احس كل امالي راحت بتـــوقيع
    من كالو خلص حنو ايدها وظفرها
    صفنت حاولت ادارك الــــموضوع
    شفت تابوتي منصوب بعرسها
    واضل اقنع عيني بلكي اتــوب
    وتبطل تحــــرك دمعي بوجعـها
    ولو معذوره عيني ماصدكت بالصار


    قبل الجان الها صــــار مو الهـــا
    ماضل بيه حيل واكمل الابيـــات
    هسه ذكره صرت انه بدمعهـــا
    واني ماريد اصبح عثره بنص طريق
    يله خل ترتاح الحبيبه بعمـــرها
    اني رايح وماضل بخاطري غيــر
    كلمه بس الله يددري شكبــرها