منتديات نبع الفرات

تمت ارشفة منتديات نبع الفرات

المشاركات من الموضوع ما شايف مثل طولج بعد ما اشوف

  1. بواسطة امير الحب

    ما شايف مثل طولج بعد ما اشوف
    واقنع عيني بيش وتقنع وترضة
    وانت اخيالج يغازلج من تمشين
    وبعضة يلوم بعضة وياكل ابعضة
    كبلج ماجنت شاعر غزل معروف
    ولامو ما درو بية الغرام امضة
    وشعري البي رفض ميرددوه الناس
    من شذرة عيونج يستمد رفضة
    يالكلج برائة وكلشي يلصف بيج
    واتشوفج اعيون الناس المغمضة
    الشارع بي صداع ايصير من تمشين
    وطولة يكوم يفتر يردم ابعرضة
    وابو الطيب يغض النضر جان ايكول
    بس لوشاف طولج فنة اذا غضة
    المستشفى اذا من بابهة اتمرين
    عراضة لشوفتج تتضاهر المرضة
    خط احمر جمالج رسم فوك الكاع
    وحضر تجوال طولج وحدة ايفرضة
    الفتنة الطائفية اعيونج الحلوات
    عليهة احنة اختلفنة وبعد مانرضة
    والامن مايستقر واتفرضة شرطة وجيش
    بس بسلاح عينج نكدر انفرضة
    الفوضى البالبلد مو من سياسيين
    الفوضى البالبلد من شعرج الفوضى
    وغلط احمد مطر من خلدة التاريخ
    لان عن لون خدج ما كتب ومضة
    كاغد ماي خدج والهوى يهز بيه
    ومن كد رقتة بالهوى ما يرضة
    حضة بيج الندة بخدج طبع نيشان
    جا شتسوي بيج اشفافي من تحضة
    عصر النهضة داخو بي ماشافوح
    وانت الشايلة بطولج الف نهضة
    يالبعينج سحر ليل الله طش الشوك
    وانجومة على خدج صاغهن فضة
    الحظ من يشوفج صدفة بين الناس
    يلزم حضة بيدة ايطيح ابحضة
    الشمس هاي الشمس من تسد باب الليل
    تنزل علة شعرج حتى تتوضة
    وترضة من الشمع بالظلمة نطلب نور
    وانت النور منج يطلب القرضة
    ولان تعكس بياضج والبرائة البيج
    وحدهة المراية اتكوم تتشضة
  2. بواسطة احمد ابو سجاد

    عاشت الايادي على


    هذا الموضوع المميز


    دمت ودلم ابداعك


    وتقبل مروري
  3. بواسطة امير الحب

    منوراخي