منتديات نبع الفرات

تمت ارشفة منتديات نبع الفرات

المشاركات من الموضوع بيني وبين الولاية نزيف اعتاب

  1. بواسطة رمش العين

    ادكــَ يا بـــاب
    بيني وبين الولاية نزيف اعتاب
    اعله باب الله تدلّيني
    وينكر حركَتي الشبّاج
    وبنيّة مطر عالجام اطيح اتراب
    وكل البيدي,,,اكسر واهس الشيطان
    واتعوّذ بكلمة (ليش؟؟)
    من الكَه بظهري طعنة وناب
    واتداين خلكَ صفصاف
    من ايشح عليّه الراي
    وعالشامت ولا فد يوم
    حجيت بنبرة العاكَول
    رغم ما مر لهاتي الماي
    ورغم هذا,,,
    ولا ينضاكَ تعبي ابهامة النخلة
    كَللهم ولك ياطين
    يابذرة التجيب افياي!
    اسألوهه النجوم الغفت بعيوني شكثر تانيت
    وسامرني الصبر والناي
    جا ليش الجروف الخذت نص الحيل
    ويه اول روجة تمسحني وأرد مكتوب
    يا شاطي اللي يرضه ابهاي
    بس لاوين؟؟؟
    اظل اخنكَ صدى ابروحي
    محّد بيهم ايسمعه
    واظل لاوين؟؟
    بعيوني الخذاهه الريل
    جابسلك الف دمعة
    مو انته الكَلتلي:
    (ايموت شاعر,,يعلكَ السلطان شمعة؟)
    جا انه اشبيدي عالظلمة؟
    جم فانوس مد حيله اعله طول الليل
    وازاني وكَلت قسمة
    يشرّاية صور بالماي
    يهل الشعر
    يهل اللّيل
    جريمة الكَمر ينباع بسعر نجمة!
  2. بواسطة Ali Al-misana

    جميل جدا سلمت يداك

    وتستاهلين احلى تقييم
  3. بواسطة رمش العين

    تسلم ياورده نورت
  4. بواسطة يوسف الموسوي

    كلمات رائعه
  5. بواسطة رمش العين

    مرورك الاروع شكرا لك
  6. بواسطة مـيـــلاد

    رائعه
  7. بواسطة احمد ابو سجاد

    تسلم أيدك ع الطرح الرائع
  8. بواسطة رمش العين

    منورين
  9. بواسطة امير الحب

    مبدعه دائمن
  10. بواسطة رمش العين

    نورت اميرووووو