منتديات نبع الفرات

تمت ارشفة منتديات نبع الفرات

المشاركات من الموضوع بسك ياكلب هم رجعت واشتاكيت

  1. بواسطة ♥سنفورة بغداد♥

    ولك ها ياكلب جنك اله اشتاكيت
    مليت انه منه وانت مامليت؟؟

    ميحبك ياكلبي شبيك افهم عاد
    نساك الي تحبه وانت ابد منسيت

    ميفكر بعد ميهمه حالك هاذ
    ولاتنزل ابد دمعاته مهما بجيت

    لاتهتم ياكلبي وانسه حبه ارجوك
    قابل كلبه انت ومني تبريت؟

    اعرفك ذايب وخلصان ميت شوك
    اي بس كابر بعد اعرف ولك حنيت

    اريدك مثلي متبين حزن عيناك
    موهذا اني يمك ..والله هم عانيت

    مااذكر جبرتك كافي هذا النوح
    انت الجازفت بالحب تره وحبيت

    اتحمل نتيجة تعبك المافاد
    وحدك انت وحدك بالجرح ظليت

    لاتترجه منه يحبك ويهواك
    عافك وحدك وماقدرك من جيت

    انسه الصار بيك وخلي اني ارتاح
    ياكلبي تعبت منك تره وجنيت

    اموتك حته اخلص ؟لواموت اشلون؟
    اي مومن البجي بدموعي وك غصيت

    اغني وجني ماشايل هموم الكون
    ليش تصير ضدي وبس حزن غنيت

    سويتك صدك شاعر تحبه الناس
    ردتك تنسه بس شوكلشي ماسويت

    ضليت بحنانك وبمحبتك ذيج
    بعدك بالحلم عايش فلافزيت

    بعتني وانته كلبي وصرت مثله النوب
    تفكر بالنساك وعني تخليت
  2. بواسطة ملكة الاحساس

    ﺑﻌﺘﻨﻲ ﻭﺍﻧﺘﻪ ﻛﻠﺒﻲ ﻭﺻﺮﺕ ﻣﺜﻠﻪ ﺍﻟﻨﻮﺏ
    ﺗﻔﻜﺮ ﺑﺎﻟﻨﺴﺎﻙ ﻭﻋﻨﻲ ﺗﺨﻠﻴﺖ

    رؤؤؤؤعه حبي
  3. بواسطة ♥سنفورة بغداد♥

    مرورج الروعه حبي منوره
  4. بواسطة رمش العين

    روعه حبيبتي
    نورتي القسم
    شكرا جزيلا ع الموضوع
    تقبلي مروري :t4409:
  5. بواسطة احمد ابو سجاد

    تسلم أيدك ع الطرح الرائع