منتديات نبع الفرات

تمت ارشفة منتديات نبع الفرات

المشاركات من الموضوع جرح الفقير

  1. بواسطة بهلول الرشيد

    جرح الفقير



    لا تحط بيدي الشمس واحلامي بيد
    ولا تهيج عالفقير جروحه
    ولا تكلي بعسرك ويسرك اعيش
    وانت قصرك لسمه يمد روحه
    عوفني بحالي تراني بليه ايد
    وانت شباجك زحل مالوحه
    شلون ما تدري لحلم الفقير
    ماتشوف احلامه كد اجروحه
    روحي مذبوحه ذبح وتريد اطير
    منين حظي يطير المذبوحه
    لا تأملني بحجي الماجاسه ضيم
    جفي دك بوب السمه المفتوحة
    وحظي دك اثبات بجناح الفقير
    لا يصعده ولا ينزل اصطوحه
    انت بعدك مانمت فوك الحصير
    وغمست لكمة ملح بملوحه
    لا تلامسني بطرف صدرك اذوب
    انا من دم ولحم مو لوحه
    ولا تمرجحني برمش عينك اخاف
    انا ما شايف رمش مرجوحه
    ولا تكلي تمرجح شمالك تخاف
    جنت اريدك للمسه توديني
    بس اخافا ينكطع رمشك واطيح
    وباجر تكلي طحت من عيني
    روح دورلك محب يرهم عليك
    انا قاموس العشك طاويني
    ما عشكتك وانا بالطيش استحيت
    شلون احبك وانا بتلاثيني
    خلني راضي بفقري وانت ارضى بغناك
    وعوف عيسى بدينه وانا بديني
    ولو خلاني الوكت بعت اللحاف
    يعني هسه براحتي امد رجليني
    لكن ادري بدربي عن دربك بعيد
    ومن صغر هذا الفرق بجاني
    انت دفاك الثلج عن لا تموت
    وانا ميت والثلج دفاني
    وانت كاروك الذهب ما كفه اديك
    وانا كاروك الكصب كفاني
    وحتى لا احلم وامد جفي لسماك
    وانا ارضع كمطو ذرعاني
    وعن محبتك والله ما شدني الحنين
    هذا رمشك يا ترف شداني
    والله احبك من صغر بس ما حجيت
    جنت اريدك تنسعد وي ثاني
    ومن اجيت بلهفتك تسأل علي
    كلبي كله اتمرجح بشرياني
    تالي من غصبن علي كتلك نسيت
    روح دورلك محب وانساني
    اتوسلت بالساني يحجيه وتروح
    ومن رحت عني كطعت الساني
    انا كتلك لا تجي وجي ما اجيت
    راحت البابك تدك بيباني
    راحت البابك تدك بيباني
  2. بواسطة قبس الليل

    اللـــــــــــــــــــــــــــــــــــــــــــــــــــــه
    روعه
    قصيده رائعه جدا
    ابدعت اخي بهلول الرشيد
    شكرا جزيلا
    تقبل تحاياي
  3. بواسطة بهلول الرشيد

    الاروع وجودك اخي قبس الليل
    الف تحيه لك
  4. بواسطة رمش العين

    واو فعلآ روعه
    سلمت لنا اخي بهلول
    كــ العادة تميز في الطرح
    شكرآ جزيلآ
    كل الود
    تقبل مروري :t4409:
  5. بواسطة مهدي حسب

    عاشت ايدك
  6. بواسطة حكايا الورد

    الله الله كلش حلوه
    عاشت الايادي اخي ابو زهراء على هذا الاختيار الجميل
    بانتظار جديدك
    تحياتي
  7. بواسطة احمد ابو سجاد

    طــــرح رائــــــع عـــــاشت الايــــــــادي
  8. بواسطة بهلول الرشيد

    شكرا جزيلا لتواجدكم المزكى
    ارق التحايا