منتديات نبع الفرات

تمت ارشفة منتديات نبع الفرات

المشاركات من الموضوع رحلة مع الشاعر الحاج زاير الدويج اخطل الابو ذيه

  1. بواسطة بهلول الرشيد

    رحلة مع الشاعر الحاج زاير الدويج اخطل الابو ذيه

    ابو فراس الحمداني:
    ايا جارتا ما انصف الدهر بيننا
    تعالي اقاسمك الهموم تعالي

    الحاج زاير:
    نحل جسمي وتظل روحي تعالي
    هبطنه والنذل بينه تعالي
    يجارة الدهر ما انصف تعالي
    نخلط همومنا ونجسم سوية

    عروة بن حزام:
    هوى ناقتي خلفي وقدامي الهوى
    واني واياها لمختلفان
    الحاج زاير:
    وحك المرتضى ايمامك وامامي
    عبيط الدمع لفراكك وما ماي
    هوه الناكه لفة خلفي وما ماي
    الهوه مدري لوين ايريد بيه
    شاعر قديم:
    احباي لو غير الحمام اصابكم
    عتبت ولكن ما على الموت معتب
    الحاج زاير:
    آنه انشر للهوه وما طلع حباي
    ومن ضعفي غديت انحيل حباي
    لون غير الحمام ايصيب حباي
    عتبت ولا عتاب اعله المنيه
    شاعر قديم:
    الخيل عندك ملتها مرابطها
    والبيض منها عرا اغمادها السأم
    الحاج زاير:
    اجبود ابجمر من الوكت ملت
    وكلوب الناس من الهجر ملت
    مرابط خيلك من الخيل ملت
    وبيض اسيوفكم امست صديه
    شاعر قديم:
    لا يعرف الشوق الا من يكابده
    ولا الصبابة الا من يعانيها
    ************
    الحاج زاير:
    من هل بله جاني المرض
    ويطول حجيك ويعرض
    لا تنشد الخالي الغرض
    انشد ال بالشوك ابتله
    ************
    الشاعر القديم:
    وكم علمته نظم القوافي
    فلما قال قافية هجاني
    ************
    الحاج زاير:
    ما حلب وياي صافي
    وعكبه جفني موش غافي
    آنه علمته القوافي
    ومن تعلمها هجاني
    الشاعر القديم:
    لو بات من اهواه وسط حشاشتي
    قلت ادن مني ايها المتباعد
    ************
    الحاج زاير:
    نحل جسمي وزاد اليوم مرضاي
    على اللي ما شفت له شخص مرضاي
    لو بات الترف بحشاي مرضاي
    اكله اكرب يهل مبعد عليه
    ************
    وفي الامثال:
    ذهب بالعنب والسلة او خذ العنب واعطني السلة
    الحاج زاير:
    من عكب زين المحاجي عاد سلتنه
    صرنه خلف ما تفيد السيف سلتنه
    من فوك هذا الضعف دنياك سلتنه
    يهل الهوه ممتحن كلبي خذوني لكم
    لو تنستر دمعتي بيدي ابجفاكم لكم
    عفنه العنب ما نريده يارفاكه لكم
    لاجن نباري بعد وانريد سلتنه

    ابو ذيات
    اهل هل وكت بالك تمن بيهم
    ادنان وعيب يحصل تمن بيهم
    ثلاث من الخصايل تمن بيهم
    الجذب والفتن والشوفة الرديه
    ************
    يعاذل نار شوكي هل تمسني
    اهديني الشوف حبي والتمسني
    بجه من مد يمينه والتمسني
    لكاني نفس ما مش جسد بيه
    ************
    الزمان وي الجواد بسكم كصرن
    ويبني بيوت للانذال كصرن
    الكصير يطول وال بي طول كصرن
    الصكر يطلب من البومه هديه!
    زهيريات
    يا صاح عودي ذبل وبكل دوا ما يصح
    والدمع سال وجره من ناظري ما يصح
    والنيب مثلي ابحنينه لو صحت ما يصح
    من حيث مضروب ما بين الجوانح تبن
    بمعالج الروح سري لم اموتن تبن
    لا تنهضم عل سبع لو صار علفة تبن
    واليوم حتى التبن علف السبع ما يصح
    ************
    من يوم فركاك جسمي من صدودك عود
    هيهات عكبك يسليني نديم وعود
    كلما اعدل النفس روحي تكلي عود
    لي صاحبن كط محد كال اله لوله
    وحياة من بالمهد جبريل اله لوله
    لو ما يكولون واعرف بالحجي لوله
    جنت احجي وياك لا جن بالزبيبه عود
    ************
    دار الملوك اظلمت عكب الضوه بسروج
    يهناك دمعي يكت اعله الوجن بس روج
    والخيل لمن تردت واضلعت بسروج
    والكدش اصبح لها عزم شديد وباس
    والزين دنك على جف الزنيم وباس
    والشهم لو عاشر الانذال ما هو باس
    من جلة الخيل شدو عل الجلاب اسروج




    [صورة]
  2. بواسطة Alforati

    راااائعه جدا

    سلمت يداك اخي ابو زهراء
  3. بواسطة رمش العين

    رائع جدآ
    سلمت ع الموضوع الجميل
    ربي يخليك ويخلي مواضيعك الجميلة لنا
    شكرآ جزيلآ
    كل الود
    تقبل مروي
    :t4409:
  4. بواسطة مهدي حسب

    انتقاء مميز عاشت ايدك
  5. بواسطة بهلول الرشيد

    الفراتي ورمش العين والاخ مهدي الموسوي
    شاكر مروركم ارق التحايا لكم