منتديات نبع الفرات

تمت ارشفة منتديات نبع الفرات

المشاركات من الموضوع ظلم العراق

  1. بواسطة بهلول الرشيد

    ظلم العراق

    للشاعر المرحوم عبد الحسين الحلفي
    شاعر البصرة الفيحاء رحمه الله

    وابو الكرسي طلع مو خوش ملاح مو بس هاي يضحك عل سفينة
    درينة اهل الكراسي تحرس الناس بس جبوبي بيهم مادرينة
    دوم ابن الفقير بجفن ملفوف وبنهم يكبر وبعدة بحضينة
    المثل ذولة اذا ماتو حرامات وجريمة يتم دفنهم يم علينة
    عراقيين صرنة ملوحة للموت ومايستلذ كلش الة بينة
    وموت الله انلغة بهل وطن فد نوب وعزرايين هم بدل علينة
    يحلالي العتب ياوطن وياك لان بس الاحبهم عاتبتهم
    وتدري شكد احبنك ياوطن وهواك بكد ناسك الفقرة العذبتهم
    ابصغري كالولي اطلع ترى ااذيك وصدك اذيتني وما صدكتهم
    وحلمو بية اكرهك ياوطن يوم جة حلمو اكرهك كاومتهم
    اهلي من طحت فزعولك اركاض عثرو بيك تالي وطيحتهم
    وليت اهلي ذبح وجمالة اكلك خو ماتعبوك من ذبحتهم
    المو ولدك ارتاحو ياوطن بيك او ولدك على العالم طشرتهم
    ولدك علكوك اكلادة على الجيد وانت على المشانق علكتهم
    اجة راس السنة ورادو يشبكوك اكطعت راس السنة وما شابكتهم
    ابحروبك قدمولك احلا العضام من صار السلم ليش اعلستهم
    حركو روحم من كلت بردان ودفيت وصارو ارماد ودستهم
    امبترو من كلت محتاج رجلين من احتاجو ايدك رجعتهم
    من الزمت قلمك صارولك اوراق ومن كد ما تشخبط شككتهم
    صارولك ورد ضنوك فلاح ماتعرف تشم ليش اكطعتهم

    تحياتي
  2. بواسطة رمش العين

    رائع اختيارك اخي بهلول الرشيد
    وربي يرحم الشاعر الكبير عبد الحسين الحلفي
    وربي يحمي العراق من كل مكروه وشر
    شكرآ جزيلآ نورت القسم بمواضيعك الجميلة
    تقييم مع كل الود
    :t4409:
  3. بواسطة بهلول الرشيد

    رمش العين سلمت لنا اخت عزيزه
    شكرا للمرور
  4. بواسطة العلوية الهاشمية

    موبس شاعر مرحوم اني اكول شاعر عظيم بحق وكثير قصائد قريت اله وجدا مميزات..
    يسلمو عمو ..
  5. بواسطة حكايا الورد

    الله يرحم الشاعر الكبير
    عاشت الايادي اخي ابو زهراء على هذا الاختيار الجميل
    ابيات جميلة جدا ومليئة بالمرارة والاسى
    بانتظار جديدك
    تحياتي
  6. بواسطة احمد ابو سجاد

    تسلم أيدك ع الطرح الرائع
    ابدعت فتميزت
    بانتظارجديدك بكل شوق
    ودي ووردي
  7. بواسطة بهلول الرشيد

    شكرا جزيلا لتواجدكم المزكى
    ارق التحايا
  8. بواسطة تقوى ألقلوب

    اكثر من رائع سلمت