منتديات نبع الفرات

تمت ارشفة منتديات نبع الفرات

المشاركات من الموضوع گتله اموت!! وگلي يمته؟

  1. بواسطة حسين علي

    گتله اموت!!
    وگلي يمته؟
    گتله جرحي!!
    وگلي شفته؟
    المصيبه من لزمني… دور بظهري وتـــــغــــير!!
    گلي جرحك!!
    گتله منك؟
    گلي مو مثل التركته؟
    گتله حقك..
    بيه گد نهرين طعنك
    جي گلتلي دمي ماي وروحي طاسه
    من درت ظهرك شمرته !!
    وهذا جفك بيه گاعد
    جفك ورمحك حملته
    سنين اتاني بلكي تصحه
    وما صحيت
    وانه افك زياجي ودعي
    بلكي تصحه
    بلكي جدمك يعبر ضنوني ويجيني
    تشوف گلبي شطول جرحه
    تشوف ليلي اللبس النجمات ظلمه
    وفجري بيده اغتال صبحه
    ليش گلبك عينه وكحه؟
    ليش جفك دزلي ملحه؟
    وهذا وجهك…
    يمته اشوف وياه فرحه؟
    كافي تتشلبه اعله طولي دموعي جاهل
    واليطيح يهيج جرحه
    وانه طين وموش حايط
    من صحت يمك تعااااااال وباوعتني
    انته اجيت وذاك جفك
    هم اجاني وجاب رمحه
  2. بواسطة امل

    شكرا اخي ع المجهود