منتديات نبع الفرات

تمت ارشفة منتديات نبع الفرات

المشاركات من الموضوع أعتذار الكفيل لابا عبد الله الحسين ( عليهما السلام )

  1. بواسطة حسين علي

    أعتذار الكفيل لابا عبد الله الحسين ( عليهما السلام )

    صاح الكفيل أعلى النهر الحكَلي يحسين


    الماي ماجيبة أعتذر ماعندي جفين


    لو عندي جفيني ... أوفي أنة بديّني


    الماي ماجيبة أعتذر ماعندي جفين


    ************

    أنة الكفيل ابن الدرر وابن الزجية

    عالمشرعة أفني الزلم سيفي بدية



    بطف كربلا أرض وسمة تشهد علية
    فنة اليجيني ويعتني بالغاضرية
    لوسيفي بيميني ... أوفي أنة بديّني
    الماي ماجيبة أعتذر ماعندي جفين
    *********
    أروي عطاشى كربلا وأسكيها بدماي
    وحسين مني لوطلب أعصرلة عيناي
    عباس أنة راعي الفضل وبعهدي وفاي
    أرجع يخوية للخيم والعلكمي وياي
    أرويها يحسيني ... وأوفي أنة بديني
    الماي ماجيبة أعتذر ماعندي جفين
    ********
    صاحت يتامى بالخيم ياعمي عباس
    نار الضمة وسط الكلب والله متنقاس
    معروف وكت الموزمة وتعرفك الناس
    جاليش عمنة تأخرت يا أبو النوماس
    مادروا ياعيني ... أوفي أنة بديني
    الماي ماجيبة أعتذر ماعندي جفين
    *********
    زينب تنادي وية الحرم وينك يكفال
    عكَبك يخوية تنسبي كل هاي العيال
    وعالخيم تهجم هالعدة وتسحك الاطفال
    وراسك يبن حيدر علي عالرمح ينشال
    دهري أنة ياذيني ... أوفي أنة بديني
    الماي ماجيبة أعتذر ماعندي جفين
    *******
    لولا الغدر من العدة وكطعة الجفين
    كطعة يساري ويمنتي وسهم الملاعين
    ميهمني جيش المشرعة وماهابة يحسين
    لاجن وسف سهم الغدر صوبني بالعين
    وحرمني من عيني ... أوفي انة بديني
    الماي ماجيبة أعتذر ماعندي جفين
    *******
    فنة الكَرب للعايلة ويوصل خيامي
    هالعايلة بعهدي أنة وأني المحامي
    أكَلب الدنيا بصولتي وشمرة حسامي
    وما أرجع من المعركة الا أني دامي
    يازهرة سنيني ... أوفي أنة بديّني
    الماي ماجيبة أعتذر ماعندي جفين
    *********