منتديات نبع الفرات

تمت ارشفة منتديات نبع الفرات

المشاركات من الموضوع لمن يعشق الابوذية...

  1. بواسطة بهلول الرشيد

    لمن يعشق الابوذية...
    ارجو ان تنال هذه المجموعة اعجابكم

    كل شوفي بجفه الماشين ورداي
    گمـت وأنگطع بيـد الغير ورداي
    أنامـن كـون وأحلـم حلـم ورداي
    اليفززنـي إعلـى وجـه الگطـع بيه
    الشاعر صادق الجهلاوي
    عله دربك ناس زينة شلون طر شان
    جبل شاني يسيف جفاك طر شان
    سابع جار جانو ناس طرشان
    شالو من ضجيج اجفاك بية
    الشاعر حسن التميمي
    يأن..الكلب واتاثر بما ان
    وتشب الروح ماتطفة بماءا
    طحت كدامك وكتلي بما ان
    طلبت العون مني اتبوس ادية

    الشاعر خالد الفراتي
    عليه بيا كتر دنيـــــــــــــــــاي ظليت
    الأعمى اندل وانا ابن الشوف ظليت
    إنوكل جوفي وشكل من فوك ظليت
    الهوا من يطب يسمعك ناي بية
    الشاعر مرتضى عبد العال
    ذبحني واكل لحمي المات وناي
    بسبب حزني تبده الطــور وناي
    الى كلمن سألني شلــون وناي
    ونين امي ويتامه بمغربيــــــــــــه
    الشاعر علي خلف
    شكيت وبيه حته اعضاي لا مين
    واذا مو لله جا شكواي لا مين
    طحت وبهيمه لا من شاف لامين
    سمع لا من فزع لا حيل بيه
    الشاعر احمد عاشور
    وحگ الشال بيده حجر ماكاه
    ولايوم الدليل استجن ماكاه
    طحت وگبالي اخيي كاه ما كاه
    ضحك يا فرحته عل الصار بيه
    الشاعر احمد سليم الزبيدي